on

Mwigamba: Najiweka pembeni Chadema

Mwenyekiti wa Chama cha Demokrasia na Maendeleo (Chadema) Mkoa wa Arusha, Samson Mwigamba
Mwenyekiti  wa Chama cha Demokrasia na Maendeleo (Chadema) Mkoa wa Arusha, Samson Mwigamba, amesema ameamua kujiweka pembeni kuepusha malumbano kati yake na chama kufuatia uamuzi usio halali wa kusimamishwa uongozi uliofanywa na kikao cha Baraza la Uongozi la Kanda.

Alisema atakuwa pembeni mpaka hapo Kamati Kuu itakapojadili na kutoa uamuzi dhidi yake.

Akizungumza na  waandishi wa habari jijini hapa jana, Mwigamba aliwasihi wanachama, viongozi, na wananchi wote nchi nzima kutambua kwamba yeye ni mwanachama na Mtanzania safi anayeipenda nchi yake na chama chake na anayeamini kwamha hakuna chama kingine kilichobeba matumaini ya Watanzania katika kuleta mabadiliko na kuluikwamua taifa kutoka lindi la umaskini.

“Naendelea kuwasisitiza wakiamini chama hiki…ninachotaka mimi ni kukiandaa chama hiki ili kitakapoingia madarakani kiwe ni chama makini kitakacholeta mabadiliko tunayoyatarajia na si kuwa kibovu kuliko hata kilichoko madarakani kwa sasa,” alisema na kuongeza:

“Ikitokea hivyo, nitakuwa wa kwanza kuumia sana pamoja na idadi kubwa ya watu waliokiamini na kukitumaini sana.”

Alisema anatambua kikao kinachoitwa Baraza la  Uongozi la Kanda kuwa ni kikao cha mashauriano na si cha maamuzi na kimsingi si cha kikatiba.

“Kwa mujibu wa katiba ya Chadema, Ibara ya 6, mamlaka yangu ya nidhamu ni Kamati Kuu. Na kuna utaratibu wa kikatiba wa kumchukulia kiongozi na hata mwanachama wa kawaida hatua za kinidhamu.

“Lakini kwa kuwa kile kikao ambacho hakikuwa na uhalali wa kunichukuliwa hatua yoyote ya kinidhamu, kilihudhuriwa na mwenyekiti wa taifa, na ili kuepusha malumbano, nimeamua kujiweka pembeni mpaka hapo Kamati Kuu itakapojadili na kutoa uamuzi dhidi yangu,” alisema.

ALIYOANDIKA KWENYE MTANDAO
Akizungumzia kuhusu alichoandika kwenye mtandao wa Jamii Forums, ambayo ndiyo yanadaiwa kuleta sakata la yeye kusimamishwa uenyekiti, Mwigamba alisema:
“Kwanza kabisa nasema bila kumung’unya maneno kwamba nilimaanisha nilichokiandika na nilikuwa sibahatishi.

“Ni vema sote tukaelewa kwamba katiba ya Chadema inakataza viongozi kutoa hadharani na kuzungumza mambo ya chama badala yake watumie vikao.
Ndio maana inapotokea kiongozi ana maoni yanayohusiana na mambo ya ndani anayotaka wanachama wenzake wayapate na bila kuyahusisha na cheo chake, huchagua njia yo yote ambayo ataona inafaa ikiwa ni pamoja na kuficha jina lake.

“Napenda niwahakikishie kwamba kuna viongozi wengi sana ndani ya Chadema ambao wanazo ID zisizojulikana kwenye mitandao na huzitumia kuzungumza na wanachama mambo mengi ambayo hawataki yahusishwe na vyeo vyao bali yabaki kama maoni ya mwanachama binafsi. Na ndicho nilichokifanya.”

Alisema kama angetoa kwenye vyombo vya habari na kujitambulisha kama Samson Mwigamba, Mwenyekiti wa Mkoa wa Arusha na kuanza kuzungumza yale aliyozungumza, walikuwa na haki ya kunishtaki kwenye mamlaka yake ya nidhamu.

 “Nikiwa pale makao makuu ndipo nilianza kujua madhaifu makubwa ya kiuongozi kwenye chama changu. Hata kuondoka kwangu makao makuu niliondolewa kwa mizengwe.

