Changamoto za vurugu na maandamano yasiyo na mpangilio huonekana kama njia ya haraka ya kuishinikiza Serikali, lakini kwa Watanzania wengi—hasa wanaothamini amani—mwelekeo huu umeshathibitishwa kuwa ni mkakati dhaifu, usio na uhalali wa kijamii, na usiokidhi misingi ya uzalendo. Ndiyo maana vurugu za #D9 (09 Desemba, 2025) ziligonga mwamba, na ndicho kitakachofanya jaribio lolote la vurugu siku ya Christmas kushindwa vibaya. Sababu zifuatazo zinaeleza kwa kina:
1. *Kukosa Nia Njema ya “Kuandamana”*
Maandamano ya kweli huongozwa na hoja halali, dhamira ya haki, na uwazi wa madai. #D9 haikuwa na madai yaliyopimwa—ilikuwa ni wito tu wa vurugu bila suluhisho. Licha ya waandaaji kujinasibu kuwa "Maandamano" hayo ni ya Amani lakini ukiingia kwenye vikao vyao vya ndani walikuwa wakipanga kufanya vurugu za kuchoma majengo muhimu ya serikali, Kuharibu miradi ya kimkakati, kuweka vizuizi kwenye mipaka yetu na hata kuwashambulia wale watakaokaa ndani.
Mfano:
Katika nchi nyingi za Afrika Magharibi, maandamano yaliyofanikiwa kama ya Senegal mwaka 2021 yalikuwa na madai yanayoeleweka (mageuzi ya sheria) na walikwenda kwa lengo mahususi bila ya madhara kwa jamii.
2. *Vurugu Siyo Suluhisho*
Historia imeonyesha mara nyingi kuwa vurugu hazibadili mfumo—zinaharibu uchumi, maisha, na mali za wananchi.
Mfano Tanzania:
Vurugu za 29.10.2025 zilisababisha vifo, uharibifu wa vituo vya mafuta, miundombinu ya mwendokasi na hasara kwa wafanyabiashara wadogo. Hakuna changamoto ilitatuliwa; badala yake maisha yaliharibika.
3. *Viongozi wa Vurugu Kutokuwa na Uzalendo Bali Tamaa ya Pesa Kutoka Ulaya na Marekani*
Baadhi ya wanaharakati wamekuwa wakipokea ufadhili wa nje kwa ajenda zinazowavuruga vijana, bila kujali matokeo mabaya kwa Taifa. Baadhi ya Viongozi hao wametajwa waziwazi kupewa pesa na Mashirika ya nje (kwa niaba ya mabeberu) ili waharibu Amani na kuwapa.mwanya wa kuja kupora rasilimali zetu adimu- kwa kutumia vibaraka watakaowaweka baada ya "Mapinduzi." Mfano wa hao ni Mange Kimambi, Rachel Dangwa, Maria Sarungi, Sativa, Nuru Vazi na wengine wengi.
4. *Vijana Wachache Kujikuta Wakikubali Kutumiwa*
Vijana waliotumika katika #D9 walikuwa wachache sana, na wengi hawakuelewa madhara ya kisiasa na kiuchumi kwa familia zao na nchi nzima. Hii inamaanisha kuwa vijana wengi hawana sababu za msingi bali ni tamaa ya pesa wanayoahidiwa kama wangekubali kuandamana.
5. *Watanzania Wengi Wanapenda Amani Zaidi Kuliko Vurugu*
Watanzania wamezoea utamaduni wa utulivu na kuheshimu Serikali iliyo madarakani. Amani imekuwa “utambulisho wa Taifa.”
Mfano:
Takriban kila mkoa ulionyesha utulivu wakati wito wa #D9 ulipotolewa. Makundi ya Vijana, watu wa Bodaboda, Wafanyabiashara na wafanyakazi walihamasishana kupinga na kutoshiriki kwenye vurugu hizo.
