CCM YASISITIZA UHUSIANO WA KIMATAIFA KUIMARISHA UCHUMI NA MAENDELEO YA WATU*

on

Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Balozi wa Brazil nchini Tanzania, Mhe. Gustavo Martins Nogueira, kuhusu masuala mbalimbali ya kuimarisha uhusiano kati ya Brazil na Tanzania, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.

Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Mkurugenzi Mkaazi wa Shirika la Friedrich Ebert Stiftung (FES) la nchini Ujerumani, Bwana Christian Denzin, aliyefika ofisini kwa Katibu Mkuu wa CCM kwa ajili ya kujitambulisha na kuzungumza mbalimbali ya kuimarisha uhusiano kati ya CCM na FES, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar ES Salaam.


Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Mkuu wa Idara ya Uhusiano wa Kimataifa wa Chama Tawala cha Msumbiji (FRELIMO), Komredi Alcinda Antonio de Abreu, kuhusu masuala mbalimbali ya kuimarisha uhusiano kati ya Msumbiji na Tanzania, kwa upande mmoja na CCM na FRELIMO kwa upande mwingine, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi amekutana na kufanya mazungumzo na Balozi wa India nchini Tanzania, Mhe. Bishwadip Dey, kuhusu masuala mbalimbali ya kuimarisha uhusiano kati ya India na Tanzania, leo tarehe 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam.




Katibu Mkuu wa Chama Cha Mapinduzi (CCM) Balozi Dkt. Emmanuel John Nchimbi amesema kuwa Serikali na Nchi ya Tanzania, chini ya uongozi wa Rais Samia Suluhu Hassan itaendelea kuweka msisitizo katika kuimarisha uhusiano wa kimataifa wenye manufaa ya kiuchumi na maendeleo ya watu.

Balozi Nchimbi amesema kuwa urafiki na uhusiano wa kidiplomasia unapaswa kuendelea kuwa mojawapo ya njia sahihi katika kuboresha ushirikiano wa pande mbili kimataifa, kati ya nchi na nchi, au nchi na majukwaa mbalimbali ya kimataifa.

Katibu Mkuu huyo wa CCM amesema hayo alipokutana na mabalozi wanaowakilishi nchi zao hapa nchini, kutoka nchi za Brazil na India, pamoja na Mkuu wa Idara ya Mambo ya Nje ya Chama Tawala cha Msumbiji (FRELIMO) na Mkurugenzi Mkaazi wa Shirika la Friedrich Ebert Stiftung (FES), nchini Tanzania.

Katika mazungumzo na viongozi hao, yaliyofanyika kwa nyakati tofauti tofauti, leo 19 Septemba 2024, Ofisi Ndogo ya Makao Makuu ya CCM, Lumumba, jijini Dar Es Salaam, Balozi Nchimbi amesema mojawapo ya utekelezaji wa Ilani ya CCM unaofanywa na Serikali ya CCM, inayoongozwa na Rais Samia Suluhu Hassan ni pamoja na kuendelea kuboresha uhusiano wa kimataifa, hasa kupitia diplomasia ya uchumi, kwa ajili ya kuimarisha uchumi, maendeleo ya watu na kubadilishana uzoefu kwenye uongozi na demokrasia.

Wakati wa mazungumzo na Balozi wa Brazil nchini Tanzania, Mhe. Gustavo Martins Nogueira na Balozi Nchimbi, viongozi wote wawili walionesha msisitizo na utayari wa kuendelea kuboresha uhusiano kati ya Tanzania na Brazil kwa ajili ya manufaa ya pande zote mbili, hasa katika nyanja za afya, kilimo na michezo.

Kwenye mazungumzo ya Balozi Nchimbi na Balozi wa India nchini Tanzania, Mhe. Bishwadip Dey, viongozi hao wamezungumzia umuhimu wa kuendelea kuenzi ushirikiano wa kimkakati kati ya nchi hizo mbili katika nyanja mbalimbali, zikiwemo teknolojia, biashara na elimu, ikizingatiwa India ni mojawapo ya nchi zilizopiga hatua kubwa za kimaendeleo katika maeneo hayo.

Katika mazungumzo ya Balozi Nchimbi na Mkuu wa Idara ya Uhusiano wa Kimataifa wa FRELIMO, Komredi Alcinda Antonio de Abreu, pande zote mbili zimesema urafiki na udugu wa damu uliopo kati ya Tanzania na Msumbiji utaendelea kuenziwa kwa kushirikiana kadri inavyohitajika, kama ilivyo ada tangu wakati wa kupigania ukombozi wa kisiasa wa Nchi za Kusini mwa Afrika, na sasa mkazo umeelekezwa kwenye ukombozi wa kiuchumi na kuendelea kuboresha hali za maisha ya watu.

