on

SIMBA SC YAWAONYA YANGA KWA KUANZA UJENZI WA UWANJA BUNJU, ZANA ZATUA RASMI!

Hivi ndivyo mambo yalivyo huko Bunju. Picha hii ni kwa hisani ya Blog ya Bin Zubeiry.
Na Baraka Mpenja, Dar es salaam
WAKATI mchakato wa uchaguzi wa klabu ya Simba unaotarajia kufanyika juni 29 mwaka huu ukizidi kushika kasi hasa baada ya mgombea aliyeenguliwa kuwania Urais Michael Richard Wambura kurejeshwa, taarifa njema kwa mashabiki wa klabu hiyo ni kwamba mkakati wa ujenzi wa uwanja umechukua sura mpya leo hii.
Mtandao huu unafanya jitihada za kuwatafuta viongozi wa Simba ili kujua zoezi hilo linaendeleaje huko Bunju.
Hata hivyo, Msemaji wa Simba sc, Asha Muhaji ameuambia mtandao huu kuwa hajapewa taarifa rasmi na uongozi kuhusu zoezi hilo.
Muhaji amesema linapotokea jambo katika klabu hiyo anapewa taarifa, hivyo ameahidi kufikia baadaye atakuwa na taarifa zaidi.
“Mimi bado sijapewa taarifa kamili, labda tuwasiliane baadaye ili tujue”. Amesema Muhaji.
 Uongozi wa Simba amepeleka magari yanayomwaga vifaa na kusafisha eneo la uwanja wao  uliopo Bunju jijini Dar es salaam.
Awali suala hili lilichukuliwa kwa utani na kuwabatiza viongozi na wanachama wa Simba jina la utani la`wazee wa kilimo kwanza` , lakini mambo yamebadilika baada ya viongozi kuonekana wamekusudia kujenga uwanja wa kisasa wa klabu hiyo.
Jina hilo lilitokana na katibu mkuu wa Simba kutangaza kuwa wanachama wachukue majembe, makwanja,nyengo ili wakafyeke na kusafisha eneo la uwanja wa Bunju.
Leo hii mambo yamebadilia na magari yameanza kazi ya kusafisha eneo na kumwaga vifaa kwa ajili ya kuanza ujenzi.
Suala la uwanja limekuwa wimbo wa taifa kwa klabu za Simba na Yanga tangu zianzishwe miaka mingi iliyopita.
 
Picha hii ni kwa hisani ya Blog ya Michezo ya Bin Zubeiry. Unaweza kuitembelea kwa picha zaidi.

Lakini sasa klabu zote zinaonekana kuwa katika mipango ya ujenzi wa viwanja vyao.
Yanga chini ya mwenyekiti aliyeongezewa muda wa mwaka mmoja Yusuf Manji wapo katika mkakati mzito wa kujenga uwanja wa kisasa maeneo ya jangwani.
Lakini kwa upande wa Simba, mwenyekiti wake Ismail Aden Rage alileta siasa katika suala la uwanja, ila sasa inaonekana kuna watu wameamua kulivalia njuga.
Japokuwa kuna watu wanahoji kwanini suala hili limekuja wakati huu wa uchaguzi?, mpango huo unataka kutumika kama kampeni kwa wagombea Fulani?
Lakini bado majibu hayajapatikana kwasababu haijatangazwa kuwa ni mtu fulani anasimamia suala hilo.
Kujenga uwanja ni muhimu sana kwa klabu kama Simba, lakini wasiwasi kwa baadhi ya watu unakuja kulingana na wakati ilionao Simba.
Klabu inaelekea kwenye uchaguzi wiki mbili zijazo na siku kadhaa, hivyo watu wanaanza kuhusianisha na kampeni.
Lakini hata kama ni kampeni, bado ukweli uko pale pale kuwa kiongozi yeyote atakayeingia madarakani ajitahidi kujenga uwanja.
Endapo Kuna watu wameamua kuwahadaa wana Simba kwa ujenzi huo, basi ni tatizo na inaweza kuleta mashaka kama mpango wenyewe utakamilika.
Tusubiri kampeni, kama kuna mtu ametumia ujenzi huo itajulikana, lakini kwasasa tuliache.

Comments

Post a Comment

HABARI ZILIZOSOMWA ZAIDI

Image

MAKUNDI YA VILABU VINAVYOSHIRIKI KOMBE LA DUNIA 2025.

