SERIKALI YAIPONGEZA NMB KWA SH. BIL. 100 ZA KUKOPESHA WASAMBAZAJI NISHATI SAFI

on

SERIKALI imeipongeza Benki ya NMB kwa kuzindua Mfuko Maalum uliotengewa Sh. Bilioni 100 za kukopesha wasambazaji na wauzaji wa Nishati Safi ya Kupikia kwa Watanzania, na kwamba Serikali itaingia kifua mbele katika Mkutano Mkuu wa Nishati wa Wakuu wa Nchi za Afrika (Mission 300), unaofanyika Januari 27 na 28 jijini Dar es Salaam.

 

Pongezi hizo zimetolewa na Naibu Waziri Mkuu, Dk. Doto Biteko, wakati wa uzinduzi wa mfuko huo, aliobeba dhamira chanya ya kuunga mkono juhudi za Serikali katika Mkakati wa Taifa wa Matumizi ya Nishati Safi ya Kupikia (2024-2034) na kwamba tukio hilo ni uthibitisho tosha wa ushirikiano uliopo baina ya Serikali na Sekta Binafsi katika kustawisha jamii ya Watanzania.

 

Kwa niaba ya Serikali na Wizara ya Nishati, Dk. Biteko aliishukuru NMB kwa wazo hili na kwamba wako tayari kuwaunga mkono ili jambo hilo likatimizwe, huku akisema wazo la kuhakikisha mawakala na wasambazaji wa nishati safi za kupikia wanapata mitaji ili kufikisha huduma mijini na vijijini, litasaidia kuchochea upatikanaji na matumizi ya nishati hiyo.

 

“Hakika mpango huu wa NMB kutenga Shilingi Bilioni 100 kwa ajili ya jambo hili, unastahili pongezi kubwa sana, hasa ikizingatiwa kuwa kama benki ina njia nyingi sana za biashara, ambazo wangeweza kuwekeza fedha hizo sehemu nyingine ili kuweza kuendelea kujizalishia faida zaidi.

 

“Lakini, msukumo huu wa kuja kuweka kiasi hiki kwenye Nishati Safi ya Kupikia inaonesha dhamira ya dhati ya benki kuchangia maendeleo endelevu kwa taifa letu la Tanzania, lakini ni kielelezo tosha cha uzalendo wa kweli uliopo kati yenu Menejimenti pamoja na wafanyakazi wa benki hii.

 

“Mtendaji Mkuu wa NMB tayari ameeleza hapa faida mbalimbali za matumizi ya Nishati Safi ya Kupikia na mimi nisisitize kuwa, faida hizo za Afya Bora, Mazingira Safi, Kuboresha Uchumi na Ufanisi wa Nishati hizi na ukweli kuwa nishati safi ni salama, ndio maana hata Rais Samia Suluhu Hassan amekuwa kinara wa hili nchini, Afrika na duniani kote.

 

“Wote tunafahamu kwamba, licha ya ukosefu wa mitaji, changamoto kubwa ya wananchi kuendelea kutumia nishati isiyo safi ya kupikia, ni ukosefu wa elimu juu ya nishati safi ya kupikia, hivyo suala la NMB kuanza pia kutoa elimu ya hili ni jambo zuri na la kipekee sana kwa ustawi wa matumizi ya nishati hii safi.” Alisema Dk. Biteko.

 

Alibainisha kuiwa shukrani na pongezi kwa NMB hazitaishia tu katika Nishati Safi ya Kupikia tu, bali zinaenda pia kwa mambo makubwa ambayo imekuwa ikifanya kwa manufaa kwa taifa letu la Tanzania, ikiwemo misaada mbalimbali mashuleni, zahanati, vituo vya afya na hospitali na kuchagiza maendeleo endelevu kwa jamii, sambamba na upandaji miti.

 

Januari 27 na 28, Tanzania inatarajia kuwa mwenyeji wa mkutano uliopewa jina la Mission 300 kuakisi dhamira ya kuwafikia watu milioni 300 barani Afrika kuhakikisha wanatumia Nishati Safi, ambapo zaidi ya marais 25, Mawaziri wa Fedha na Nishati 60 wa Afrika, watashiriki mkutano huo, mweji akiwa Rais Dk. Samia Suluhu Hassan.

 

Kwa kutambua umuhimu wa Mkutano huo na kuunga mkono juhudi za Serikali ya Tanzania kutekeleza Mkakati wa Taifa wa Matumizi ya Nishati Safi ya Kupikia, NMB inaamini kiasi ilichotenga kwa ajili kukopesha wadau wa biashara ya Nishati Safi, utakuwa na mchango chanya kwa Taifa katika azma yake ya kukuza kiwango cha matumizi ya nishati hiyo mjini na vijijini.

 

Awali, Afisa Mtendaji Mkuu wa NMB, Bi. Ruth Zaipuna, alisema msukumo wa benki yake kutenga kiasi hicho kikubwa cha pesa za kukopesha wafanyabiashara na wasambazaji wa nishati, unalenga kuwezesha utunzaji wa mazingira, kuboresha afya na ustawi wa jamii, kukuza uchumi na kuchangia kufikiwa kwa Malengo Endelevu ya Umoja wa Mataifa ya Mwaka 2030.