Kiongozi mkubwa kabisa alinifukuza kazi kwa agizo la simu ambapo alimpigia simu Mkurugenzi wa Fedha tena akiwa nje ya Dar es Salaam na kumwagiza kwamba, ‘nikirudi nisimkute Mwigamba ofisini,” alisema.

Hata hivyo, alisema pamoja na yote hayo yaliyojiri, hajawahi kujitokeza mahali popote iwe kwenye vyombo vya habari ama kwenye mitandao, kuzungumzia matatizo makubwa ya viongozi na uongozi ndani ya chama ambayo wanachama wa kawaida wanaokiamini chama na viongozi wake wangesikia wangeweza kukata tamaa.

“Nilifanya hivyo kwa mapenzi mema na kwa maslahi ya chama changu,” alisema.

Akizungumzia sakata la kuchokonoa mtandao wake, alisema hakuna mtu ye yote  awe ni mtaalamu wa IT ama vyovyote vile bila kujali uanachama wake ama uongozi wake, mwenye haki ya kwenda kwenye mtandao na kuanza kuchokonoa mpaka apate IP address atafute kujua hicho kilichoandikwa kimetoka kwenye kompyuta gani na nani katuma.

Hata hivyo, alisema kuwa alichokiandika ni kuwaeleza wananchama kwamba uongozi wa sasa umekaa madarakani kwa muda mwafaka hivyo uwaachie wengine wakiongoze chama.
CHANZO: NIPASHE

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

BREAKING: CAF YAIPOKONYA KENYA KUANDAA CHAN

 Shirikisho Soka barani Afrika CAF limetoa taarifa kuwa taifa la Kenya πŸ‡°πŸ‡ͺ limeshindwa kukidhi vigezo vya kuwa mmoja wa mataifa yatakayoandaa mashindano ya CHAN mwakani 2025 mara baada ya kushindwa kukidhi vigezo vya kuwa mwenyeji wa mashindano hayo. Viwanja vyote vilivyopo Kenya havina ubora wa kutumika katika michezo ya FIFA Wala CAF Kwa mujibu wa wakaguzi wa CAF na hata uwanja wa Kasarani unaojengwa pia imeonekana kuwa hautakamilika Kwa wakati.  Nafasi hiyo wamepatiwa Rwanda πŸ‡·πŸ‡Ό mara baada ya kuonekana wao wamekidhi vigezo vya kuwa wenyeji wa CHAN. CHAN2025 itachezwa katika mataifa matatu ambayo ni Rwanda πŸ‡·πŸ‡Ό, Tanzania πŸ‡ΉπŸ‡Ώ pamoja na Uganda πŸ‡ΊπŸ‡¬. Uwanja wa Karasani unaoendelea kujengwa.
Image

BREAKING NEWSSSS. WABUNGE WAPATA AJALI

Baadhi ya wabunge waliokuwa wanasafiri na basi la Shabiby wamepata ajali eneo la Mbande Dodoma, baada ya kugongana na Lori. Akielezea kwa njia simu kuhusu ajali hiyo mmoja wa wabunge waliosafiri na moja kati ya mabasi manne ya Shabiby yaliyokuwa  yanawasafisha kwenda kwenye mashindano ya mabunge ya Afrika Mashariki Mombasa Kenya, amesema kuwa ajali hiyo imetokea  leo alfajiri baada ya basi moja kudaiwa kugonga nyuma ya lori lililokuwa limesimama katika Barabara hiyo ya Morogoro - Dodoma. "Aisee, mambo siyo mazuri, basi moja kati ya manne tuliyokuwa tunasafiria limepata ajali na baadhi ya wenzetu wamejeruhiwa na kukimbizwa hospitali za Uhuru na Benjamini Mkapa kwa ajili ya matibabu, hatujui hadi sasa wenzetu wanaendeleaje, nasi bado tupo eneo la ajali," amesema Mbunge huyo. Msafara huo  ambao ulitakiwa kupitia Chalinze na Tanga kwenda Mombasa, umejumuisha wabunge na watumishi wa Bunge zaidi ya 120 wanaokwenda kushiriki michezo mbalimbali inayotarajia kuanza kesho Desemba 7...
Image

π—₯π—”π—§π—œπ—•π—” 𝗬𝗔 π—¬π—”π—‘π—šπ—” 𝗬𝗔 π—žπ—¨π—™π—¨π—‘π—šπ—” 𝗠π—ͺπ—”π—žπ—” 2024 πŸ”°

