UDHAMINI NMB CDF TROPHY WAFIKIA SH. MIL. 245, KIPUTE KUANZA OKTOBA 4

on

NA MWANDISHI WETU

BENKI ya NMB imetangaza udhamini wa Sh. Mil. 35 wa msimu wa tisa wa Mashindano ya Gofu ya Mkuu wa Majeshi Tanzania (NMB CDF Trophy 2024), kiasi kinachoifanya benki hiyo kufikisha zaidi ya Sh. Mil. 245 za udhamini katika kipindi chote cha michuano hiyo.

 

NMB CDF Trophy ni michuano maalum, ya wazi ya kimataifa ya mchezo wa gofu, inayotumika kuadhimisha kuanzishwa kwa Jeshi la Ulinzi wa Wananchi Tanzania (JWTZ), ambalo Septemba 1 mwaka huu limetimiza miaka 60, mashindano yakiratibiwa na Klabu ya Gofu Lugalo.


Akizungumza na waandishi wa habari wakati wa hafla ya kutangaza michuano hiyo, Mwenyekiti wa Klabu ya Gofu Lugalo, Brigedia Jenerali Mstaafu, Michael Luwongo,  aliishukuru NMB kwa kuendelea kuyabeba mashindano hayo kila mwaka wanaadhimisho ya Kuanzishwa kwa JWTZ Septemba 1, 1964.


Alibainisha kuwa mashindano ya mwaka huu yatakuwa na ushindani mkubwa kutokana zawadi nono ya pesa Sh. Mil. 4 kwa mshindi wa jumla kutoka NMB, pamoja na zawadi ya gari aina ya Toyota Harrier kwa mshindi wa pigo la ‘all in one’ linalotolewa na Kampuni ya Toyota Tanzania ambao ni wadhamini wenza.


 “Ni mashindano ya wazi yatakayojumuisha kategori zote muhimu katika mchezo huu, ambazo ni wachezaji wa kulipwa ‘proffesional,’ wachezaji wa ridhaa ‘amature,’ wachezaji wakubwa ‘seniors,’ wachezaji wanawake ‘ladies’ na wachezaji watoto ‘juniors.’


“Hadi sasa tunao jumla ya watoto 45 wa timu zetu za vijana hapa ambao watashiriki, lakini kwa upande wa wachezaji wakubwa, waliojisajili hadi sasa wamefikia 185 na matarajio yetu ni kuona idadi ikiongezeka zaidi hadi Oktoba 4 mashindano yatakapoanza.


Akizungumza katika mkutano huo, Getrude Mallya ambaye ni Mkuu wa Idara ya Wateja Maalum wa NMB, aliishukuru JWTZ na Klabu ya Gofu Lugalo kwa kuendeleza mashirikiano mema na taasisi yake na wao wanajivunia heshima ya kubaki kuwa wadhamini wakuu.


“Tunawapongeza kwa kudumisha michuano hii na mashirikiano baina yenu na sisi na tuko hapa kwa karibia miaka tisa sasa kuhakikisha mashindano haya yanafanyika kwa wetredi kwa siku tatu kama ilivyoelezwa na Mwenyekiti wa Klabu ya Gofu Lugalo.

 

“Tunawashukuru Toyota Tanzania na Mohammed Enterprisess kwa kujiunga kama wadhamini wenza na tunaamini zawadi ya gari kutoka Toyota itachochea ushindani miongoni mwa wachezaji watakaoshiriki NMB CDF Trophy 2024,” alisema Getrude katika hafla hiyo.


"Huu ni muendelezo wa benki yetu kudhamini michezo nchini, kama tulivyofanya katika Michezo ya SHIMMIWI, BAMMATA, na mwaka jana tulisaini makubaliano ya kuongeza ufanisi wa usajili wa Mashabiki na Wanachama wa klabu kongwe za soka za Yanga na Simba.


“Pia tuna kumbukumbu chanya za kuzidhamini timu ya taifa ya soka ya Tanzania ‘Taifa Stars,’ Azam FC, Singida United, timu ya Taifa ya mpira wa magongo na Mashindano ya Mashule," alibainisha Getrude kuwaambia wana habari katika hafla hiyo.

