MAENEO MUHIMU YA KUTEMBELEA ILI KUUA SAIKOLOJIA YA UMASIKINI - 01

on


Moja ya sababu inayochangia watu wengi wabaki vilevile kila siku ni pamoja na kung'ang'ania mazingira yaleyale na kuogopa kwenda kwenye mazingira mapya wakihofia kuonekana watu wa hali ya chini na kudhalilika.


Binafsi pia nilikuwa mtu wa kujishtukia na kujichukulia mimi ni masikini ambaye sistahili kujua au kuingia kwenye baadhi ya maeneo kwa kuhofia kutengwa, kupuuzwa au kuonekana mwizi.


Kama na wewe ni mmoja wa watu ambao una mtazamo kama niliowahi kuwa nao hapo kabla na unapambana kuja kuwa tajiri, hakikisha unakwenda maeneo yafuatayo kwa ajili ya kuua saikolojia ya kimasikini ili usiipe nafasi hofu ambayo ni moja ya kikwazo kikubwa kwenye mafanikio.


1. ENEO LA KWANZA


Kama unaamini maeneo masafi, yenye milango ya vioo, mabango ya kuwaka, vitaataa kila sehemu, wateja wachache na wahudumu ambao kwa mtazamo wa kimasikini huwa wanaonekana kama wana nyodo ni maeneo ya gharama sana na ya matajiri peke'ao kiasi kwamba hupaswi kwenda hata kusogea kuulizia bei, Mwaka huu hakikisha umeulizia bidhaa nyingi na kununua angalau chache mpaka wakukariri jina na kukuita Bosi.


2. ENEO LA PILI


Kama huwa unakwepa kula maeneo wanayouza chakula kizuri, kiduchu kama cha mtoto halafu kitamu, sehemu ambayo wahudumu wanavaa sare safi na wanakunyenyekea kama vile wanakutaka, muziki wao ni wa taratibu na umefunguliwa kwa mbali, walaji hawana kelele, tishu sio za kuhesabu, vyombo vyao sio vya plastiki, viti na meza ni visafi muda wote, kula hapo angalau mara moja kwa mwezi ila usiagize chochote kabla hujasoma menyu usije ukasema Mwalimu Victor nimekutuma.


3. ENEO LA TATU


Kama kwa mwaka unanyoa zaidi ya mara tano lakini huwa unapeleka kichwa chako kwa wahuni wanakizungusha kama gia boksi, anayekunyoa na mashine anayokunyolea vyote vinapiga kelele, muziki mpaka hamuelewani mwaka huu badilisha eneo. 

Mwaka huu nenda sehemu ambayo kumsubiri tu uliyemkuta unapewa soda, ukinyolewa unakoshwa kichwa na kupakwa vitu vya maana ambavyo vinanukia na kama haitoshi bado unaulizwa kama unahitaji huduma nyingine za ziada.


4. ENEO LA NNE


Ni sawa kumuabudu Mungu lakini kumuabudu Mungu eneo lilelile na watu walewale ambao wote hali zinaendana wakati mwingine inadumaza na kuua imani kiasi kwamba unakuwa kama vile mtu hujibiwi maombi yako.

Katika siku nne za ibada kwenye mwezi sio mbaya ukatoa siku moja ya kwenda kuchangamana kwenye nyumba ya ibada ambayo kuanzia nje tu unaanza kuziona baraka za Mungu kwa waja wake kupitia mikebe iliyopaki.


5. ENEO LA TANO


Sio dhambi kutenga siku moja au mbili katika mwezi/miezi kadhaa na kwenda kuzurura mitaa ambayo kila unapopita ni mbwa tu ndiyo wanakupigia kelele huku vitu pekee unavyopishana navyo njiani ni magari ambayo mtaani kwenu kuyaona ni mara moja kwa mwaka.


SOMO LITAENDELEA


Mwl. Victor Ramadhan Kalinga 

0620 443 048 

Ilala - Dsm Tanzania

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

CHAMA KIPYA CHA WALIMU WAMUOMBA RAIS SAMIA AINGILE KATI MAKATO YA WANACHAMA WAO

Chama cha Kulinda na Kuwatetea Walimu Tanzania (CHAKUWAHATA) kimemuomba Rais wa Jamhuri ya Muungano wa Tanzania, Samia Suluhu Hassan kuingilia kati sakata la baadhi ya wakurugenzi kukiuka sheria ya kuwaruhusu walimu kujiunga na chama hicho hivyo makato ya  fedha za mishahara yao kuingizwa kwenye chama hicho. Ombi hilo limetolewa na Mwenyekiti wa chama hicho, Emmanuel Herman alipokuwa akizungumza na vyombo vya habari wakati wa Mkutano Mkuu wao unaofanyika jijini Dodoma. Walimu ambao ni wajumbe wa Mkutano Mkuu wa chama hicho wakiwa katika mkutano wa kupitia upya rasimu ya katiba ili ieendane na wakati.  
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...
Image
 MAKOSA 10 UNAYOPASWA KUEPUKA KATIKA MAHUSIANO MAPYA...  Kuanzisha uhusiano mpya kunaweza kusisimua, lakini ni rahisi kufanya makosa katika mchakato mpya wa mahusiano. Hapa kuna makosa kadhaa muhimu ya kuepukwa:  1. MAMBO YA KUHARAKISHA:  Haraka haraka kunaweza kusababisha wasiwasi na kunaweza kusababisha kutoelewana. Chukua muda wa kufahamiana kikweli kabla ya kuzama ndani ya Mahusiano.  2. KUPUUZA ALAMA ISHARA:  Ni rahisi kupuuza ishara za tahadhari mapema, lakini kuzipuuza kunaweza kusababisha matatizo makubwa zaidi. Amini silika yako na ushughulikie dalili zinapianz kujitokeza.  3. KUTOKUWASILIANA VYA KUTOSHA:  Mawasiliano ni muhimu katika uhusiano wowote. Epuka kudhani mwenzako anajua unachofikiria au kuhisi. Kuwa wazi na mwaminifu kuhusu mawazo na mahitaji yako.  4. KUWA MTEGEMEZI KUPITA KIASI:  Ingawa ni kawaida kutegemeana, kutegemeana kupita kiasi na mpenzi wako kwa msaada wa kihisia, kifedha, au aina nyinginezo kunaweza...