on

SIRI NZITO YA KUTIMULIWA MAWAZIRI YAFICHUKA..MADUDU WALIO KUWA WAKIFANYA NI AIBU TUPU

SIRI mbalimbali zimeanza kufichuka kuhusiana na ‘madudu’ yaliyokuwa yakifanyika, katika utekelezaji wa Operesheni Tokomeza, iliyowang’oa madarakani mawaziri wanne. 

Siri hizo zimeanza kuvuja baada ya kubainika kuwa Waziri Mkuu, Mizengo Pinda aliandikiwa barua mara mbili na aliyekuwa Waziri wa Mambo ya Ndani ya Nchi, Dk. Emmanuel Nchimbi juu ya ‘madudu’ hayo, lakini hakuweza kuchukua hatua.

Habari za uhakika ambazo MTANZANIA Jumamosi limezipata zilisema kutokana na Pinda kushindwa kuchukua hatua, kulisababisha Dk. Nchimbi kugoma kujiuzulu pale alipotakiwa kufanya hivyo.
Chanzo chetu cha habari kilisema kuwa Nchimbi aligoma katika kikao kilichoitishwa na Pinda, wakati akizungumza na mawaziri wanne waliotajwa katika ripoti ya Kamati ya Bunge ya Maliasili, Ardhi na Mazingira, akiwashawishi waachie ngazi.
Chanzo chetu kilieleza kuwa katika kikao hicho, Dk. Nchimbi alimkumbusha Pinda namna alivyokuwa akimpatia taarifa juu ya malalamiko ya wananchi, lakini alijibiwa kuwa hiyo ni kazi maalumu ya Serikali.
Mbali na Dk. Nchimbi, mawaziri wengine walioitwa na Pinda ni Waziri wa Ulinzi na Jeshi la Kujenga Taifa, Shamsi Vuai Nahodha, Waziri wa Maliasili na Utalii, Balozi Khamis Kagasheki na Waziri wa Maendeleo ya Mifugo na Uvuvi, Dk. Mathayo David Mathayo.
“Katika kikao kile, Dk. Nchimbi alimkumbusha waziri mkuu juu ya barua mbili alizomwandikia, akimlalamikia jinsi operesheni ilivyoendeshwa. Katika barua hizo, alimweleza mbona watuhumiwa wanaokamatwa hawapelekwi katika mahabusu za polisi na badala yake wanafungwa katika nguzo za umeme?
“Hakuishia hapo, Nchimbi akamweleza tena waziri mkuu kwamba, wakuu wa mikoa na wilaya nao wanalalamika kwamba mikoa yao imevamiwa, watu wanateswa, hiyo Task Force inaingia bila kamati za ulinzi na usalama za mikoa yao kuwa na taarifa?
“Waziri mkuu alimjibu akisema kuwa ile ilikuwa ni Task Force (kikosi kazi) na kwa msingi huo, Dk. Nchimbi aligoma katakata kuwajibika,” kilisema chanzo chetu cha habari.
MTANZANIA Jumamosi lilimtafuta, Dk. Nchimbi kupitia simu yake ya kiganjani lakini simu hiyo ilikuwa ikiita bila kupokewa na baadaye ilizimwa.
Mawaziri wote waliong’olewa kwa nyakati tofauti wameelezea hatua hiyo na wengi wakionesha wazi ni kama vile wameonewa.
Dk. Nchimbi aliweka wazi kile kilicho moyoni mwake kupitia mtandao wa Facebook, akielezea alivyoguswa na namna atakavyoendelea kuwa na upendo kwa wanadamu wenzake.
Balozi Kagasheki yeye alipata wasaa wa kuzungumza muda mfupi kabla ya Waziri Mkuu kutangaza bungeni uamuzi wa Rais Kikwete, akikubali kuwajibika kutokana na kilichojiri katika ripoti iliyosomwa na Mwenyekiti wa Kamati hiyo ya Bunge, James Lembeli.
Dk. Mathayo naye alipata fursa kama ya Kagasheki kuzungumza bungeni akisema tuhuma zilizomo kwenye taarifa ya Operesheni Tokomeza hazijamgusa.
Nahodha naye alihusisha kilichomtokea kuwa ni sawa na mitihani inayompata mwanadamu duniani na hivyo anapaswa kukabiliana nayo.
Katika hatua nyingine, Mkurugenzi wa Upelelezi na Makosa ya Jinai nchini, Isaya Mungulu amesema ripoti ya Kamati ya Maliasili, Ardhi na Mazingira iko upande mmoja kwa kutoangalia pande mbili zilizoathirika na Operesheni Tokomeza Ujangili.
Akizungumza na MTANZANIA Jumamosi ofisini kwake jana, Mungulu alisema hata wabunge waliochangia mjadala wa ripoti ya Kamati ya Lembeli, nao waliangalia upande mmoja wa waathirika.
“Katika operesheni ile askari polisi mmoja aliuawa, lakini wabunge hawakuona huo umuhimu wa kuwazungumzia, lakini inategemea na hadidu za rejea walizopewa,” alisema Mungulu.
Hata hivyo, Mungulu alisema Operesheni Tokomeza iko kwa maandishi na haikuagiza askari wakaue wananchi.
Naye, Mbunge wa Mwibara, Kangi Lugola alizungumza na MTANZANIA Jumamosi alikiri ripoti ya Lembeli kuonyesha upungufu kwa kutoeleza bayana namna majangili walivyoua askari waliokuwa wakipambana na ujangili.
Lugola alisema katika operesheni hiyo, ndugu yake wa kike ambaye ni askari alikufa baada ya kupigwa risasi na majangili na kufa papo hapo.
“Ripoti ingeenda ndani zaidi tuone namna askari walivyokuwa wakikabiliana na mazingira magumu wakati wakipambana na majangili na wengine waliofariki.
“Lakini hii hoja ya watu kuteswa ni ya muda mrefu na haya yaliyotokea imekuwa sawa na moshi tu uliowekwa kwenye mzinga wa nyuki,” alisema Lugola.