6. *Umakini na Ushupavu wa Vyombo vya Ulinzi na Usalama*
Vyombo vya ulinzi vilifanya uchunguzi wa mapema, vikaweka ulinzi wa kimkakati na kuhakikisha wananchi hawaguswi na machafuko. Kwa mfano, Jeshi la polisi lilinasa taarifa na mipango miovu na Msemaji wa jeshi la polisi akaweka hadharani mipango hiyo. Pia, walitumia mbinu za medani kwenye kuhakikisha uovu uliopangwa haufanikiwi.
7. *Uimara wa Serikali ya Tanzania*
Serikali ilitoa taarifa za kutosha, ilisikiliza malalamiko, na ikasimama imara kudhibiti propaganda kupitia taarifa sahihi na hatua halisi.
Mfano:
Hotuba ya Rais aliyoitoa alipokuwa akiongea na taifa kupitia wazee wa mkoa wa Dar es salaam, taarifa za Serikali, na ushirikiano na viongozi wa dini na jamii ulidumisha utulivu.
8. *Huruma ya Mungu kwa Watu wake Wasio na Hatia*
Hata kama wanadamu wanapanga mabaya, ulinzi wa Mungu kwa taifa linalothamini amani hutawala. Tanzania imepitia misukosuko mingi lakini imeendelea kuwa kisiwa cha utulivu. Mwenyezi Mungu Amesikia dua ya waja wake wanaopinga vurugu na Ameamua kuzidi kuwalinda na kuwahifadhi ili wasipate madhara.
9. *Kukosekana kwa Mwelekeo na Umoja Miongoni mwa Wanaharakati*
Wanaharakati wenyewe hawakuwa na kauli moja. Kila mmoja alikuwa na ajenda na ‘sahani’ yake.
Mfano:
Baadhi walitaka maandamano, wengine mapinduzi ya mitandaoni, wengine walikataa kabisa vurugu—hakukuwa na umoja na wengine walishutumiana kuwa wamepewa pesa zaidi kuliko wengine. Ushahidi uko kwenye mazungumzo yao kwenye X space meetings.
10. *Kukosa Mipango Mizuri na Uwezo wa Kuandaa Kitu Kikubwa*
Hakukuwa na maandalizi ya kitaalamu, Mipango inayoeleweka, ramani wala mikakati ya kisayansi. Hii imesababisha vijana hao kupoteana na wengine kutafutana bila ya kujua wanakutana wapi na vipi! Vituo vingi vya kukutania na kuelekea vilitolewa usiku wa tarehe 8.12.2025 wakati wengi wakiwa hawajui kinachoendelea.
11. *Uzalendo wa vijana wa Kazi* ๐๐คฃ
Kuna kundi kubwa saaana la vijana ambao hawakulala kuhakikisha kuwa Vurugu hizi hazifanikiwi. Vijana hao WAZALENDO; kama TANZANIA KWANZA na wengine wamekuwa wakitumia mbinu za Medani na kisayansi katika kuchunguza, kufuatilia mienendo ya wanaharakati na kuvuruga mipango yao.
Pia, vijana hao wenye Uzalendo usio na shaka wametumika kuujulisha uma kila kinachoendelea kwa siri kwa upande wa waovu hao. Wazalendo hao wamefanya mengi na wanaendelea kuyafanya mengi kuhakikisha kuwa Wanaharakati Uchwara wanasambaratika na kupoteana kabisaaaa ๐คฃ๐๐คฃ. HESHIMA KUBWA KWA HAWA VIJANA AMBAO HAPA SITAKI KUWATAJA.
HITIMISHO
Vurugu za #D9 ziligonga mwamba kwa sababu hazikuwa na msingi, hazikuwa halali, hazikubaliki kijamii, na zilipangwa vibaya. Vivyo hivyo, jaribio lolote la vurugu siku ya Christmas halitafanikiwa kamwe, kwa sababu Watanzania wamechoka na machafuko, wanataka maendeleo, ajira, ustawi, na amani.
*Amani ni urithi wetu — na hakuna nguvu itakayoivunja.*
✍๐ป✍๐ป✍๐ป✍๐ป✍๐ป✍๐ป✍๐ป
Na: MRISHO MBWEMBWE
+25565794249695
______________________
Comments