SIMBA, YANGA NI TAASISI ZENYE NGUVU KULIKO CCM, UKAWA

on

Simba na Yanga ndiyo taasisi zinazoigawa Tanzania mara mbili. Kama haupo Simba, basi wewe ni Yanga, hakuna zaidi ya hapo. U’Simba na U’Yanga umetengeneza upacha kwenye damu ya Watanzania.
Ipo idadi kubwa ya Watanzania ambao si mashabiki wa mpira lakini nao wana upande, ama wapo Simba au Yanga. Klabu za Simba na Yanga kwa tafsiri pana zimekuwa utamaduni wa Mtanzania.
Lipo kundi fulani husema halishabikii Simba wala Yanga lakini zinapocheza hufurahi au kuumia kimyakimya kwa aina ya matokeo ambayo timu iliyo ndani ya mapenzi yao hupata. Naomba niseme kwa msisitizo; Simba na Yanga ni taasisi pacha na maisha ya Watanzania.
Klabu hizo mbili ni taasisi zenye nguvu kuliko nyingine yoyote nchini. Upacha wa Simba na Yanga kwa maisha ya Watanzania haupatikani kokote duniani. Ni rahisi shabiki wa Barcelona kuwa mnazi wa Real Madrid au kinyume chake lakini siyo Shabiki wa Simba kuipenda Yanga au kinyume chake.
Inawezekana mkereketwa wa Inter Milan kuishabikia AC Milan au kinyume chake lakini hali hiyo huwezi kuipata Simba na Yanga. Mechi ya Simba dhidi ya Yanga huwa na msisimko wenye nguvu unaoigawa Tanzania pande mbili. Hali hiyo mguso wake haufanani na mahali popote duniani.
Mguso ambao naujengea hoja ni ule upacha wa Watanzania kwa timu zao mbili, Simba na Yanga. Nafahamu zitaibuka hoja kuhusu mchuano mkali wa wapinzani wa jadi nchini Argentina kati ya Boca Juniors dhidi ya River Plate (Superclasico).
Takwimu za zinaonesha kuwa Boca Juniors na River Plate, zinabeba asilimia 70 ya mashabiki wote wa soka Argentina. Boca ikiwa na asilimia 40, River ikiwa na asilimia 33. Ukija Tanzania utakuta kuwa asilimia 100 ya mashabiki wa soka nchini wapo Simba na Yanga.
Nenda Uturuki wakute Fenerbahce dhidi ya Galatasaray (Intercontinental Derby), fika Scotland uwaone Celtic na Rangers (The Old Firm), ukikanyaga Serbia utawashuhudia Red Star Belgrade na Partizan Belgrade (The Eternal Derby), shusha maguu Uholanzi ukutane na Ajax dhidi ya Feyenoord (De Klassieker), bado vionjo vya Simba na Yanga vipo kipekee sana.
Hazinishtui Liverpool na Manchester United (North-West Derby) England wala Roma na Lazio (Derby della Capitale) Italia. Natambua ukali wa mahasimu wa Ugiriki, Olympiakos dhidi ya Panathinaikos (Derby of the Eternal Adversaries), Brazil kati ya Palmeiras dhidi ya Corinthians (Paulista Derby), ongezea El Clasico (Barcelona na Madrid) pamoja na Derby della Madonnina (Inter na AC Milana), bado nazipa thamani Simba na Yanga.
Simba na Yanga ni zaidi ya soka
Tanzania, Simba na Yanga ni itikadi zenye nguvu mno. Kasi ya waumini wa Kiislam kubadili dini na kuhamia Ukristo au Wakristo kusilimu kuwa Waislam ni kubwa kuliko mashabiki wa Simba na Yanga kuhama upande mmoja kwenda mwingine.
Mashabiki wa Simba hawana wachoipendea Simba zaidi ya Simba yenyewe. Mafanikio ya klabu hiyo ndiyo furaha kwao. Timu inapoporomoka kwenye mabonde, wanakuwa wanyonge na wenye hasira.
Wanazi wa Yanga hawakushawishiwa kitu kuipenda Yanga zaidi ya Yanga yenyewe. Timu inapofanya vizuri mashabiki wake wanaamka na kutamba, inapopitia nyakati ngumu wanakuwa dhaifu hata mdomoni.
Kati ya Simba na Yanga, timu moja inapokuwa kwenye wakati mgumu, unashuhudia mtikisiko wa mapato kwa jumla. Viwanjani mahudhurio yanakuwa hafifu. Hamu ya mashabiki kufuatilia vyombo vya habari hususan michezo inapungua.
Mapato ni mengi katika mechi za soka pale Simba na Yanga zinapokuwa kwenye kiwango bora zote kwa pamoja. Vyombo vya habari hufuatiliwa mno. Magazeti ya michezo hugeuka lulu hata yale ambayo hufanya kazi zake chini ya kiwango. Ndiyo maana mahasimu wa Soweto Derby, Kaizer Chiefs na Orlando Pirates siwapi daraja sawa na Simba na Yanga.