 

Akizungumza katika uzinduzi huo, Bi. Zaipuna alisema lengo ni kuongeza urahisi katika upatikanaji wa nishati safi kwa Watanzania na kwamba, NMB inatambua umuhimu wa kuungana na Serikali kufanikisha Mkakati wa Taifa wa Matumizi ya Nishati Safi, wenye lengo la kuhakikisha upatikanaji wa nishati nafuu, kwa urahisi, endelevu na ya kisasa kwa wote.

 

“Kama ulivyoainisha katika Mkakati wa Taifa wa Matumizi ya Nishati Safi ya Kupikia (2024-2034), ‘‘Umuhimu wa agenda hii kwa Taifa letu la Tanzania, na dunia nzima kwa ujumla, unasukumwa na ongezeko la uharibifu wa mazingira na mabadiliko ya tabianchi, pamoja na athari za kiafya zinazotokana na matumizi ya nishati isiyo safi ya kupikia’’

 

“Takwimu zilizotolewa wakati wa Mkutano wa Clean Cooking uliofanyika jijini Paris, Ufaransa, Mei, 2024, zinaonyesha kwa nini wadau wote tunapaswa kushirikiana na Serikali, na Wananchi kukabiliana kwa haraka na suala la  ukosefu wa upatikanaji wa Nishati Safi ya kupikia barani Afrika.

 

“Takwimu hizo, ambazo ni za kushtusha, zinaonyesha kuwa, zaidi ya watu Bilioni 1.2 barani Afrika hawatumii Nishati Safi za kupikia, na kuwalazimu kutegemea mkaa na kuni kwa kupikia, hali inayochangia madhara makubwa ya kiafya, kimazingira na kijamii na waathirika wakuu wa changamoto hii ni wanawake, ambao ni dada zetu, na mama zetu, hasa wa vijijini.

 

“Matokeo yake, Afrika inapoteza zaidi ya wanawake na watoto 600,000 kila mwaka kutokana na athari za moshi wa utokanao na nishati chafu, na Tanzania, kama ilivyoanishwa na Afisa Nishati Mkuu kutoka Wizara ya Nishati, Mussa Abbas, zaidi wa watu 33,000 hufariki Tanzania kila mwaka kwa athari za Nishati Chafu,” alisema Bi. Zaipuna.

 

Alibainisha kuwa, kiwango cha mwisho kwa mkopaji mmoja ni Sh. Bil. 1, ambao utakuwa wa riba nafuu na rafiki ya asilimia  1 kwa mwezi (sawa na asilimia 12 kwa mwaka) na kuwa walengwa wakuu wa mkopo huu utakaopatikana kwenye matawi yote, ni wasambazaji na mawakala wa mitungi na majiko ya gesi ambayo kwa sasa ndio nishati safi zaidi inayopatikana kwa urahisi.

 

Aidha, akimkaribisha Naibu Waziri Mkuu kuzungumza katika uzinduzi huo, Waziri wa Fedha, Mwigulu Nchemba, aliipongeza NMB kuunga mkono juhudi za Serikali kufanikisha malenpo endelevu ya kufikisha huduma ya nishati kote nchini na kwamba benki hiyo imefanya jitihada kubwa katika kuwapambania Watanzania, wakiwemo wafanyabiashara na wajasiriamali wanawake.


Naibu Waziri Mkuu na Waziri wa Nishati,, Dk. Doto Biteko (wa tatu kushoto), akiwa na viongozi mbalimbali pamoja na Ofisa Mtendaji Mkuu wa NMB, Ruth Zaipuna (wa pili kushoto)   wakati wa uzinduzi wa mfuko huo.

Naibu Waziri Mkuu na Waziri wa Nishati,, Dk. Doto Biteko akizungumza na wadau wakati wa hafla hiyo.

Zaipuna akielezea lengo la kutoa mkopo huo.
Waziri wa Fedha, Mwigulu Mchemba.





Comments

Post a Comment

HABARI ZILIZOSOMWA ZAIDI

Image

CHAMA KIPYA CHA WALIMU WAMUOMBA RAIS SAMIA AINGILE KATI MAKATO YA WANACHAMA WAO

Chama cha Kulinda na Kuwatetea Walimu Tanzania (CHAKUWAHATA) kimemuomba Rais wa Jamhuri ya Muungano wa Tanzania, Samia Suluhu Hassan kuingilia kati sakata la baadhi ya wakurugenzi kukiuka sheria ya kuwaruhusu walimu kujiunga na chama hicho hivyo makato ya  fedha za mishahara yao kuingizwa kwenye chama hicho. Ombi hilo limetolewa na Mwenyekiti wa chama hicho, Emmanuel Herman alipokuwa akizungumza na vyombo vya habari wakati wa Mkutano Mkuu wao unaofanyika jijini Dodoma. Walimu ambao ni wajumbe wa Mkutano Mkuu wa chama hicho wakiwa katika mkutano wa kupitia upya rasimu ya katiba ili ieendane na wakati.  
Image

