MBIO ZA URAIS 2015 ZAANZA

on

Mwenyekiti wa CCM Taifa Rais, Dk Jakaya Kikwete akisikiliza jambo kwa makini
CCM CHAPULIZA KIPENGA, WILAYA ZA IRINGA, SONGEA ZATANGULIA, DK NCHIMBI KIDEDEA UJUMBE WA NEC, LEO NI SUMAYE NA NAGU

Na Waandishi Wetu
CHAMA Cha Mapinduzi (CCM), kimeanza rasmi chaguzi mbalimbali za uongozi kuanzia ngazi za wilaya ambazo zitatoa safu za uongozi wa chama hicho watakaokiongoza kuelekea Uchaguzi Mkuu wa 2015, ambao utatanguliwa na ule wa Serikali za Mitaa wa 2014.

Chaguzi hizo zilianza jana kwa baadhi ya wilaya kuchagua wajumbe wa Halmashauri Kuu ya Taifa (Nec), wenyeviti wa wilaya na safu nyingine za uongozi huku leo idadi ya wilaya zikitarajiwa kuongezeka.
Mwenyekiti wa chama hicho, Rais Jakaya Kikwete akifungua kikao cha Nec, mjini Dodoma Jumanne iliyopita, alisema chama hicho kimepitisha majina ya vijana wengi kugombea nafasi mbalimbali ili kutengeneza timu ya ushindi katika Uchaguzi wa Serikali za Mitaa na Uchaguzi Mkuu ujao.
Alisema katika uteuzi huo, vijana watapewa nafasi zaidi kutokana na ukweli kuwa, chama bila ya vijana hakiwezi kuwa imara kwa sababu ndiyo nguvu ya ushindi.
Wilaya ambazo jana zilifanya uchaguzi ni Iringa Mjini, Songea Mjini, Songea Vijijini, Mbinga na Namtumbo.
Katika uchaguzi wa Songea Mjini, Waziri wa Mambo ya Ndani, Dk Emmanuel Nchimbi aliibuka kidedea katika nafasi ya ujumbe wa Nec.
Habari kutoka ndani ya mkutano huo zinasema kwamba waziri huyo alishinda baada ya kupata kura 722 huku mpinzani wake Yusuf Mwambola akiambulia kura 54.
Uchaguzi huo unafanyika huku baadhi ya wanaCCM ambao waligombea na majina yao kukatwa na Nec wakilalamika kuwa kilichowaponza ni kushiriki katika mchakato wa kutaka kumwondoa madarakani Waziri Mkuu, Mizengo Pinda wakati wa Bunge la Aprili, mwaka huu.
Baadhi ya vigogo walioondolewa majina yao kugombea nafasi mbalimbali ndani ya chama hicho ni pamoja na Mbunge wa Ludewa, Deo Filikunjombe, Mbunge wa Musoma Vijijini, Nimrod Mkono, Mbunge wa Nzega, Dk Hamis Kigwangalla na Mbunge wa Kahama, James Lembeli.

Mchuano mkali Hanang’
Wilaya za Babati Mjini, Mbulu na Hanang’ zinatarajiwa kufanya uchaguzi leo ambako macho na masikio yataelekezwa Hanang’ ambako Waziri Mkuu Mstaafu, Frederick Sumaye anachuana na Waziri wa Nchi Ofisi ya Waziri Mkuu (Uwekezaji na Uwezeshaji), Dk Mary Nagu katika nafasi ya ujumbe wa Nec.
Wilaya ya Simanjiro mkoani Manyara inatarajiwa kufanya uchaguzi wake Jumatatu na mchuano mkali unatarajiwa kuwa katika nafasi ya Mjumbe wa Nec ambayo inagombewa na Mbunge wa Jimbo hilo, Christopher Ole Sendeka na mfanyabiashara maarufu na Diwani wa Kata ya Mirerani, Justine Nyari.