Utaona kuwa Simba na Yanga ndiyo soka la Tanzania. Bila zenyewe huuoni mpira ukivutia. Yanga ilipogawanyika na Pan Africa ilidhaniwa kungeibuka ushindani mkubwa kuliko wa Simba na Yanga lakini haikuwa. Hata kifo cha Pan Africa ni menejimenti yake yote kubaki mashabiki wa Yanga.
Klabu nyingi hazichanui inavyotakiwa hapa Tanzania kwa sababu wachezaji na viongozi wake ni mashabiki wa Simba na Yanga. Zipo timu zilizotikisa soka la Tanzania kisha zikafifia kwa sababu ya itikadi za Simba na Yanga.
Simba na Yanga ni zaidi ya siasa
Mmoja wa waasisi wa taifa hili, Kingunge Ngombale Mwiru, mwaka jana katika Uchaguzi Mkuu 2015, alisimama jukwaa la Chama cha Demokrasia na Maendeleo (Chadema) kupiga kampeni Chama Cha Mapinduzi (CCM) kishindwe kwenye uchaguzi.
Mawaziri wakuu wastaafu, Edward Lowassa na Fredrick Sumaye hivi sasa ni wanachama wa mstari wa mbele wa Chadema, vilevile ni vinara wa muungano wa vyama vya Umoja wa Katiba ya Wananchi (Ukawa), isisahaulike kuwa Lowassa ndiye alikuwa mgombea Urais wa Chadema na Ukawa mwaka jana.
Mwasisi wa CCM, aliyekuwa mmoja wa walioviunganisha vyama vya Tanganyika African National Union (Tanu) na Afro Shiraz Party (ASP) upande wa Zanzibar, Hassan Nassor Moyo, leo hii siyo mwana CCM.
Hivyo basi, CCM na Ukawa unaweza kuhama kirahisi. Ukiona mambo hayaendi sawa au viongozi wa juu huelewani nao, unahamia upande mwingine au hata kuanzisha chama kipya cha siasa.
Aliyekuwa Mwenyekiti wa Simba, aliyeiongoza klabu hiyo kwa mafanikio makubwa, Hassan Dalali ‘Field Marshal’ alipokataliwa kugombea uongozi Simba kwa sababu ya elimu hakuhamia Yanga. Alibaki kuwa mwanachama na shabiki wa klabu hiyo.
Katibu Mkuu wa zamani wa kilichokuwa Chama cha Soka Tanzania (Fat), Michael Wambura, ambaye aliwahi pia kuwa mwenyekiti wa Simba, pamoja na kukataliwa mara nyingi kugombea uongozi wa klabu hiyo, ikiwemo hata kusimamishwa uanachama, bado hajawahi kuhama. Wambura amebaki kuwa shabiki wa Simba, anayeamini katika Simba yake.
Lloyd Nchunga na usumbufu alioupata kutoka kwa wazee wa Yanga na madai ya kuhujumiwa mpaka Yanga ikafungwa mabao 5-0 na Simba, Uwanja wa Taifa, Dar es Salaam mwaka 2012, hasira zake hazikumfanya atimkie Simba.
Huo ndiyo hasa uimara wa Simba na Yanga kama taasisi. Ukimfukuza mwana Simba au Yanga uanachama, ataumia tu huku akisubiri uongozi unaofuata umfungulie, na wakati wote atabaki kuwa shabiki wa timu yake. Ukimfukuza uanachama mwana CCM au Chadema, kesho asubuhi anahamia upande wa pili.
Simba na Yanga zikiamua, zinaweza kuamua nani awe Rais wa Jamhuri ya Muungano wa Tanzania. Haifai kuchanganya soka na siasa za nchi lakini nguvu ya timu hizo ikitumika sawasawa wagombea uongozi wa nchi wangekuwa wanyenyekevu sana kwa Simba na Yanga.
Ni Simba na Yanga zenye uwezo wa kuwafanya watu wenye itikadi za kisiasa, wanaoshambuliana majukwaani, wakumbatiane uwanjani kwa timu yao kushinda mchezo, huku wakitaniana bila chuki kwa wale wanaoshabikia timu tofauti.
Ndani ya Simba kuna wanachama wa vyama vyote vya siasa, vivyo hivyo kwa Yanga. Ndani ya Yanga kuna watu wa dini zote na madhehebu yote, kama ilivyo kwa Simba. Kwa maana hiyo Simba na Yanga ni nyenzo muhimu ambayo inaweza kutumika vizuri kuwaunganisha Watanzania wakati wote, na inaweza kutumika kwa urahisi kutibu majeraha ya mgawanyiko pale yanapotokea.
Uzuri ni kuwa Simba na Yanga ni upinzani usio na chuki. Mashabiki wa Simba na Yanga wanaweza kuingia uwanjani pamoja kisha kugawana majukwaa ya kukaa kwa kufuata mapenzi yao kisha wakaondoka pamoja njia nzima wakiwa wanabishana bila kugombana. Huu ndiyo umaalum wa Simba na Yanga duniani.
Makosa ya waamuzi ndiyo husababisha mitafaruku ya hapa na pale lakini mashabiki wa Simba na Yanga wenyewe huwa hawagombani. Wanabishana na kutaniana. Hawagawanywi njia za kupita kama mahasimu wa timu nyingine duniani.
Ndimi Luqman Maloto
Karibu kijiweni kwetu: www.luqmanmaloto.com
LikeShow more reactions
Comment

