CHATANDA AMPONGEZA FATMA REMBO KWA KUIWEZESHA UWT MKOA WA IRINGA MIL. 54

on

MWENYEKITI wa jumuiya ya Umoja wa wanawake Tanzania ambae pia ni Mjumbe wa kamati kuu ya CCM Taifa Mary Chatanda amepongeza jitihada kubwa zinazofanywa na mjumbe wa baraza kuu la CCM Taifa ambae pia ni Mjumbe wa kamati ya utekelezaji UWT Taifa Fatma Rembo kwa kutoa sh.54 milioni kwa ajili ya kukamilisha ujenzi wa nyumba ya Katibu wa UWT mkoa wa Iringa.

Fatma Rembo aliikabidhi UWT mkoa wa Iringa sh.54 millioni ili kukamilisha ujenzi wa nyumba hiyo baada ya kuona inasuasua kukamilika ujenzi wake wakiwemo wabunge wa viti maalum mkoa pamoja na wadau wengine ambao walichangia ujenzi huo.

‘’Nichukue nafasi kukupongeza mjumbe wa kamati ya utekelezaji ya baraza kuu la UWT Taifa ndugu Fatma Rembo kwa kukamilisha jingo hili hadi kufikia hapa.Hakika unaitendea nafasi yako,kwa kuweka alama kwenye mkoa wako wa Iringa;

Nimesikia kwenye taarifa ya ujenzi,wamesema umetumia sh. 54 millioni,siyo jambo dogo,hongera sana kwa kuitendea haki nafasi yao ya ujumbe wa kamati ya utekelezaji baraza kuu la UWT Taifa”Amesema.

Amesema chama cha Mapinduzi ccm kinachoongozwa na Mwenyekiti wa ccm Taifa Rais Dkt.Samia Suluhu Hassan walitoa maelekezo ndani ya halmashauri kuu Taifa kwamba ni vizuri chama na jumuiya zake zinajenga nyumba kwa ajili ya watumishi ili wanapopata uhamisho kwenda eneo jingine,wapate makazi ya kuishi.

“Hivyo ninapenda kutoa agizo nchi nzima kwa mikoa ambayo haijakamilisha ujenzi wa nyumba za watumishi kuanzia ngazi ya mkoa na wilaya wahakikishe wanakamilisha.

Katika hatua nyingine,Chatanda ameweka jiwe la msingi ujenzi wa nyumba ya katibu wa UWT wilaya ya Iringa mjini huku akihimiza nyumba hiyo ikamilike kwa haraka ili iweze kuzinduliwa februari 2025 na kuanza kutumika.

Mwenyekiti wa UWT Taifa Mary Chatanda leo disemba 30 anahitimisha ziara yake ya siku nne mkoani Iringa.Ziara hiyo ilianza Novemba 27 ikiwa na lengo la kuhamasisha wananchi wa mkoa huo,kujitokeza kwa wingi kujiandikisha na kuboresha tarifa zao kwenye daftari la kudumu la mpiga kura.

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

BREAKING: CAF YAIPOKONYA KENYA KUANDAA CHAN

 Shirikisho Soka barani Afrika CAF limetoa taarifa kuwa taifa la Kenya 🇰🇪 limeshindwa kukidhi vigezo vya kuwa mmoja wa mataifa yatakayoandaa mashindano ya CHAN mwakani 2025 mara baada ya kushindwa kukidhi vigezo vya kuwa mwenyeji wa mashindano hayo. Viwanja vyote vilivyopo Kenya havina ubora wa kutumika katika michezo ya FIFA Wala CAF Kwa mujibu wa wakaguzi wa CAF na hata uwanja wa Kasarani unaojengwa pia imeonekana kuwa hautakamilika Kwa wakati.  Nafasi hiyo wamepatiwa Rwanda 🇷🇼 mara baada ya kuonekana wao wamekidhi vigezo vya kuwa wenyeji wa CHAN. CHAN2025 itachezwa katika mataifa matatu ambayo ni Rwanda 🇷🇼, Tanzania 🇹🇿 pamoja na Uganda 🇺🇬. Uwanja wa Karasani unaoendelea kujengwa.
Image

BREAKING NEWSSSS. WABUNGE WAPATA AJALI

Baadhi ya wabunge waliokuwa wanasafiri na basi la Shabiby wamepata ajali eneo la Mbande Dodoma, baada ya kugongana na Lori. Akielezea kwa njia simu kuhusu ajali hiyo mmoja wa wabunge waliosafiri na moja kati ya mabasi manne ya Shabiby yaliyokuwa  yanawasafisha kwenda kwenye mashindano ya mabunge ya Afrika Mashariki Mombasa Kenya, amesema kuwa ajali hiyo imetokea  leo alfajiri baada ya basi moja kudaiwa kugonga nyuma ya lori lililokuwa limesimama katika Barabara hiyo ya Morogoro - Dodoma. "Aisee, mambo siyo mazuri, basi moja kati ya manne tuliyokuwa tunasafiria limepata ajali na baadhi ya wenzetu wamejeruhiwa na kukimbizwa hospitali za Uhuru na Benjamini Mkapa kwa ajili ya matibabu, hatujui hadi sasa wenzetu wanaendeleaje, nasi bado tupo eneo la ajali," amesema Mbunge huyo. Msafara huo  ambao ulitakiwa kupitia Chalinze na Tanga kwenda Mombasa, umejumuisha wabunge na watumishi wa Bunge zaidi ya 120 wanaokwenda kushiriki michezo mbalimbali inayotarajia kuanza kesho Desemba 7...