NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

on
Nikiwa ndani ya treni hiyo ya SGR.
                                                     
KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.
 
Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi.

Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zinginezo.

Pamoja na sifa zote hizo kuna kasoro nilizozibaini niliposafiri na treni hiyo mara nne ambazo nisingependa kuacha kuzielezea ili wahusika wazifanyie kazi, yaani wazirekebishe.

UKAGUZI WA TIKETI

Mara zote niliposafiri, kazi ya ukaguzi wa tiketi hufanyika mara moja tu wakati wa kupanda treni. Licha ya kuwepo wahudumu ndani ya treni, hakuna ukaguzi wowote hadi mwisho wa safari, jambo ambalo linatoa mwanya kwa baadhi ya abiria wasiowaaminifu kukata tiketi ya 1000 kutoka Stesheni ya Magufuli Dar kwenda Pugu na asiteremke hadi Moro au Dodoma, kwani hata mwisho wa safari hakuna ukaguzi.

MSONGAMANO WAKATI WA UKAGUZI WA TIKETI

Tatizo lingine ni uwepo wa msongamano wakati wa kukagua tiketi kwa njia ya QR Code ya kuruhusu abiria kwenda kuingia kwenye mabehewa.Kwanza muda wa kufanya hivyo unakuwa mdogo sana,wakati huo huo sauti inasikika kwamba zimebakia dakika chache milango ya treni kufungwa tayari kwa kuondoka. 

Ushauri wangu kwenu rekebisheni changamoto hiyo kwa kuweka utaratibu mzuri kwa abiria wanaowahi kufika kufanyiwa mapema ukaguzi wa tiketi ( kama inavyofanyika katika usafiri wa Ndege) waruhusiwe kuingia eneo la kusubiria Ili muda ukiwadia wa kuingia kusiwe na usumbufu mwingine wa kupoteza muda.

TENGENI NJIA TOFAUTI ZA ABIRIA WANAOWASILI, WANAONDOKA

Hapa napo nimebaini changamoto ya abiria kupigana vikumbo kati ya wanaowasili na wanaoondoka kunakosababishwa na kutokuwepo kwa mpangilio mzuri wa kutenganisha njia tofauti za kupitia abiria hao.

Kwa mfano Alhamisi Januari 2, 2025 , saa 3 asubuhi katika Stesheni ya Magufuli Jijini Dar, nikiwa miongoni mwa wasafiri tuliokuwa tukiondoka Dar kuekekea Morogoro na Dodoma, nilishuhudia vikumbo hivyo kwa abiria waliowasili na treni saa 2:50 na wanaoondoka na treni hiyo hiyo saa 3:30. 

Lifti za mtelezo na za kawaida zilikuwa hazitoshi. Hali kama hiyo ilitokea pia Stesheni ya Samia Suhuhu Hassan jijini Dodoma.

LUNINGA ITUMIKE KUTANGAZA KAMPENI ZA KITAIFA

Pia nashauri luninga zilizomo ndani ya SGR ziwe zinatumika kutangaza kampeni za kitaifa badala filamu na muziki, mambo ambayo baadhi ya abiria hawavipendi.Hivyo nashauri zitumike kusaidia kutangaza vivutio vya utalii na mambo mengine muhimu katika Nchi.

ABIRIA ACHENI USHENZI HUU
Jambo lingine baya nililolibaini ni kwa upande wa abiria wasiowaaminifu wanaoharibu kwa makusudi vifaa ndani treni hiyo kwa kunyofoa vifaa vya kuwekea vinywaji (kama inavyoonekana pichani), vyakula, kushora nyuma ya viti na hata wengine wanadiriki kuchana viti kwa wembe.

 Pia baadhi ya abiria wanaotumia  vyoo hawazingatii usafi, licha ya wahudumu kutoa maelekezo ya mara kwa mara  jinsi ya kutumia vyoo hivyo.

YANGU MACHACHE NI HAYA,NAAMINI YATAZINGATIWA NA KUFANYIWA KAZI.

NAWATAKIA KAZI NJEMA.