Comments

Post a Comment

HABARI ZILIZOSOMWA ZAIDI

Image

MUSTAFA MKULO AFARIKI DUNIA

   *  Bi Julie Mkulo*Anasikitika kutangaza kifo cha mume wake *Bw.Mustafa Mkulo* kilichotokea Leo *04-05-2024*  Katika *hospital ya Muhimbili Dar es salaam* Shughuli zote za mazishi zitakuwa *Msikiti Maamur* *04-05-2024* Maziko yatakuwa jumapili *05-05-2024* Kilosa Morogoro Taarifa zaidi zitatolewa baadae  *Inna lillahi wa inna ilayhi rajioon* Pumzika kwa amani  Mustafa Haidi Mkulo, Waziri wa zamani wa Fedha na Mbunge wa zamani wa Kilosa.
Image

MAKABILA 10 YENYE WANAWAKE WAREMBO TANZANIA

  1. Wahiraki,  Hawa ni wanawake wa jamii ya Wahiraki wa napatikana kaskazini mwa Tanzania wamezagaa mikoa ya manyara ni weupe Wana Umbo zuri wanavutia kwa Macho. 2. Warangi,  Hawa ni wanawake jamii ya Warangi ni wazuri nywele zao ni asili ya waraabu weupe sura nzuri wanapatikana kondoa. 3. Wanyiramba.  Hawa ni warembo Sana sura matata wanapatikana mkoa wa singida kaskazini, usipokua makini utawafananisha na wanyaturu 4. Wamasai,  kabila hili wanawake wazuri sio wengi Sana lakini ukikutana na sampuli Tatu au nne hivi utauza hata boxa kuongezea mahari wamezagaa Sana Arusha 5. Wahaya,  hawa nao ni jamii ya Kanda ya ziwa maumbile Yao Kuna weupe miguu Yao ya bia shape matata wamejaa Sana bukoba. 6. Wanyaturu,  Hawa wanafanana na Wanyiramba wanapatikana singida hasa ikungi na manyoni weupe wanavutia 7. Wapare,  Hii ni jamii ya kabila la Wapare wanapatikana moshi wilaya ya same wako vizuri usicheze kabisa na hili kabila shape nzuri. 8 .Wamakonde,  Hawa wanapatikana kusini mwa Tanzania ni kab
Image