Katika Mkoa wa Pwani, uchaguzi huo unatarajiwa kufanyika leo katika wilaya tatu. Katibu wa CCM mkoa huo, Sauda Mpambalioto alizitaja wilaya hizo kuwa ni Kibaha, Mafia na Rufiji.
Alisema Wilaya za Bagamoyo, Kisarawe na Mkuranga zitafanya uchaguzi huo kesho.
Katibu wa CCM Wilaya ya Mbarali, Paul Mwita alisema uchaguzi wilayani hapo unatarajiwa kufanyika leo.
“Wagombea wa nafasi mbalimbali wameshapewa taarifa kamili na mkutano huo utafanyika katika ukumbi wa Shule ya Sekondari Mount Fort,” alisema Mwita.
Mkoani Tabora, Wilaya za Urambo na Uyui zinatarajiwa kufanya uchaguzi leo. Kwa upande wa Wilaya ya Nzega uchaguzi huo unatarajiwa kufanyika leo na kesho.
Wilayani Igunga, Katibu wa chama hicho, Mery Maziku alisema kuwa uchaguzi huo unatarajiwa kufanyika Oktoba Mosi. Tabora Mjini uchaguzi huo unatarajiwa kufanyika kesho katika ukumbi wa Utumishi wa Umma.

Vijana wachaguana
Uchaguzi wa Jumuiya ya Vijana wa CCM, UVCCM wilayani Kishapu, Shinyanga umefanyika na Luhende Luhende aliyekuwa akitetea kiti chake kuibuka kidedea.
Uchaguzi huo umerudiwa baada ya mara ya kwanza kufanyika Agosti 28, mwaka huu. Katika uchaguzi huo, Luhende aliibuka mshindi kwa kupata kura 223 huku mpinzani wake, Paul Kimali akipata kura 216.
Hata hivyo, Luhende hakutangazwa mshindi kwa kuwa hakupata zaidi ya nusu ya kura hivyo uchaguzi huo kurudiwa jana.
Katika uchaguzi wa jana, Luhende alipata kura 243 na mpinzani wake, Kimali alipata kura 190.
Akizungumzia ushindi wake, Luhende aliahidi kufanya kazi ya kujenga umoja miongoni mwa vijana wa wilaya hiyo katika kipindi cha miaka mitano bila kuwabagua.
Kimali alisema uchaguzi huo ulikuwa mkali na kuahidi kutoa ushirikiano kwa mpinzani wake katika kipindi chote cha uongozi wake.
Imeandikwa na Suzy Butondo, Kishapu; Joseph Lyimo, Manyara; Julieth Ngarabali, Pwani; Godfrey Kahango, Mbarali na Mustapha Kapalata, Tabora.

Comments

Post a Comment

HABARI ZILIZOSOMWA ZAIDI

Image

MAKABILA 10 YENYE WANAWAKE WAREMBO TANZANIA

  1. Wahiraki,  Hawa ni wanawake wa jamii ya Wahiraki wa napatikana kaskazini mwa Tanzania wamezagaa mikoa ya manyara ni weupe Wana Umbo zuri wanavutia kwa Macho. 2. Warangi,  Hawa ni wanawake jamii ya Warangi ni wazuri nywele zao ni asili ya waraabu weupe sura nzuri wanapatikana kondoa. 3. Wanyiramba.  Hawa ni warembo Sana sura matata wanapatikana mkoa wa singida kaskazini, usipokua makini utawafananisha na wanyaturu 4. Wamasai,  kabila hili wanawake wazuri sio wengi Sana lakini ukikutana na sampuli Tatu au nne hivi utauza hata boxa kuongezea mahari wamezagaa Sana Arusha 5. Wahaya,  hawa nao ni jamii ya Kanda ya ziwa maumbile Yao Kuna weupe miguu Yao ya bia shape matata wamejaa Sana bukoba. 6. Wanyaturu,  Hawa wanafanana na Wanyiramba wanapatikana singida hasa ikungi na manyoni weupe wanavutia 7. Wapare,  Hii ni jamii ya kabila la Wapare wanapatikana moshi wilaya ya same wako vizuri usicheze kabisa na hili kabila shape nzuri. 8 .Wamakonde,  Hawa wanapatikana kusini mwa Tanzania ni kab
Image