Gari lililotolewa na Kampuni ya Toyota kwa ajili ya zawadi kwa mshindi wa jumla.

 

Comments

Post a Comment

HABARI ZILIZOSOMWA ZAIDI

Image

𝗠𝗕𝗢𝗪𝗘 𝗔𝗦𝗜𝗧𝗜𝗦𝗛𝗔 𝗠𝗔𝗔𝗡𝗗𝗔𝗠𝗔𝗡𝗢 𝗬𝗔 𝗖𝗛𝗔𝗗𝗘𝗠𝗔 𝗬𝗔 𝗧𝗔𝗥𝗘𝗛𝗘 𝟮𝟯.

Mwenyekiti wa CHADEMA, Freeman Mbowe, ametangaza kusitishwa kwa maandamano yaliyokuwa yamepangwa kufanyika tarehe 23 Septemba 2024. Mbowe alitoa tangazo hilo kupitia mazungumzo ya moja kwa moja kwenye jukwaa la Space katika mtandao wa kijamii wa X (zamani ukijulikana kama Twitter). Mbowe alisema kuwa maamuzi haya yamefikiwa kwa kuzingatia hali ya sasa ya kisiasa na maslahi mapana ya taifa. Alieleza kuwa lengo la maandamano lilikuwa ni kuonesha hisia za wananchi na kudai haki na uwajibikaji wa serikali, lakini kwa sasa wameamua kutoa nafasi kwa mazungumzo na njia za amani kufanikisha malengo yao. Pia aliwahimiza wanachama na wafuasi wa CHADEMA kuendelea kuwa watulivu huku wakiangalia mwelekeo wa mazungumzo hayo na hatua nyingine za kisiasa.
Image

DEMU KAMA ANAFANYA KAZI HIZI KUWA MAKINI NAE.

1. Anauza duka la mtu. 2. Migahawani na mahotelini. 3. Bar maid. 4. Muhudumu wa Guest house/Lodge. 5. Nurse  6. Mnenguaji. 7. Saloon za kiume. 8. Muhudumu wa magari. 9. Agent stendi. 10. Mtembeza mboga + matunda. Hiyo ni aina ya ladies among other ambao wapo subjected ma wanaume aina mbali mbali. Wanakutana na watu ambao wanazo hela zilishakosa kazi where as kazi yake inabaki ni kurutubisha mbong'o. Huyo kama hana akili binafsi ni ngumu na wengi ni single moms katoto kako kwa bibi.😁 #sweetpain
Image

KAMATI YA UWT KUTOA MSAADA WA KISHERIA NCHINI

Naibu Waziri wa Nchi, Ofisi ya Rais, Tawala za Mikoa na Serikali za Mitaa (TAMISEMI), ambaye pia ni Mwenyekiti wa Kamati ya Haki na Sheria ya Umoja wa Wanawake wa CCM Tanzania (UWT), Zainab Katimba amesema kuwa UWT ina mpango wa kuanzisha Kanzi Data ya Mawakili Wanawake watakaokuwa wanatoa msaada wa kisheria nchini. Akielezea mikakati ya kamati hiyo, Katimba amesema wataweka utaratibu wa mawakili hao pamoja na washirika wao wa kutoa huduma ya msaada wa kisheria kila wiki ya mwisho ya mwezi katika mikoa mbalimbali nchini kwa lengo la kuwafikia walengwa zaidi. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

KIKOSI CHA CBE KIMEWASILI ZENJI KUVAANA NA YANGA

Kikosi cha Timu ya CBE, kutoka Nchini Ethiopia kimewasili Visiwani Zanzibar leo, kwa ajili Mchezo wao Wa Marejeano wa Ligi ya Mabingwa Barani Afrika dhidi ya Yanga. Mchezo huo utafanyika katika Uwanja wa New Amaan Complex, Sept 21.2024, Saa Mbili Usiku.  
Image

YANGA YAWASILI SALAMA ETHIOPIA

Yanga wakiwasili kwenye Uwanja wa Ndege wa Kimataifa wa Bole, Addis Ababa tayari kwa mtanange wao na timu ya CBE ya Ethiopia wa Klabu Bingwa Afrika Jumamosi Septemba 14, 2024. Wachezaji wao waliokuwa timu za Taifa wataunga nao huko huko Ethiopia.