RAIS MSTAAFU JAKAYA KIKWETE AAWANYOOSHEA NJIA YA URAIS WA DK.SAMIA NA DK.MWINYI 2025

on

 *Ashauri liandikwe Azimio kisha lipitishwe na Mkutano Mkuu

Maalum

*Wajumbe wote wasema wanakwenda na Rais Samia,wanakwenda na Dk. Rais Mwinyi

-Dodoma

RAIS Mstaafu Jakaya Kikwete ameonyoosha ya Rais Dk.Samia Suluhu Hassan pamoja na Dk.Hussein Ali Mwinyi majina yao kupitishwa na Mkutano Mkuu maalum kugombea urais katika uchaguzi mkuu mwaka huu.

Kikwete ametoa ushauri huo leo katika Mkutano Mkuu Maalum wa CCM unaofanyika Mjini Dodoma chini ya Mwenyekiti wa Chama hicho Taifa Dk.Samia Suluhu Hassan.

Kabla ya Rais mstaafu Kikwete kutoa maelezo na ushauri wake kuhusu majina ya viongozi hao kupitishwa kugombea urais wajumbe wa mkutano mkuu Maalum walitoa mapendekezo kuwa kazi ambayo viongozi hao wameifanya ni vema mkutano huo ukapitisha rasmi majina yao.

Hata hivyo Mwenyekiti wa Chama hicho aliyekuwa akiongoza kikao pamoja na kusikia maoni ya wajumbe,alimuomba Rais mstaafu Kikwete kutoa ushauri wake.

“Tumsikiliza taarifa za utekelezaji wa Ilani ,uwepo wenu Rais Dk.Samia Suluhu Hassan na Rais Dk.Hussein Mwinyi mnajua Mnakokwenda,yameelezwa mengi mazuri.Kwa mambo ambayo yamefanyika ushindi kwa Chama Cha mapinduzi katika uchaguzi mkuu mwaka 2025 hauna shaka hata kidogo.

“Kuhusu la wajumbe ajenda ya kwanza ilikuwa ni kupokea utekelezaji lakini hii rai ya Rais Dk.Samia Suluhu Hassan na Dk.Hussein Ali Mwinyi kupitishwa na mkutano mkuu maalum limesemwa na wajumbe wa mkutano huu Mkuu Maalum

“Kila chama kina wakati wake wa kuteua wagombea na kama tunataka leo tuamue leo kama Samia ndio mgombea wetu na Dk.Hussein Mwinyi ndio mgombea wetu mamlaka hayo tunayo.

“Yanapozungumza mambo makubwa mnatulia kusikiliza na baada ya hapo ndio tunatoka na
Mabango.Tukiamua ndio tumeamua na yanayobakia ni masuala ya kisheria tu.Hivyo kwa maana nyingine tayari wanaondoka wanafahamu nini tumekuamua.

“Kama tumekubaliana katika mkutano huu ndio tumeshakubaliana ,Rais Samia mitano tena,Rais Mwinyi mitano tena,”amesema Kikwete alipokuwa akitoa ushauri wake kuhusu hoja ya wajumbe.

Hata hivyo Rais mstaafu Kikwete ameshauri kuandikwa azimio na wajumbe wa mkutano huo wapitishe na wakubali hapo ndio itakuwa sawa

“Hapa lipitishwe Azimio na likubaliwe hapo sawa, tukifanya hivyo ndio itakuwa rasmi sio kuongea tu,Azimio liseme kabisa kuwa tumemteua Rais Dk.Samia Suluhu Hassan kugombea urais kwa tiketi ya Chama hicho…

“Tuandike azimio kuwa Dk.Hussein Ali Mwinyi amepitishwa kaouwa mgombea wetu wa urais katika uchaguzi mkuu mwaka huu kwa mgombea urais katika uchaguzi.Tukifanya hivyo tutakuwa rasmi.”

Baada ya maelezo hayo Rais mstaafu Kikwete alianzisha wimbo unaosema
“Tunaimaaaani na Samia…tunaimani na Dk.Hussein Ali Mwinyi” Wajumbe wa Mkutano Mkuu Maalum wote wakawa wanaimba na shangwe wakati wote lilikuwa limetawala.Kwa hisani ya Said Mwishehe

Comments

Post a Comment

HABARI ZILIZOSOMWA ZAIDI

Image

CHAMA KIPYA CHA WALIMU WAMUOMBA RAIS SAMIA AINGILE KATI MAKATO YA WANACHAMA WAO

Chama cha Kulinda na Kuwatetea Walimu Tanzania (CHAKUWAHATA) kimemuomba Rais wa Jamhuri ya Muungano wa Tanzania, Samia Suluhu Hassan kuingilia kati sakata la baadhi ya wakurugenzi kukiuka sheria ya kuwaruhusu walimu kujiunga na chama hicho hivyo makato ya  fedha za mishahara yao kuingizwa kwenye chama hicho. Ombi hilo limetolewa na Mwenyekiti wa chama hicho, Emmanuel Herman alipokuwa akizungumza na vyombo vya habari wakati wa Mkutano Mkuu wao unaofanyika jijini Dodoma. Walimu ambao ni wajumbe wa Mkutano Mkuu wa chama hicho wakiwa katika mkutano wa kupitia upya rasimu ya katiba ili ieendane na wakati.  
Image

TOFAUTI YA WATU WA DAR NA WA MKOANI NI HUU

Umeenda semina Njombe, una ndugu yako kule. Unamtaarifu unakuja kumtembelea. Anakuambia karibu sana. Anakuelekeza panda daladala za Ramadhani shukia kwa Sanga. Unashuka stendi unamkuta ndugu yako na mkewe na watoto stendi wamekuja kukupokea! Mnatembea kitambo na kufika kwake. Watoto waliobaki home wanakuja ulipokaa, wanakushika kichwani kukusalimia. Wakubwa kidogo wanakuja wanapiga magoti "shikamoo baba mkubwa!". Wanakuzunguka kuulizia habari za ndugu zao unawasimulia, huyu std 2, huyu std 7, kaka yenu form 2. Ndani kumechangamka kila mtu yuko engaged nawe in one way or another. Mama anahangaika na msichana kukuandalia chakula. Baada ya muda mke wa mdogo wako anakuja kupiga magoti kukuambia karibu chakula. Unaenda mezani, anakuja kukunawisha mikono huku akisema "tusamehe shemeji mboga zenyewe hivyo hivyo.." Unakula unashiba. Baadaye unaaga. Nyumba nzima wanafunga, wanakusindikiza hadi kituoni. Watoto wanakuaga, "ba mkubwa msalimie Jerry na Irene. Ukija tena uje...
Image

IBENGE: YANGA SC WATAFUZU HATUA YA ROBO FAINALI.

"Yanga inawachezaji wazuri sana ambao wanaweza kucheza timu yoyote hapa Africa, unapoenda kukutana na timu kama hiyo lazima ujipange kukukabiliana naamini Yanga Wataenda Robo Fainali," . "Nawajua Yanga wanacheza Kwa Malengo Makubwa Ndoto Yao Ni Kubeba Ubingwa Wa Afrika Naamini Wataenda Robo Fainali Wanakocha Mzuri Na Kikosi Kizuri FRORIENT IBENGE,Kocha Mkuu wa Klabu ya Al Hilal.
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...