WAKULIMA WA MAZAO YA MISITU, CHAKULA NA BIASHARA WAPIGWA MSASA NA NMB KIJIJI DAY NJOMBE

on
WAKULIMA wa Mazao ya Misitu, Mazao ya Chakula na Biashara, vikiwemo Vikundi vya Kijamii, Vyama vya Ushirika wa Msingi (AMCOS), Vyama vya Akiba na Mikopo (SACCOS) na Vikundi vya Kuweka na Kukopa (VICOBA), katika Mikoa ya Nyanda za Juu, wametakiwa kulitumia vema Jukwaa NMB Kijiji Day ili kuharakisha ukuaji wao kiuchumi.
 
NMB Kijiji Day ni Jukwaa la Kujenga Uelewa wa Elimu ya Fedha na Huduma Jumuishi za Kibenki kwa wakazi wa vijiji visivyofikiwa na huduma hizo linaloendeshwa na Benki ya NMB, ambalo mwaka huu linatumika pia kutoa Elimu ya Matumizi ya Nishati Safi ya Kupikia, likilenga kuwafikia wakazi wa vijiji 2,000 kote nchini.
 
Wito huo umetolewa na Mwakilishi wa Mkurugenzi Mtendaji wa Halmashauri ya Wilaya ya Njombe, Frank Mganga, wakati wa NMB Kijiji Day iliyofanyika wikiendi hii katika Uwanja wa Shule ya Msingi Image, Kata ya Kidegembya, ikiwakusanya pamoja wanachi za kata hiyo na ile ya Katembwe, kushiriki semina na matukio mbalimbali, ikiwemo Bonanza la Michezo.
 
Akizungumza wakati wa bonanza hilo, Mganga aliiishukuru NMB kwa kupeleka Jukwaa la Kijiji Day katika kata hizo, ambazo zimesahaulika kwa masuala ya Huduma Jumuishi za Kibenki, licha ya uwepo wa wananchi wengi na wakulima wa mazao ya misitu (miti na mbao) na mazao ya chakula na biashara yakiwemo chai, mahindi na viazi mviringo
 
“Uwingi huu wa wananchi waliohudhuria katika kipindi ambacho wengi wako mashambani, unaashiria kuwa wamechagua kujielimisha kupitia jukwaa lenu hili muhimu kwa ustawi wa maisha yao. Wamefurahia kila kitu hapa kuanzia bonanza lililoanza na ‘jogging’, michezo na hata semina kwa vikundi vya kijamii.
 
“Wanatamani tamasha hili liendelee kufanyika hapa siku nyingine, ili kuwajengea uelewa zaidi wa huduma za kibenki zinazoweza kuharakisha ukuaji wao kiuchumi na ndio maana tunaipongeza NMB kwa kupachagua hapa na wito wa Serikali kwa wananchi wa Kata za Kidegembye na Matembwe, tumieni fursa zote zilizoletwa na NMB Kijiji Day kwa maendeleo yenu,” alisema Mganga.
 
Meneja wa NMB Kanda ya Nyanda za Juu, Wogofya Mfalamagoha, aliyeambatana na mameneja wa Matawi ya NMB Njombe, Mafinga, Makambako, Makete na Wanging’ombe, alisema katika kufanikisha lengo la kufikisha masuluhisho ya kifedha vijijini, benki yake imejipanga kuwafikia wananchi waliko, kupitia mawakala na kuwaalika wafanyabiashara kujitokeza.
 
“Ukiangalia hapa tunao wanafunzi wengi waliohudhuria NMB Kijiji Day, benki yetu inawajali na kuwathamini sana watoto ndio maana tunazo akaunti za Mtoto na Chipukizi na wito wangu kwenu wazazi, tumieni jukwaa hili kuwafungulia watoto wenu akaunti zisizo na makato ili kuwajengea utamaduni wa kujiwekea akiba maishani mwao.
 
“Pia tuna akaunti ya Kikundi inayohudumia vikundi mbalimbali vya kijamii, pia tuna akaunti ya NMB Pesa ambayo haina makato na hufunguliwa kwa ‘buku’ tu, tuko hapa kuhakikishwa haachwi mtu miongoni mwenu. Wafanyabiashara hapa waitumie fursa hii kwa kuja kujisajili kuwa mawakala wetu ili hawa wanaofungua akaunti leo, wapate huduma,” alisema Wogofya.
 
Kwa upande wake, Mwenyekiti wa Kijiji cha Image, Felix Payovela, aliiomba benki hiyo kutoishia hapo, badala yake waendelee kuelimisha wakati za kijiji chake na vijiji jirani katika kuzitambua na kuzitumia fursa zilizomo katika Sekta ya Fedha na kwamba uwepo wa mawakala wa NMB kijijini kwake, utachochea kasi ya wananchi na vikundi kujiwekea akiba.
 
“Mahudhurio haya ya watu wengi na ufunguzi wa akaunti mbalimbali unaofanyika kwa wingi, unamaanisha kuwa tunaihitaji NMB iendelee kuja hapa mara kwa mara kama mlivyofanya leo na tukio hili, linamaamisha kuwa NMB sio tu wanajua kutunza fedha zetu, bali kutunza wateja wao kwa ukarimu waliotufanyia leo,” alisema Payovela katika kufunga tamasha hilo.
 
Katika NMB Kijiji Day hiyo, licha ya semina kwa vikundi vya kijamii, vyama vya akiba na mikopo na vile vya ushirika – iliyoendeshwa na Adamu Karazani, ambaye ni Meneja Mauzo na Vikundi wa NMB, jumla ya timu nane zilichuana katika mchezo wa soka, ambako Wanginyi FC kutoka Kijiji cha Wanginyi, Kata ya Matembwe waliibuka mabingwa wakiwachapa Mlangali FC bao 1-0.
 