DKT NCHIMBI AWAAHIDI MAKUBWA WANANCHI WA KWELA, RUKWA

  Katibu Mkuu wa Chama Cha Mapinduzi (CCM), Balozi Dkt Emmanuel Nchimbi  akihutubia wananchi waliomsimamisha wakiongozwa na Mbunge la Kwela, Deus Sangu katika Kijiji cha Chombe, mkoani Rukwa  wakimuomba azipatie ufumbuzi kero zao za ukarabati wa shule, Kituo cha Afya n, miundombinu ya barabara na wakulima kupewa kibali cha kuuza mahindi yao nchi ya za jirani. Nchimbi ambaye msafara wake ulikuwa unatokea Sumbawanga Mjini kwenda Songwe,baada ya kusikiliza kilio chao hicho, aliwaagiza mawaziri wanaohusika na kero hizo kufanya jitihada za kuzipatia ufumbuzi ikiwemo Wizara ya Kilimo kutoa vibali vya kuuza mahindi katika nchi jirani na kuwaahidi kuwa mahindi hayo yatanunuliwa na serikali. Aliwasihi wakipewa vibali wasiuze mahindi yote wabakize kwa ajili ya chakula. Dkt. Nchimbi ambaye ameambatana na baadhi ya wajumbe wa Sekretarieti ya Halmashauri Kuu ya CCM (NEC), Katibu wa Itikadi, Uenezi na Mafunzo, Amos Makalla pamoja na Katibu wa Oganaizesheni, Issa Haji Gavu ameanza ziara ya kikazi ya
Image

MAKALLA ASHANGILIWA BUNGENI

Katibu wa Itikadi, Uenezi na Mafunzo, Amos Makalla akitambulishwa bungeni Dodoma Mei 2, 2024.  IMEANDALIWA NA RICHARD MWAIKENDA 0754264203
Image

DK NCHIMBI ATINGA MKOANI KATAVI

Katibu Mkuu wa Chama Cha Mapinduzi (CCM), Balozi  Dk. Emmanuel Nchimbi akilakiwa na Mkuu wa Mkoa wa Katavi, Mwanamvua Mrindoko baada ya kuwasili kwenye Uwanja wa Ndege wa Mpanda mkoani Katavi tayari kuanza ziara ya kikazi katika mikoa 6 nchini. Atafanya ziara katika mikoa mingine ya Rukwa, Songwe, Mbeya, Njombe na Ruvuma ambapo ataimarisha uhai wa chama, kutembelea mabalozi pamoja na kukagua miradi ya maendeleo ikiwa ni utekelezaji wa Ilani ya CCM. Katibu wa Itikadi, Uenezi na Mafunzo wa CCM, Amos Makalla akisalimiana na makada pamoja na wananchi. Balozi Dk. Nchimbi akisalimiana na wananchi baada ya kuwasili Mpanda. Dk. Nchimbi akisalimiana na viongozi na makada wa CCM.  IMEANDALIWA NA RICHARD MWAIKENDA 0754264203
Image

BASHASHA LATAWALA NCHIMBI ALIPOLAKIWA NA CHONGOLO SONGWE

Katibu Mkuu wa Chama Cha Mapinduzi (CCM), Balozi Dkt Emmanuel Nchimbi akilakiwa kwa furaha na aliyekuwa Katibu Mkuu wa chama hicho ambaye hivi sasa ni Mkuu wa Mkoa wa Songwe, Daniel Chongolo wakati wa mapokezi kwenye mkutano wa hadhara mjini Tunduma wakati wa ziara ya kikazi mkoani Songwe Aprili 15, 2024. Dkt. Nchimbi ambaye ameambatana na baadhi ya wajumbe wa Sekretarieti ya Halmashauri Kuu ya CCM (NEC), Katibu wa Itikadi, Uenezi na Mafunzo, Amos Makalla pamoja na Katibu wa Oganaizesheni, Issa Haji Gavu ameanza ziara ya kikazi ya siku kumi katika mikoa ya Katavi, Rukwa, Songwe, Mbeya, Njombe na Ruvuma. Lengo la ziara hiyo ni kuhuisha uhai wa chama, kutatua kero za wananchi, kukagua miradi mbalimbali ya maendeleo ikiwa ni utekelezaji wa Ilani ya chama hicho. Baada ya kumaliza katika mikoa ya Katavi, Rukwa na Songwe, ziara hiyo ya siku 10 yenye mafanikio makubwa, itaendelea kesho katika Mkoa Mbeya na hatimaye katika mikoa ya Njombe na Ruvuma. Chongolo akiwatambulisha viongozi wa mkoa hu
Image