NI SIMBA PEKEE ILIYOFUNGWA ROBO FAINALI

 📶 Matokeo ya Klabu bingwa Africa Robo fainali katika hatua ya mkondo wa kwanza. ✅Mpaka hapo Simba peke ndiyo timu iliyoruhusu goli huku Al Ahly ndiyo timu pekee iliyopata Ushindi katika michuano hii mkondo wa kwanza ligi ya Mabingwa Africa .
Image

CHATANDA AFUNGUA MAFUNZO YA KUWAJENGEA UWEZO MADIWANI WANAWAKE WA MIKOA 11

  Mwenyekiti wa Umoja wa Wanawake (UWT-Taifa), Mary Chatanda (katikati) akiwa na Kamisaa wa Sensa Tanzania, Anne Makinda (kulia) pamona na Katibu Mkuu wa UWT, Jokate Mwegelo wakati wa ufunguzi wa mafunzo ya kuwajengea uwezo madiwani wanawake kutoka  mikoa 11 kwenye Ukumbi wa Kilimani jijini Dodoma Machi 25, 2024. Akizungumza katika mafunzo hayo amepata wasaa wa kuelezea mafanikio lukuki ya uongozi wa miaka mitatu ya  Rais Samia Suluhu Hassan ikiwemo ukamilishaji wa ujenzi wa Ikulu ya Dodoma, ujenzi wa Reli ya Kisasa ya SGR, Daraja la Busisi Mwanza lililofikia asilimia 80, Bwawa la Mwalimu Nyerere, mradi wa mabasi ya mwendokasi (BRT) na mengine mengi. Chatanda akisisitiza jambo Katibu Mkuu wa UWT, Jokate Mwegelo akisema neno la utangulizi kabla ya kumkaribisha Mwenyekiti wake, Chatanda. Mwenyekiti wa UWT Mkoa wa Dodoma, Neema Majule akisema neno la ukaribisho mkoani humo kwa wajumbe wa mafunzo hayo. Kamisaa wa Sensa Tanzania, Anne Makinda akihutubia wakati wa mafunzo hayo. Baadhi y madi
Image

KINANA ASIMIKWA KUWA MMOJA WA MACHIFU WA WAPARE, SAME MAGHARIBI

 Katibu Mkuu wa CCM, Abdulrahman Kinana na Mbunge wa Jimbo la Same Magharibi, Mathayo David Mathayo wakinywa maji ya bomba baada ya kuzindua mradi wa maji katika Kijiji cha Gonjanza, Kata ya Suji, wilayani Same, mkoani Kilimanjaro,wakati wa ziara ya kuimarisha uhai wa chama, kukagua miradi inayotekelezwa kwa kufuata Ilani ya Uchaguzi ya CCM, pamoja na kusikiliza kero za Wananchi na kuzitafutia ufumbuzi. Katikati ni Mkuu wa Mkoa wa Kilimanjaro, Leonidas Gama.  Katibu Mkuu wa CCM, Abdulrahman Kinana na Mbunge wa Jimbo la Same Magharibi, Mathayo David Mathayo wakishiriki kufukia bomba la mji wakati wa uzinduzi wa mradi wa maji katika Kijiji cha Gonjanza, Kata ya Suji.  Katibu Mkuu wa CCM, Abdulrahman Kinana akisalimiana na Mbunge wa Jimbo la Same Magharibi, Mathayo David Mathayo alipowasili katika Shule ya Sekondari ya Njoro katika Jimbo la Same Magharibi ambapo alishiriki ujenzi wa vyumba vya madarasa.  wananchi wakiwa wamejipanga kumlaki Komredi Kinana katika Shule ya Sekond
Image