Ukiondoa soka, michezo mingine iliyoshindaniwa ni pamoja na kuvuta kamba wanaume na wanawake, ambako mashabiki wa timu kongwe nchini za Simba na Yanga walitoana jasho, huku Watumishi wa Halmashauri ya Njombe wakiwaduwaza Wafanyakazi wa NMB. Pia kulikuwa na mbio za magunia, kufukuza kuku na burudani za kwaya na ngoma asilia.
 











 

Comments

Post a Comment

HABARI ZILIZOSOMWA ZAIDI

Image

TOFAUTI YA WATU WA DAR NA WA MKOANI NI HUU

Umeenda semina Njombe, una ndugu yako kule. Unamtaarifu unakuja kumtembelea. Anakuambia karibu sana. Anakuelekeza panda daladala za Ramadhani shukia kwa Sanga. Unashuka stendi unamkuta ndugu yako na mkewe na watoto stendi wamekuja kukupokea! Mnatembea kitambo na kufika kwake. Watoto waliobaki home wanakuja ulipokaa, wanakushika kichwani kukusalimia. Wakubwa kidogo wanakuja wanapiga magoti "shikamoo baba mkubwa!". Wanakuzunguka kuulizia habari za ndugu zao unawasimulia, huyu std 2, huyu std 7, kaka yenu form 2. Ndani kumechangamka kila mtu yuko engaged nawe in one way or another. Mama anahangaika na msichana kukuandalia chakula. Baada ya muda mke wa mdogo wako anakuja kupiga magoti kukuambia karibu chakula. Unaenda mezani, anakuja kukunawisha mikono huku akisema "tusamehe shemeji mboga zenyewe hivyo hivyo.." Unakula unashiba. Baadaye unaaga. Nyumba nzima wanafunga, wanakusindikiza hadi kituoni. Watoto wanakuaga, "ba mkubwa msalimie Jerry na Irene. Ukija tena uje...
Image

NOTI MPYA KUANZA KUSAMBAZWA MWEZI UJAO

  Pichani ni Waziri wa Fedha, Mhe. Dkt. Mwigulu Lameck Nchemba (Mb) (kushoto), akipokea Noti Mpya kifani za shilingi elfu kumi, elfu Tano, elfu Mbili na shilingi elfu moja, kutoka kwa Gavana wa Benki Kuu ya Tanzania, Bw. Emmanuel Tutuba, katika Ofisi Ndogo za Wizara ya Fedha, Jijini Dar es Salaam. Noti hizo zitaanza kutumika sambamba na Noti zilizopo hivi sasa, kuanzia tarehe Mosi Februari, 2025. Kwa mujibu wa Gavana wa Benki Kuu ya Tanzania, Bw. Emanuel Tutuba, Noti Mpya za Tanzania zenye Saini ya Waziri wa Fedha, Mhe. Dkt. Mwigulu Lameck Nchemba (Mb) na yeye mwenyewe, za toleo la mwaka 2010, zitaingia kwenye mzunguko kuanzia tarehe mosi Februari mwaka huu. Gavana Tutuba amesema hayo wakati akimkabidhi Mhe. Dkt. Nchemba, Noti kifani za shilingi elfu kumi, elfu Tano, Elfu Mbili na Shilingi Elfu moja, katika Ofisi Ndogo za Wizara ya Fedha, Jijini Dar es Salaam, kwa mujibu wa Sheria na Taratibu zinazosimamia masuala ya fedha nchini. “Mheshimiwa Waziri, ninayofuraha kukujulisha kuwa z...
Image

HUYU NDIYE DKT. NCHIMBI, MAKAMU WA RAIS AJAE

  Dkt. Emmanuel John Nchimbi alizaliwa Desemba 24, 1971, jijini Mbeya. Ni mwanasiasa aliyebobea katika siasa na uongozi, akiwa ametumikia nafasi mbalimbali serikalini na ndani ya chama kwa miaka mingi. Dkt. Nchimbi alianza masomo yake katika Shule ya Msingi Oysterbay jijini Dar es Salaam (1980-1986). Alisoma sekondari katika Uru Secondary School (1987-1989) na baadaye Sangu Secondary School, ambako alihitimu elimu ya kidato cha nne mwaka 1990. Kwa masomo ya kidato cha sita, alisoma katika Forest Hill Secondary School, Mbeya (1991-1993). Elimu ya juu ilimpeleka katika Taifa ya Usimamizi wa Maendeleo (IDM) Mzumbe, Morogoro, ambako alipata Diploma ya Juu katika Utawala wa Umma (1994-1997). Aliendelea na masomo ya Shahada ya Uzamili (MBA) katika masuala ya benki na fedha katika Chuo Kikuu cha Mzumbe (2001-2003). Hatimaye, alihitimu Shahada ya Uzamivu (PhD) katika Mzumbe kati ya 2008 na 2011. Safari ya kisiasa ya Dkt. Nchimbi ilianza mwaka 1997 alipoteuliwa kuwa mjumbe wa Kamati Kuu ya...
Image

CHAKUHAWATA WANENA MAKUBWA--

Baadhi ya walimu wanachama wa Chama cha Kulinda na Kutetea Haki za Walimu Tanzania (CHAKUHAWATA) wakijimwambafai kwa kuelezea mafanikio ya chama chao hicho kipya baada mafanikio makubwa ya mkutano mkuu maalumu wa mabadiliko ya rasimu ya katiba yao uliofanyika jijini Dodoma hivi karibuni. Wamemshukuru Rais Samia Suluhu Hassan kwa kukikubali chama hicho.