DKT NCHIMBI AKARIBISHWA KIMILA NYUMBANI RUVUMA

Katibu Mkuu wa Chama Cha Mapinduzi (CCM), Dkt Emmanuel Nchimbi akikaribishwa rasmi nyumbani kwao Mkoa wa Ruvuma kwa kufanyiwa kimila na machifu pamoja na wazee wa  jadi alipofika eneo la Mnara wa Kumbukumbu ya Mashujaa wa Vita vya Maji Maji mjini Songea Aprili 20, 2024. Katika ziara hiyo, Dkt. Nchimbi  ameambatana na wajumbe wa Sekretarieti ya Halmashauri Kuu ya CCM (NEC), Katibu wa Itikadi, Uenezi na Mafunzo, Amos Makalla pamoja na Katibu wa Oganaizesheni, Issa Haji Gavu.  Kiongozi huyo mtendaji mkuu wa CCM, atakuwa mkoani Ruvuma ikiwa ni mwendelezo wa ziara ya siku 10 katika mikoa ya Katavi, Rukwa, Songwe, Mbeya, Njombe na Ruvuma. Lengo la ziara hiyo ni kuimarisha uhai wa chama, kutatua kero za wananchi, kuelezea maandalizi ya uchaguzi wa Serikali za Mitaa mwaka huu na Uchaguzi Mkuu mwakani, kukagua miradi mbalimbali ya maendeleo ikiwa ni utekelezaji wa Ilani ya chama hicho. Baada ya kumaliza katika mikoa ya Katavi, Rukwa, Songwe, Mbeya na Njombe, ziara hiyo ya siku 10 yenye mafaniki
Image

DKT NCHIMBI AZURU KABURI LA JOHN KOMBA LITUHI, NYASA

Katibu Mkuu wa Chama Cha Mapinduzi (CCM), Balozi Dkt Emmanuel Nchimbi akiweka shada la maua kwenye kaburi la aliyekuwa Mkurugenzi wa Tanzania One Theatre (TOT) ya CCM,  marehemu Kapteni John Komba alipozuru kaburi hilo katika Kata ya Lituhi, wilayani Nyasa Mkoa wa Ruvuma wakti wa ziara ya kikazi Aprili 21, 2024. Katika tukio hilo aliambatana na Wajumbe wa Sekretarieti ya Halmashauri Kuu ya CCM, Katibu wa Itikadi, Uenezi na Mafunzo, Amos Makalla, Katibu wa Oganaizesheni, Issa Haji Gavu na Katibu wa Idara ya Uchumi na Fedha, Dk Frank Hawasi. Dkt Nchimbi amesema kuwa CCM itaendelea kumuenzi marehemu Dkt Komba kwa mambo mazuri aliyoifanyia chama hicho na kuhakikisha hayapotei. Katibu wa Itikadi, Uenezi na Mafunzo, Amos Makalla akiweka shada la maua kwenye kaburi hilo ikiwa ni ishara ya kumuenzi. Katibu wa Oganaizesheni, Issa Haji Gavu akiweka shada la maua kwenye kaburi la aliyekuwa msanii wa chama hicho na Mkurugenzi wa TOT. Katibu wa Idara ya Uchumi na Fedha, Dkt Frank Hawasi akiweka sha
Image

DKT NCHIMBI AAGIZA UJENZI UWANJA WA NDEGE SUMBAWANGA UKAMILIKE HARAKA

Katibu Mkuu wa Chama Cha Mapinduzi (CCM), Balozi Dkt. Emmanuel Nchimbi (katikati) akiwaongoza viongozi wa chama na serikali kukagua maendeleo ya ujenzi wa Uwanja wa Ndege wa Sumbawanga wakati wa ziara yake mkoani Rukwa Aprili 15, 2024. Dkt Nchimbi ameagiza wakandarasi kukamilisha ujenzi Machi mwakani na kwa ubora unaotakiwa. Ujenzi wa  uwanja huo utakaogharimu  zaidi ya sh. Bil. 60 utakuwa na uwezo wa kuhudumia abiria 150, 000 kwa mwaka na utarahisisha zaidi usafiri kwa wakazi na wageni.  Watu 120 wamepata ajira katika mradi huo ambapo wazawa wamekuwa 114. Dkt. Nchimbi ambaye ameambatana na baadhi ya wajumbe wa Sekretarieti ya Halmashauri Kuu ya CCM (NEC), Katibu wa Itikadi, Uenezi na Mafunzo, Amos Makalla pamoja na Katibu wa Oganaizesheni, Issa Haji Gavu ameanza ziara ya kikazi ya siku kumi katika mikoa ya Katavi, Rukwa, Songwe, Mbeya, Njombe na Ruvuma. Lengo la ziara hiyo ni kuhuisha uhai wa chama, kutatua kero za wananchi, kukagua miradi mbalimbali ya maendeleo ikiwa ni utekelezaji