Aidha, katika mkutano wa Balozi Nchimbi na Mkurugenzi Mkaazi wa FES nchini Tanzania, Bwana Christian Denzin, ambaye alimtembelea Katibu Mkuu wa CCM kwa ajili ya kujitambulisha, pande zote mbili zimekubaliana kuendeleza ushirikiano wa muda mrefu kati ya CCM na shirika hilo la nchini Ujerumani, hasa katika kuimarisha uwezo na uzoefu katika nyanja za uongozi na demokrasi, kupitia miradi mbalimbali ya mafunzo ya viongozi.


Comments

Post a Comment

HABARI ZILIZOSOMWA ZAIDI

Image

CPA MAKALLA 'KUUTEKA' MKOA WA ARUSHA

 KATIBU wa Itikadi, Uenezi na Mafunzo, CPA Amos Makalla anatarajia kuanza ziara ya siku nne katika Mkoa wa Arusha kuanzia Septemba 4 hadi 7 mwaka huu. CPA Makalla atawasili mkoani humo Septemba 4, ambapo kama ratiba Inavyoonesha atafanya mikutano mikubwa ya hadhara katika Wilaya za Longido, Ngorongoro, Karatu na Monduli. Pamoja na mambo mengine atakayoyafanya katika ziara hiyo,  CPA Makalla  atakagua utekelezaji wa Ilani ya Uchaguzi ya CCM ya mwaka 2020-2025, kuhuisha uhai wa chama, kusikiliza na kutatua kero za wananchi pamoja na kuhamasisha wananchi kujitokeza kuhakiki taarifa zao na kujiandikisha katika Kitabu cha Kudumu cha Wapiga kura, kwa ajili ya maandalizi ya Uchaguzi wa serikali za mitaa Novemba mwaka huu.
Image

ASKOFU CHANDE AISHUKURU SERIKALI KULIPATIA USAJILI WA KUDUMU KANISA LA KARMELI

 Askofu Mkuu wa Kanisa la Karmeli Assemblies of God (KAG), la Ipagala jijini Dodoma,  akiishukuru Serikali inayoongozwa na Rais wa Jamhuri ya Muungano wa Tanzania kwa kulipatia usajili wa kudumu kanisa hilo kuendesha shughuli zake hapa nchini. Shukrani  hizo amezitoa  wakati wa semina elekezi kwa wachungaji wa kanisa hilo Agosti 22, 2024. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

DEMU KAMA ANAFANYA KAZI HIZI KUWA MAKINI NAE.

1. Anauza duka la mtu. 2. Migahawani na mahotelini. 3. Bar maid. 4. Muhudumu wa Guest house/Lodge. 5. Nurse  6. Mnenguaji. 7. Saloon za kiume. 8. Muhudumu wa magari. 9. Agent stendi. 10. Mtembeza mboga + matunda. Hiyo ni aina ya ladies among other ambao wapo subjected ma wanaume aina mbali mbali. Wanakutana na watu ambao wanazo hela zilishakosa kazi where as kazi yake inabaki ni kurutubisha mbong'o. Huyo kama hana akili binafsi ni ngumu na wengi ni single moms katoto kako kwa bibi.😁 #sweetpain
Image

JENGENI UWANJA WA MICHEZO WA KISASA NJOMBE-MWANYIKA

  Mbunge wa Njombe Mjini, Deodatus Mwanyika ameihoji Serikali bungeni Dodoma Agosti 28, 2024, kwamba ni lini itajenga Uwanja wa Michezo wa Kisasa mkoani Njombe? Aidha ameiomba serikali kupeleka mkoani Njombe Utalii wa Michezo mbalimbali ukiwemo wa gofu. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

KAMATI YA UWT KUTOA MSAADA WA KISHERIA NCHINI

Naibu Waziri wa Nchi, Ofisi ya Rais, Tawala za Mikoa na Serikali za Mitaa (TAMISEMI), ambaye pia ni Mwenyekiti wa Kamati ya Haki na Sheria ya Umoja wa Wanawake wa CCM Tanzania (UWT), Zainab Katimba amesema kuwa UWT ina mpango wa kuanzisha Kanzi Data ya Mawakili Wanawake watakaokuwa wanatoa msaada wa kisheria nchini. Akielezea mikakati ya kamati hiyo, Katimba amesema wataweka utaratibu wa mawakili hao pamoja na washirika wao wa kutoa huduma ya msaada wa kisheria kila wiki ya mwisho ya mwezi katika mikoa mbalimbali nchini kwa lengo la kuwafikia walengwa zaidi. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

YANGA YAWASILI SALAMA ETHIOPIA

Yanga wakiwasili kwenye Uwanja wa Ndege wa Kimataifa wa Bole, Addis Ababa tayari kwa mtanange wao na timu ya CBE ya Ethiopia wa Klabu Bingwa Afrika Jumamosi Septemba 14, 2024. Wachezaji wao waliokuwa timu za Taifa wataunga nao huko huko Ethiopia.