BILIONI 45.6 KUKAMILISHA MIRADI YA DHARURA KAGERA

on

Imeelezwa kuwa Serikali ya Awamu ya sita, inayoongozwa na Mhe. Rais Dkt. Samia Suluhu Hassan, kwa ushirikiano wa ufadhili wa Benki ya Dunia kupitia mpango dharura ( CERC PROJECTS), imetoa kiasi cha Shilingi Bilioni 45.6 kutekeleza miradi mitano (5).


Miradi hiyo ni pamoja na Daraja la Kyanyabasa (mita 105), Daraja la Kalebe (mita 60), Daraja la Kamishango (mita 45),Daraja la Kyetema (mita 45) na Daraja la Kanino (mita 30) pamoja na barabara unganishi ambazo zinatekelezwa kwa kipindi cha mwaka mmoja.


Hayo yameelezwa na Naibu Waziri wa Ujenzi, Mhandisi Godfrey Kasekenya leo tarehe 12 Januari 2025, Mkoani Kagera wakati akikagua miradi iliyoathiriwa na mvua za El-Nino na Kimbunga Hidaya.


“Nimshukuru Mheshimiwa Rais Dkt. Samia Suluhu Hassan kwa kuweza kukubali kutoa fedha kiasi cha shilingi bilioni 45 ili kujengwa kwa miradi hii ambayo imeathiriwa na mvua za El-nino na kuweza kujengwa upya”, amesema Mhandisi Kasekenya.


Aidha, Mhandisi Kasekenya ameongeza kwa kusema kuwa miradi ya dharura ikianza kujengwa haisimami kwa sababu inatekelezwa kwa njia ya dharura na kukamilika ndani ya muda uliopangwa wa miezi 12 kwa kujali ubora na viwango vya juu.


Vilevile, amewataka Wakandarasi wazawa walioaminiwa kujengewa uwezo kutekeleza miradi hiyo mikubwa kwa wakati uliopangwa na kwa ubora.


Naye, Mbunge wa Bukoba Vijijini, Dkt. Jason Rweikiza amemshukuru Mheshimiwa Rais Dkt. Samia Suluhu Hassan kwa kuweza kutoa fedha za kujenga miradi hiyo ambayo iliathiriwa na mvua za el-nino kwani kukamilika kwa miradi hiyo ya dharura kutasaidia wananchi wa Bukoba mjini na vijijini kupita kwenye madaraja hayo kutoka sehemu moja kwenda sehemu nyingine.


Kwa upande wake, Meneja wa TANROADS, Mkoa wa Kagera, Mhandisi Ntuli Mwaikokesya, amesema miradi hii ni sehemu ya juhudi za Serikali katika kuboresha miundombinu ya usafiri na kuhakikisha maendeleo endelevu kwa wananchi wa Mkoa wa Kagera.

Naibu Waziri wa Ujenzi, Mhandisi Godfrey Kasekenya akitoa maelekezoalipokuwa akikagua miradi iliyoathiriwa na mvua za El-Nino na Kimbunga Hidaya mkoani Kagera.













Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

CHAMA KIPYA CHA WALIMU WAMUOMBA RAIS SAMIA AINGILE KATI MAKATO YA WANACHAMA WAO

Chama cha Kulinda na Kuwatetea Walimu Tanzania (CHAKUWAHATA) kimemuomba Rais wa Jamhuri ya Muungano wa Tanzania, Samia Suluhu Hassan kuingilia kati sakata la baadhi ya wakurugenzi kukiuka sheria ya kuwaruhusu walimu kujiunga na chama hicho hivyo makato ya  fedha za mishahara yao kuingizwa kwenye chama hicho. Ombi hilo limetolewa na Mwenyekiti wa chama hicho, Emmanuel Herman alipokuwa akizungumza na vyombo vya habari wakati wa Mkutano Mkuu wao unaofanyika jijini Dodoma. Walimu ambao ni wajumbe wa Mkutano Mkuu wa chama hicho wakiwa katika mkutano wa kupitia upya rasimu ya katiba ili ieendane na wakati.  
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...
Image
 MAKOSA 10 UNAYOPASWA KUEPUKA KATIKA MAHUSIANO MAPYA...  Kuanzisha uhusiano mpya kunaweza kusisimua, lakini ni rahisi kufanya makosa katika mchakato mpya wa mahusiano. Hapa kuna makosa kadhaa muhimu ya kuepukwa:  1. MAMBO YA KUHARAKISHA:  Haraka haraka kunaweza kusababisha wasiwasi na kunaweza kusababisha kutoelewana. Chukua muda wa kufahamiana kikweli kabla ya kuzama ndani ya Mahusiano.  2. KUPUUZA ALAMA ISHARA:  Ni rahisi kupuuza ishara za tahadhari mapema, lakini kuzipuuza kunaweza kusababisha matatizo makubwa zaidi. Amini silika yako na ushughulikie dalili zinapianz kujitokeza.  3. KUTOKUWASILIANA VYA KUTOSHA:  Mawasiliano ni muhimu katika uhusiano wowote. Epuka kudhani mwenzako anajua unachofikiria au kuhisi. Kuwa wazi na mwaminifu kuhusu mawazo na mahitaji yako.  4. KUWA MTEGEMEZI KUPITA KIASI:  Ingawa ni kawaida kutegemeana, kutegemeana kupita kiasi na mpenzi wako kwa msaada wa kihisia, kifedha, au aina nyinginezo kunaweza...