GROUP A  Gp  Pts  # Team 0     0     1🇵🇹 FC Porto  0     0     2 🇧🇷Palmeiras  0     0     3 🇪🇬Al Ahly  0     0     4 🇺🇲Inter Miami  GROUP B  Gp  Pts  # Team  0     0     1 🇫🇷PSG  0     0     2 🇪🇸Atl. Madrid  0     0     3 🇧🇷Botafogo RJ  0     0     4 🇺🇲Seattle Sounders  GROUP C  Gp  Pts  # Team 0     0     1 🇩🇪Bayern Munich  0     0     2 🇦🇷Boca Juniors  0     0     3 🇵🇹Benfica  0     0     4 🇳🇿Auckland City  GROUP D  Gp  Pts  # Team 0     0     1 🏴󠁧󠁢󠁥󠁮...
Image

MUONEKANO WA UWANJA WA NDEGE WA KIMATAIFA MSALATO

  Muonekano wa Kiwanja cha Ndege cha Kimataifa cha Msalato Jijini Dodoma tarehe 14 Juni, 2025. ujenzi wa Kiwanja hicho cha Msalato unahusisha njia ya kuruka na kutua ndege (runway) jengo la abiria, jengo la kuongozea ndege pamoja na Miundombinu mengine. Rais wa Jamhuri ya Muungano wa Tanzania, Dkt. Samia Suluhu Hassan amekagua maendeleo ya ujenzi wa uwanja huo huku akiambatana na Rais wa Benki ya Maendeleo Afrika (AfDB), Dkt. Akinwumi Adesina Juni  14, 2025.
Image

JINSI YA KUMTAWALA MWANAMKE HASA MKE (USIOE MKE WA MTU)

Ukiwa ni mfanyakazi, sehemu ya tatu Wafanyakazi wengi wakipata kazi wanakuwa na tabia ya kuoa wake za watu au wanawake waliokuwa kwenye mahusiano na wanaume wengine. Katika kipindi hicho, utakuta wanaume walioporwa wake wao bado wako katika harakati za kujitafuta kimaisha au bado wanasoma. Kwa sababu ya wafanyakazi hao kuwa na ajira nzuri, hunyakua wake za watu, kuwaoa, na kuwahamishia mikoa mingine. Baada ya hapo huwazalisha watoto, wakidhani kwamba kumzalisha mwanamke ndiyo kumemaliza na kumfanya ampende. Lakini kiukweli, mahusiano hayo huwa yamejengwa juu ya msingi wa ajira na fedha—na hali hiyo hutokea kwa sababu yule aliyenyang’anywa mpenzi hana ajira wala uwezo wa kifedha. Hata hivyo, kadri siku zinavyosonga mbele, wanawake huanza kurudisha mapenzi kwa wanaume wao wa zamani, hasa baada ya wanaume hao kuanza kuwa na maisha mazuri wakiwa na ajira au fedha nyingi, pengine hata zaidi ya wale waliowanyang’anya wake. Mwisho wa siku, mke uliyemuoa kwa kumwanyang’anya lazima atarudi kwa ...
Image

NMB YATOA MSAADA WA SH. MILI. 125 KUBORESHA MIUNDOMBINI KATIKA SHULE 15 ARUSHA

  Benki ya NMB imenunua na kugawa vitanda, madawati, viti na meza vyenye thamani ya Shilingi milioni 125.2 katika shule 15 za Wilaya ya Arusha na Arumeru. Kati ya shule hizo zilizonufaika, 11 ni za Arusha Jiji ikiwemo shule za msingi Unga Limited waliopewa madawati 150, huku Baraa, Lemara, Sanawari, Elerai na Kijenge kila moja ikipata madawati 100. Shule zingine ni za sekondari ambazo ni Unga Limited, Elerai, Kimaseki, Osunyai na Salei zilizopokea viti na meza 50 kila moja. Katika Wilaya ya Arumeru, shule ya Sekondari Oldadai imekabidhiwa vitanda vya ghorofa (double decker) 33, huku Kiutu na Kiserian zikikabidhiwa viti na meza 60 kila moja, na shule ya msingi Mussa ikipokea madawati 50. Akizungumza wakati wa hafla ya kukabidhi vifaa hivyo, Meneja wa NMB Kanda ya Kaskazini, Baraka Ladislaus, alisema msaada huo una thamani ya Shilingi milioni 125.2. “Kwa shule za Arusha Jiji, vifaa vina thamani ya Shilingi milioni 88.2, huku vifaa vilivyotolewa kwa shule za Arumeru vikiwa na thamani ...
Image

ASHUKURU MAFUNZO YA KILIMO JKT YAMEMLIPIA ADA CHUO KIKUU

  Mwanafunzi wa mwaka wa pili wa Chuo Kikuu cha Dodoma (UDOM) ambaye kwa mujibu wa sheria baada ya kumaliza kidato cha sita na kujiunga na Jeshi la Kujenga Taifa (JKT) akielezea jinsi alivyonufaika na mafunzo ya kilimo na baada ya kuhitimu ameanzisha shamba la vitunguu na mauzo yake yamesaidia kulipia ada chuoni hapo. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

DKT. NCHIMBI AKIFUATILIA BAJETI KUU YA SERIKALI

Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi, akifuatilia Hotuba ya Mapendekezo ya Serikali kuhusu Bajeti Kuu ya Mwaka wa Fedha 2025/2026 akiwa ofisini kwake, katika Ofisi za Makao Makuu ya CCM jijini Dodoma, leo Alhamisi, tarehe 12 Juni 2025. Pamoja naye ni maofisa waandamizi wa CCM Makao Makuu.