Chanzo: Mtanzania

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

BREAKING: CAF YAIPOKONYA KENYA KUANDAA CHAN

 Shirikisho Soka barani Afrika CAF limetoa taarifa kuwa taifa la Kenya πŸ‡°πŸ‡ͺ limeshindwa kukidhi vigezo vya kuwa mmoja wa mataifa yatakayoandaa mashindano ya CHAN mwakani 2025 mara baada ya kushindwa kukidhi vigezo vya kuwa mwenyeji wa mashindano hayo. Viwanja vyote vilivyopo Kenya havina ubora wa kutumika katika michezo ya FIFA Wala CAF Kwa mujibu wa wakaguzi wa CAF na hata uwanja wa Kasarani unaojengwa pia imeonekana kuwa hautakamilika Kwa wakati.  Nafasi hiyo wamepatiwa Rwanda πŸ‡·πŸ‡Ό mara baada ya kuonekana wao wamekidhi vigezo vya kuwa wenyeji wa CHAN. CHAN2025 itachezwa katika mataifa matatu ambayo ni Rwanda πŸ‡·πŸ‡Ό, Tanzania πŸ‡ΉπŸ‡Ώ pamoja na Uganda πŸ‡ΊπŸ‡¬. Uwanja wa Karasani unaoendelea kujengwa.
Image

BREAKING NEWSSSS. WABUNGE WAPATA AJALI

Baadhi ya wabunge waliokuwa wanasafiri na basi la Shabiby wamepata ajali eneo la Mbande Dodoma, baada ya kugongana na Lori. Akielezea kwa njia simu kuhusu ajali hiyo mmoja wa wabunge waliosafiri na moja kati ya mabasi manne ya Shabiby yaliyokuwa  yanawasafisha kwenda kwenye mashindano ya mabunge ya Afrika Mashariki Mombasa Kenya, amesema kuwa ajali hiyo imetokea  leo alfajiri baada ya basi moja kudaiwa kugonga nyuma ya lori lililokuwa limesimama katika Barabara hiyo ya Morogoro - Dodoma. "Aisee, mambo siyo mazuri, basi moja kati ya manne tuliyokuwa tunasafiria limepata ajali na baadhi ya wenzetu wamejeruhiwa na kukimbizwa hospitali za Uhuru na Benjamini Mkapa kwa ajili ya matibabu, hatujui hadi sasa wenzetu wanaendeleaje, nasi bado tupo eneo la ajali," amesema Mbunge huyo. Msafara huo  ambao ulitakiwa kupitia Chalinze na Tanga kwenda Mombasa, umejumuisha wabunge na watumishi wa Bunge zaidi ya 120 wanaokwenda kushiriki michezo mbalimbali inayotarajia kuanza kesho Desemba 7...
Image