DK NCHIMBI AMTEMBELEA MZEE YUSUF MAKAMBA*

  Katibu Mkuu wa Chama Cha Mapinduzi (CCM), Balozi Dk. Emmanuel John Nchimbi, amemtembelea kumjulia hali mmoja wa Makatibu Wakuu Wastaafu wa CCM, Mzee Yusuf Makamba, Jumatatu, Aprili 1, 2024, nyumbani kwake jijini Dar Es Salaam.  Akimpongeza kwa kuteuliwa kushika nafasi hiyo na kumtakia heri kwenye majukumu hayo mapya, Mzee Makamba amemzawadia Balozi Dk. Nchimbi shati moja la sare ya Chama Cha Mapinduzi, ikiwa ni ishara ya kifaa cha kazi, ambapo Katibu Mkuu huyo wa CCM, alipokea pongezi na kumshukuru kwa zawadi hiyo. *****####*****
Image

AZIZ KI AAHIDI KILA ATAKAYEIFUNGA MAMELODI

  KILA GOLI MILIONI 1 📝📝📝 Kiungo Mshambuliaji wa Young Africans Stephane Aziz Ki katoa Ahadi "Mchezaji yeyote atakae Funga Goli dhidi Mamelod Sundowns atapatiwa kiasi cha MILION 1 kutoka kwake. Pia kasema kwa upande wa Mabeki wakizuia vizuri bila kuruhusu goli watapatiwa MILION 1..! Sio Game ya Viongozi tu hata wachezaji wenyewe wanaitaji Mechi..!✅ Amesema Ally Kamwe Msemaji Wa Yanga #travellerwayanga #yangascupdates
Image

HATUTOPAKI BASI DHIDI YA YANGA-MOKWENA

" Sijawahi kufikiria kupaki basi, tunaamini mpira ni burudani inayoambatana na ushindi, mchezo wetu na Yanga hakuna kitachobadilika sana, isipokuwa mbinu ambayo inabaki kuwa siri yangu na wachezaji, jambo nzuri tuna ndugu zetu wengi sana Tanzania watakuja kutusapoti." Rulani Mokwena, Kocha Mkuu wa Mamelodi Sundowns
Image

“PEMBA SALUTI KWENU” DK. NCHIMBI*

m Katibu Mkuu wa Chama Cha Mapinduzi (CCM) Balozi Dk. Emmanuel John Nchimbi amesema anawaheshimu na kuwakubali wanaCCM wa Pemba kwa misimamo yao thabiti katika kuilinda na kuitetea CCM, bila kuyumba.  Dkt. Nchimbi pia amewapongeza kwa jinsi ambavyo wameendelea kuwa imara kuifanya Pemba kuwa mojawapo ya ngome za Chama Cha Mapinduzi nchini, akiwasisitiza wanaCCM kuendelea kuwa wamoja, chini ya Uongozi wa Mwenyekiti wa CCM, ambaye pia ni Rais wa Jamhuri ya Muungano wa Tanzania, Mhe. Dk. SAMIA Suluhu Hassan.  Katibu Mkuu wa CCM Balozi Dk. Nchimbi amesema hayo leo Jumamosi, Machi 23, 2024, alipokuwa akizungumza na baadhi ya viongozi na wanachama wa CCM wa Pemba, waliofika kumlaki katika Uwanja wa Ndege wa Abeid Amani Karume, Pemba, mara tu baada ya kuwasili uwanjani hapo, tayari kuanza ziara ya kikazi ya siku moja, katika Kisiwa cha Pemba.  “Kati ya wanaCCM ninaowaheshimu na kuwakubali sana kwa jinsi wanavyoipenda CCM, wanavyoilinda, kuitetea na kuisemea ni wanaCCM wa Pemba. Asanteni sana k