TOFAUTI YA WATU WA DAR NA WA MKOANI NI HUU

Umeenda semina Njombe, una ndugu yako kule. Unamtaarifu unakuja kumtembelea. Anakuambia karibu sana. Anakuelekeza panda daladala za Ramadhani shukia kwa Sanga. Unashuka stendi unamkuta ndugu yako na mkewe na watoto stendi wamekuja kukupokea! Mnatembea kitambo na kufika kwake. Watoto waliobaki home wanakuja ulipokaa, wanakushika kichwani kukusalimia. Wakubwa kidogo wanakuja wanapiga magoti "shikamoo baba mkubwa!". Wanakuzunguka kuulizia habari za ndugu zao unawasimulia, huyu std 2, huyu std 7, kaka yenu form 2. Ndani kumechangamka kila mtu yuko engaged nawe in one way or another. Mama anahangaika na msichana kukuandalia chakula. Baada ya muda mke wa mdogo wako anakuja kupiga magoti kukuambia karibu chakula. Unaenda mezani, anakuja kukunawisha mikono huku akisema "tusamehe shemeji mboga zenyewe hivyo hivyo.." Unakula unashiba. Baadaye unaaga. Nyumba nzima wanafunga, wanakusindikiza hadi kituoni. Watoto wanakuaga, "ba mkubwa msalimie Jerry na Irene. Ukija tena uje...
Image

IBENGE: YANGA SC WATAFUZU HATUA YA ROBO FAINALI.

"Yanga inawachezaji wazuri sana ambao wanaweza kucheza timu yoyote hapa Africa, unapoenda kukutana na timu kama hiyo lazima ujipange kukukabiliana naamini Yanga Wataenda Robo Fainali," . "Nawajua Yanga wanacheza Kwa Malengo Makubwa Ndoto Yao Ni Kubeba Ubingwa Wa Afrika Naamini Wataenda Robo Fainali Wanakocha Mzuri Na Kikosi Kizuri FRORIENT IBENGE,Kocha Mkuu wa Klabu ya Al Hilal.
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...
Image

NOTI MPYA KUANZA KUSAMBAZWA MWEZI UJAO

  Pichani ni Waziri wa Fedha, Mhe. Dkt. Mwigulu Lameck Nchemba (Mb) (kushoto), akipokea Noti Mpya kifani za shilingi elfu kumi, elfu Tano, elfu Mbili na shilingi elfu moja, kutoka kwa Gavana wa Benki Kuu ya Tanzania, Bw. Emmanuel Tutuba, katika Ofisi Ndogo za Wizara ya Fedha, Jijini Dar es Salaam. Noti hizo zitaanza kutumika sambamba na Noti zilizopo hivi sasa, kuanzia tarehe Mosi Februari, 2025. Kwa mujibu wa Gavana wa Benki Kuu ya Tanzania, Bw. Emanuel Tutuba, Noti Mpya za Tanzania zenye Saini ya Waziri wa Fedha, Mhe. Dkt. Mwigulu Lameck Nchemba (Mb) na yeye mwenyewe, za toleo la mwaka 2010, zitaingia kwenye mzunguko kuanzia tarehe mosi Februari mwaka huu. Gavana Tutuba amesema hayo wakati akimkabidhi Mhe. Dkt. Nchemba, Noti kifani za shilingi elfu kumi, elfu Tano, Elfu Mbili na Shilingi Elfu moja, katika Ofisi Ndogo za Wizara ya Fedha, Jijini Dar es Salaam, kwa mujibu wa Sheria na Taratibu zinazosimamia masuala ya fedha nchini. “Mheshimiwa Waziri, ninayofuraha kukujulisha kuwa z...
Image

HUYU NDIYE DKT. NCHIMBI, MAKAMU WA RAIS AJAE

  Dkt. Emmanuel John Nchimbi alizaliwa Desemba 24, 1971, jijini Mbeya. Ni mwanasiasa aliyebobea katika siasa na uongozi, akiwa ametumikia nafasi mbalimbali serikalini na ndani ya chama kwa miaka mingi. Dkt. Nchimbi alianza masomo yake katika Shule ya Msingi Oysterbay jijini Dar es Salaam (1980-1986). Alisoma sekondari katika Uru Secondary School (1987-1989) na baadaye Sangu Secondary School, ambako alihitimu elimu ya kidato cha nne mwaka 1990. Kwa masomo ya kidato cha sita, alisoma katika Forest Hill Secondary School, Mbeya (1991-1993). Elimu ya juu ilimpeleka katika Taifa ya Usimamizi wa Maendeleo (IDM) Mzumbe, Morogoro, ambako alipata Diploma ya Juu katika Utawala wa Umma (1994-1997). Aliendelea na masomo ya Shahada ya Uzamili (MBA) katika masuala ya benki na fedha katika Chuo Kikuu cha Mzumbe (2001-2003). Hatimaye, alihitimu Shahada ya Uzamivu (PhD) katika Mzumbe kati ya 2008 na 2011. Safari ya kisiasa ya Dkt. Nchimbi ilianza mwaka 1997 alipoteuliwa kuwa mjumbe wa Kamati Kuu ya...