π—₯π—”π—§π—œπ—•π—” 𝗬𝗔 π—¬π—”π—‘π—šπ—” 𝗬𝗔 π—žπ—¨π—™π—¨π—‘π—šπ—” 𝗠π—ͺπ—”π—žπ—” 2024 πŸ”°

1. MC Alger πŸ‡©πŸ‡Ώ Vs Yanga πŸ‡ΉπŸ‡Ώ   (AWAY Dec 7) 2. TP Mazembe πŸ‡¨πŸ‡© Vs Yanga πŸ‡ΉπŸ‡Ώ   (AWAY Dec 14) 3. Yanga πŸ‡ΉπŸ‡Ώ Vs Mashujaa    (HOME Dec 19) 4. Yanga πŸ‡ΉπŸ‡Ώ Vs Prisons πŸ‡ΉπŸ‡Ώ    (Home Dec 22) 5. Dodoma πŸ‡ΉπŸ‡Ώ Vs Yanga πŸ‡ΉπŸ‡Ώ   (AWAY Dec 25) 6. Yanga πŸ‡ΉπŸ‡Ώ Vs Kagera πŸ‡ΉπŸ‡Ώ      (Home Dec 29) ➡️ Wananchi tutafurahi πŸ”°πŸ”°πŸ’šπŸ’šπŸ’›πŸ’›⤵️⤵️
Image

MONGELLA AWATEMBELEA HOSPITALI WALIOMWAGIWA TINDIKALI

  Ndugu Thomas Omary na mkewe, Bi. Verian Elias, waliopatwa na tukio la kumwagiwa tindikali huko Kasulu, Kigoma, wakipokea faraja kutoka kwa Naibu Katibu Mkuu wa Chama Cha Mapinduzi (CCM) - Bara, John Mongella, walipotembelewa wakiwa kwenye matibabu katika Hospitali ya Taifa ya Muhimbili, Dar es Salaam.
Image

GERSON MSIGWA AREJESHWA KUWA MSEMAJI MKUU WA SERIKALI

 Rais wa Jamhuri ya Muungano wa Tanzania, Samia Suluhu Hassan amehamisha majukumu ya sekta ya habari kutoka Wizara ya Habari, Mawasiliano na Teknolojia ya Habari kwenda Wizara ya Utamaduni, Sanaa na Michezo ambapo Profesa Paramagamba Kabudi ameteuliwa kuwa Waziri wa Habari, Utamaduni , Sanaa na Michezo na  kumteua Gerson Msigwa kuwa Katibu Mkuu wa Wizara hiyo na kurejeshwa kuwa  Msemaji Mkuu wa Serikali nafasi ambayo aliwahi ishika awali. Awali Kabudi alikuwa Waziri wa Katiba na Sheia na Msigwa alikuwa Katibu Mkuu wa iliyokuwa Wizara ya Utamaduni, Sanaa na Michezo.
Image

AUCHO, BACCA, BOKA WAJUMUISHWA KWENDA ALGERIA LEO

 Sure Boy, Andabwile ‘watemwa’ Yanga ikiifuata MC Alger BENCHI la Ufundi la Yanga chini ya Kocha Mkuu Sead Ramovic, limetangaza majina ya ‘askari 24 wa Jeshi la Wananchi’ hao wanaokwea pipa leo alasiri ya leo Jumanne Desemba 3, kwenda Algiers, nchini Algeria, kuwavaa Mouloudia Club d’alger ‘MC Alger,’ huku Salum Aboubakar ‘Sure Boy na Aziz Andabwile wakiachwa. Yanga watakuwa wageni wa MC Alger Jumamosi ya Desemba 7, katika mechi ya pili ya Kundi A la Ligi ya Mabingwa Afrika (CAF CL 2024/25), wakiwa na kumbukumbu ya kipigo cha mabao 2-0 kutoka kwa Al Hilal ya Sudan, huku Waalgeria hao wakitoka kugawana pointi na TP Mazembe katika mechi ya kwanza. Kwa mujibu wa uongozi wa Yanga, kikosi chao kinajumuisha wachezaji 24, wakiwemo nyota wao kadhaa waliokuwa majeruhi na waliokuwa wakitumikia adhabu zilizowakosesha mechi ya Ligi Kuu ya NBC Tanzania Bara, waliyoshinda kwa mabao 2-0 dhidi ya Namungo FC ya Ruangwa, Lindi. Katika orodha ya nyota wanaokwea pipa alasiri hii ya leo, Yanga itaongoz...