NI MIMI ABIRIA WA SGR
KAMANDA RICHARD MWAIKENDA
0754264203

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

BREAKING: CAF YAIPOKONYA KENYA KUANDAA CHAN

 Shirikisho Soka barani Afrika CAF limetoa taarifa kuwa taifa la Kenya 🇰🇪 limeshindwa kukidhi vigezo vya kuwa mmoja wa mataifa yatakayoandaa mashindano ya CHAN mwakani 2025 mara baada ya kushindwa kukidhi vigezo vya kuwa mwenyeji wa mashindano hayo. Viwanja vyote vilivyopo Kenya havina ubora wa kutumika katika michezo ya FIFA Wala CAF Kwa mujibu wa wakaguzi wa CAF na hata uwanja wa Kasarani unaojengwa pia imeonekana kuwa hautakamilika Kwa wakati.  Nafasi hiyo wamepatiwa Rwanda 🇷🇼 mara baada ya kuonekana wao wamekidhi vigezo vya kuwa wenyeji wa CHAN. CHAN2025 itachezwa katika mataifa matatu ambayo ni Rwanda 🇷🇼, Tanzania 🇹🇿 pamoja na Uganda 🇺🇬. Uwanja wa Karasani unaoendelea kujengwa.
Image
 MAKOSA 10 UNAYOPASWA KUEPUKA KATIKA MAHUSIANO MAPYA...  Kuanzisha uhusiano mpya kunaweza kusisimua, lakini ni rahisi kufanya makosa katika mchakato mpya wa mahusiano. Hapa kuna makosa kadhaa muhimu ya kuepukwa:  1. MAMBO YA KUHARAKISHA:  Haraka haraka kunaweza kusababisha wasiwasi na kunaweza kusababisha kutoelewana. Chukua muda wa kufahamiana kikweli kabla ya kuzama ndani ya Mahusiano.  2. KUPUUZA ALAMA ISHARA:  Ni rahisi kupuuza ishara za tahadhari mapema, lakini kuzipuuza kunaweza kusababisha matatizo makubwa zaidi. Amini silika yako na ushughulikie dalili zinapianz kujitokeza.  3. KUTOKUWASILIANA VYA KUTOSHA:  Mawasiliano ni muhimu katika uhusiano wowote. Epuka kudhani mwenzako anajua unachofikiria au kuhisi. Kuwa wazi na mwaminifu kuhusu mawazo na mahitaji yako.  4. KUWA MTEGEMEZI KUPITA KIASI:  Ingawa ni kawaida kutegemeana, kutegemeana kupita kiasi na mpenzi wako kwa msaada wa kihisia, kifedha, au aina nyinginezo kunaweza...
Image

DK. KIKWETE AZINDUA KITUO CHA AFYA KIZIMKAZI, APONGEZA MAENDELEO ZANZIBAR

  Na Mwandishi Maalum, Zanzibar. Rais Mstaafu Dk. Jakaya Kikwete, amepongeza kasi ya maendeleo yanayofanyika Zanzibar  chini ya Rais na Mwenyekiti wa Baraza la Mapinduzi, Dk. Hussein Mwinyi na kusisitiza kuwa mafanikio hayo, ambayo yanapaswa kupongezwa na kuenziwa. Dk. Kikwete ametoa sifa hizo, wakati akihutubia jana, wakati wa hafla ya uzinduzi wa Kituo kipya cha Afya Kizimkazi, katika Wilaya ya Kusini Unguja, ambao ni moja ya matukio katika kusherehekea miaka 61 ya Mapinduzi Matukufu ya Zanzibar, ambayo kilele chake kitakuwa Januari 12, 2025. Dk. Kikwete alibainisha kuwa kituo hicho cha kisasa kina uwezo mkubwa wa uchunguzi wa maradhi na tiba, hivyo ni mkombozi wa huduma za afya kwa wakazi wa Kizimkazi na maeneo jirani.  Alihimiza umuhimu wa kutunza majengo na vifaa vya kituo hicho ili kuhakikisha huduma hizi za thamani zinadumu kwa muda mrefu."Tukitunze kituo kidumu; ni chetu, ni mali yetu, ni kwa ajili yetu," alisisitiza Dkt. Kikwete.  Rais Mstaafu aliambatana na...