1. MC Alger πŸ‡©πŸ‡Ώ Vs Yanga πŸ‡ΉπŸ‡Ώ   (AWAY Dec 7) 2. TP Mazembe πŸ‡¨πŸ‡© Vs Yanga πŸ‡ΉπŸ‡Ώ   (AWAY Dec 14) 3. Yanga πŸ‡ΉπŸ‡Ώ Vs Mashujaa    (HOME Dec 19) 4. Yanga πŸ‡ΉπŸ‡Ώ Vs Prisons πŸ‡ΉπŸ‡Ώ    (Home Dec 22) 5. Dodoma πŸ‡ΉπŸ‡Ώ Vs Yanga πŸ‡ΉπŸ‡Ώ   (AWAY Dec 25) 6. Yanga πŸ‡ΉπŸ‡Ώ Vs Kagera πŸ‡ΉπŸ‡Ώ      (Home Dec 29) ➡️ Wananchi tutafurahi πŸ”°πŸ”°πŸ’šπŸ’šπŸ’›πŸ’›⤵️⤵️
Image

MONGELLA AWATEMBELEA HOSPITALI WALIOMWAGIWA TINDIKALI

  Ndugu Thomas Omary na mkewe, Bi. Verian Elias, waliopatwa na tukio la kumwagiwa tindikali huko Kasulu, Kigoma, wakipokea faraja kutoka kwa Naibu Katibu Mkuu wa Chama Cha Mapinduzi (CCM) - Bara, John Mongella, walipotembelewa wakiwa kwenye matibabu katika Hospitali ya Taifa ya Muhimbili, Dar es Salaam.
Image

GERSON MSIGWA AREJESHWA KUWA MSEMAJI MKUU WA SERIKALI

 Rais wa Jamhuri ya Muungano wa Tanzania, Samia Suluhu Hassan amehamisha majukumu ya sekta ya habari kutoka Wizara ya Habari, Mawasiliano na Teknolojia ya Habari kwenda Wizara ya Utamaduni, Sanaa na Michezo ambapo Profesa Paramagamba Kabudi ameteuliwa kuwa Waziri wa Habari, Utamaduni , Sanaa na Michezo na  kumteua Gerson Msigwa kuwa Katibu Mkuu wa Wizara hiyo na kurejeshwa kuwa  Msemaji Mkuu wa Serikali nafasi ambayo aliwahi ishika awali. Awali Kabudi alikuwa Waziri wa Katiba na Sheia na Msigwa alikuwa Katibu Mkuu wa iliyokuwa Wizara ya Utamaduni, Sanaa na Michezo.
Image

AUCHO, BACCA, BOKA WAJUMUISHWA KWENDA ALGERIA LEO

 Sure Boy, Andabwile ‘watemwa’ Yanga ikiifuata MC Alger BENCHI la Ufundi la Yanga chini ya Kocha Mkuu Sead Ramovic, limetangaza majina ya ‘askari 24 wa Jeshi la Wananchi’ hao wanaokwea pipa leo alasiri ya leo Jumanne Desemba 3, kwenda Algiers, nchini Algeria, kuwavaa Mouloudia Club d’alger ‘MC Alger,’ huku Salum Aboubakar ‘Sure Boy na Aziz Andabwile wakiachwa. Yanga watakuwa wageni wa MC Alger Jumamosi ya Desemba 7, katika mechi ya pili ya Kundi A la Ligi ya Mabingwa Afrika (CAF CL 2024/25), wakiwa na kumbukumbu ya kipigo cha mabao 2-0 kutoka kwa Al Hilal ya Sudan, huku Waalgeria hao wakitoka kugawana pointi na TP Mazembe katika mechi ya kwanza. Kwa mujibu wa uongozi wa Yanga, kikosi chao kinajumuisha wachezaji 24, wakiwemo nyota wao kadhaa waliokuwa majeruhi na waliokuwa wakitumikia adhabu zilizowakosesha mechi ya Ligi Kuu ya NBC Tanzania Bara, waliyoshinda kwa mabao 2-0 dhidi ya Namungo FC ya Ruangwa, Lindi. Katika orodha ya nyota wanaokwea pipa alasiri hii ya leo, Yanga itaongoz...