MTU MMOJA ASIYEFAHAMIKA JINA WALA MAKAZI YAKE, JINSI YA KIUME, UMRI KATI YA MIAKA 35-40, ALIUAWA KWA KUKATWA MAPANGA MWILINI NA WANANCHI WALIOAMUA KUJICHUKULIA SHERIA MKONONI HUKO ENEO LA MACHINJIONI – VETA JIJINI MBEYA.
MWILI WA MAREHEMU ULIKUTWA HUKO
KATIKA ENEO LA MACHINJIONI – VETA, KATA YA SAE, TARAFA YA IYUNGA JIJI NA
MKOA WA MBEYA MNAMO TAREHE 24.05.2015 MAJIRA YA SAA 20:30 USIKU.
INADAIWA KUWA, CHANZO CHA TUKIO
HILO NI TUHUMA ZA WIZI. MWILI WA MAREHEMU UMEHIFADHIWA HOSPITALI YA
RUFAA MBEYA, UPELELEZI UNAENDELEA ILI KUWABAINI NA KUWAKAMATAWAHUSIKA.
KATIKA TUKIO LA PILI:
MTU MMOJA AMBAYE HAJAFAHAMIKA
JINA WALA MAKAZI YAKE, JINSI YA KIUME, UMRI KATI YA MIAKA 18-22,
ALIKUTWA AMEUAWA KWA KUPIGWA SEHEMU MBALIMBALI ZA MWILI WAKE NA WATU
WASIOFAHAMIKA NA KUUNGUZWA MOTO SEHEMU ZA MAPAJA.
TUKIO HILO LIMETOKEA MNAMO TAREHE
24.05.2015 MAJIRA YA SAA 19:20 JIONI HUKO KATIKA MSITU WA SHULE YA
MSINGI MAPOROMOKO, KATA NA TARAFA YA TUNDUMA, WILAYA YA MOMBA, MKOA WA
MBEYA.
CHANZO CHA TUKIO BADO
KINACHUNGUZWA. MWILI WA MAREHEMU UMEHIFADHIWA KITUO CHA AFYA TUNDUMA.
UPELELEZI UNAENDELEA ILI KUWABAINI NA KUWAKAMATAWAHUSIKA.
KAIMU KAMANDA WA POLISI MKOA WA
MBEYA KAMISHNA MSAIDIZI WA POLISI NYIGESA R. WANKYO ANATOA WITO KWA
WANANCHI KUACHA TABIA YA KUJICHUKULIA SHERIA MKONONI KWANI NI KINYUME
CHA SHERIA NA BADALA YAKE WAJENGE TABIA YA KUWAFIKISHA KATIKA MAMLAKA
HUSIKA WATUHUMIWA WANAOWAKAMATA KWA TUHUMA MBALIMBALI.
KATIKA TUKIO LA TATU:
MTEMBEA KWA MIGUU ALIYEFAHAMIKA
KWA JINA MOJA LA SUBIRA, UMRI KATI YA MIAKA 25-30, MKAZI WA NZOVWE
ALIFARIKI PAPO HAPO BAADA YA KUGONGWA NA GARI ISIYOFAHAMIKA NAMBA ZAKE
ZA USAJILI WALA DEREVA WAKE.
TUKIO HILO LIMETOKEA MNAMO TAREHE
24.05.2015 MAJIRA YA SAA 20:50 USIKU HUKO ENEO LA OIL-COM STENDI KUU,
KATA NA TARAFA YA SISIMBA, JIJI NA MKOA WA MBEYA.
DEREVA ALIKIMBIA NA GARI MARA
BAADA YA AJALI. CHANZO CHA AJALI KINACHUNGUZWA. MWILI WA MAREHEMU
UMEHIFADHIWA HOSPITALI YA RUFAA MBEYA, UPELELEZI UNAENDELEA IKIWA NI
PAMOJA NA KUMTAFUTA DEREVA ALIYEHUSIKA KATIKA TUKIO HILI.
[NYIGESA R. WANKYO – ACP]
KAIMU KAMANDA WA POLISI MKOA WA MBEYA.
KAIMU KAMANDA WA POLISI MKOA WA MBEYA.
Comments