MSUNGU AREJESHA FOMU ZA KUOMBA KUGOMBEA UMAKAMU MWENYEKITI UVCCM TAIFA

on
 Kada wa Umoja wa Vijana wa Chama Cha Mapinduzi (UVCCM), Daud Msungu (kushoto), akirejesha fomu za kuomba kugombea nafasi ya makamu mwenyekiti wa umoja huo, kwa Sophia Duma ambaye ni Mkuu wa Idara ya Organaizesheni Makao Makuu ya UVCCM, Dar es Salaam leo. Msungu alikuwa mjumbe wa Baraza la umoja huo kupitia Mkoa wa Lindi.
                                                  Msungu akionesha fomu alizozirejesha

Akizungumza na vyombo vya habari baada ya kurejesha fomu hizo, Msungu, alisema endapo akifanikiwa kugombea na kushinda wadhifa huo, atamshauri mwenyekiti, kuweka mikakati ya kuwashawishi vijana kushiriki katika ujenzi wa uchumi na maendeleo ya Taifa, kwa vile vijana ndiyo nguvu ya Taifa.

Pia amesema kuwa, atahakikisha wanarudisha umoja na mshikamano kwa vijana kwa ajili ya ustawi wa Chama Cha Mapinduzi.

"Hiyo itasaidia vijana kusukuma mbele, gurudumu la maendeleo ya Taifa letu, kuendana na kasi ya  kiuchumi na maendeleo hasa katika kipindi hiki cha mabadiliko ya kiuchumi yanayoendelea duniani" alisema Msungu.

Atashirikiana na viongozi wengine wa umoja huo, kuandaa mipango ya mafunzo kwa vijana kuielewa vizuri itikadi ya chama, hasa kwa kufufua vyuo mbalimbali vya itikadi ikiwemo Kambi ya Ihemi, mkoani Iringa.. 

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

CHAMA KIPYA CHA WALIMU WAMUOMBA RAIS SAMIA AINGILE KATI MAKATO YA WANACHAMA WAO

Chama cha Kulinda na Kuwatetea Walimu Tanzania (CHAKUWAHATA) kimemuomba Rais wa Jamhuri ya Muungano wa Tanzania, Samia Suluhu Hassan kuingilia kati sakata la baadhi ya wakurugenzi kukiuka sheria ya kuwaruhusu walimu kujiunga na chama hicho hivyo makato ya  fedha za mishahara yao kuingizwa kwenye chama hicho. Ombi hilo limetolewa na Mwenyekiti wa chama hicho, Emmanuel Herman alipokuwa akizungumza na vyombo vya habari wakati wa Mkutano Mkuu wao unaofanyika jijini Dodoma. Walimu ambao ni wajumbe wa Mkutano Mkuu wa chama hicho wakiwa katika mkutano wa kupitia upya rasimu ya katiba ili ieendane na wakati.  
Image

IBENGE: YANGA SC WATAFUZU HATUA YA ROBO FAINALI.

"Yanga inawachezaji wazuri sana ambao wanaweza kucheza timu yoyote hapa Africa, unapoenda kukutana na timu kama hiyo lazima ujipange kukukabiliana naamini Yanga Wataenda Robo Fainali," . "Nawajua Yanga wanacheza Kwa Malengo Makubwa Ndoto Yao Ni Kubeba Ubingwa Wa Afrika Naamini Wataenda Robo Fainali Wanakocha Mzuri Na Kikosi Kizuri FRORIENT IBENGE,Kocha Mkuu wa Klabu ya Al Hilal.
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...