on


SIKU YA MIGOMBA DUNIANI-KAGERA 


Mkuuu wa mkoa wa Kagera Mheshimiwa Massawe akisikiliza maelezo kutoka kwa Wataalam wa migomba kwenye shamba la migomba la Mubuhenge Mugoma Wilayani Ngara
Hizo ni ndizi aina ya PHIA unaweza kujionea zinavyostawi katika Mkoa wa Kagera
Mhe. Massawe Akitembelea mabanda kujionea wajasiliamali wanavyonufaika na zao la ndizi kwa kutengeneza bidhaa mbalimbali zinazotokana na ndizi. Chanzo; Bukoba Wadau Blog

MKOA WA KAGERA WAANZISHA SIKU YA MIGOMBA DUNIANI BAADA YA MIAKA 750 TANGU ZAO LA MGOMBA KUWEPO DUNIANI

Mkoa wa Kagera waasisi siku ya migomba duniani tangu zao la mgomba kuwepo hapa duniani zaidi miaka 750 iliyopita. Siku hiyo ya migomba duniani imeadhimishwa kwa mara ya kwanza katika mkoa wa Kagera Kijiji cha Rusumo na Kata ya Rusumo Tarafa ya Nyamiaga Wilayani Ngara tarehe 19/4/2012 na kuhudhuriwa na wakulima wa ndizi kutoka mkoa mzima wa Kagera na Wilaya ya Kibondo Mkoani Kigoma.

Mgeni rasmi siku hiyo ya Migomba duniani alikuwa Mhe.Kanali Mstaafu Fabian I. Masswe pia nchi wafadhili wa kilimo cha migomba ya kisasa Ubelgiji iliwakilishwa na Prof. Swinenon ambaye ndiye mvumbuzi wa migomba ya kisasa ya PHIA ambayo kwasasa inastawi vizuri Mkoani Kagera na Wilayani Kibondo Mkoani Kigoma.

Mratibu wa mradi wa migomba Kagera Mugenzi Byachwezi aliwashukuru serikali ya Ubelgiji inayoongozwa na mfalme kwa kufadhili mradi wa migomba Kagera kwa zaidi ya bilioni 120 fedha za Tanzania tangu mradi ulipoanza mwaka 2009 mpaka sasa.

Aidha Bw. Byabachwezi aliiomba serikali ya ubelgiji kuendelea kufadhili mradi huo baada ya muda wa mradi kumalizika mwaka 2013 ili kumalizia baadhi ya vipengere vya mradi ambavyo vitakuwa havijakamilika kwa muda huo, mfano; kuanzisha kituo cha taarifa mbalimbali za kilimo cha mgomba mkoani Kagera.

Mgeni rasmi Mkuu wa Mkoa wa Kagera Mhe. Massawe katika hotuba yake aliwaomba mradi
wa migomba kuanza kusistiza zaidi uzalishaji wa ndizi kwa wakulima lakini pia na kuendelea kusambaza mbegu bora za migomba. Pia kuendeleza kutoa elimu juu ugonjwa wa migomba uitwao unyanjano unaoishambulia migomba na bado haujapata dawa.

Pia Mhe. Massawe aliwasistiza wananchi kuendeleza kilimo cha ndizi na kuzalisha ndizi kwa wingi kwa ajil ya chakula na biashara na kuacha kilimo cha kuchumia tumbo. Aidha aliwahakikishia wakulima kuwa serikali inafanya juhudi za kutafuta masoko kutoka sehemu mbalimbali duniani ili zao la ndizi lipate bei nzuri itayomkombao mkulima.

Mwisho Mhe. Massawe aliishukuru serikali ya Ubelgiji kuuona mkoa wa Kagera na kuupa
ufadhili katika kilimo cha migomba ili kuinua kipato cha wananchi wake. Pia aliwashukuru viongozi wa mradi wa migomba Kagera kumkaribisha kuwa mgeni rasmi na yeye kuwa muasisi wa siku ya migomba duniani, “Nimevunja rekodi ya dunia na rekodi yangu mwenyewe kwa kuasisi siku ya migomba duniani.” Alimalizia Mhe. Massawe.

Siku hiyo ya migomba Duniania iliambatana na kutembelea mashamba ya kuzalisha mbegu na kusambaza, pia mshamba ya kuzalisha ndizi Wilayani Ngara. Aidha wakulima kutoka kila wilaya katika mkoa wa Kagera waliweza kuonyesha bidhaa mbalimbali zinazotokania na zao la ndizi. Pia wakulima na wajasiliamali walipewa elimu juu ya kudhibiti ugonjwa wa unyanjano katika mashamba yao ya ndizi.

Na: Sylvester Raphael,
Afisa Habari Mkoa,
KAGERA

Comments

Post a Comment

HABARI ZILIZOSOMWA ZAIDI

Image

WAZIRI BASHE APIGA MARUFUKU WASIOSOMEA KILIMO KUUZA PEMBEJEO

WAZIRI wa Kilimo, Hussein Bashe amepiga marufuku wasiosomea masuala ya Kilimo kuuza pembejeo. Amesema kuwa masharti ya muuza pembejeo lazima awe amesomea Kilimo kwa ngazi ya cheti, diploma na Digrii. Ameyasema hayo alipokuwa anazungumza na wadau wa mbegu katika mkutano uliofanyika jijini Dodoma. "Haiwezekani wanaowashauri na kuwauzia mbegu wakulima wasiwe na utalaamu wa sekta hiyo, mbona wanaogawa dawa na kutibu wagonjwa wamesomea ufamasia, uuguzi na udaktari, kwa nini isiwe kwenye Kilimo? Amehoji Waziri Bashe. Amewapa kipindi cha mpito cha mwaka mmoja wauzaji kwenda kusomea Kilimo ili waruhusiwe kisheria kuuza Pembejeo na kwamba baada ya hapo sheria itafuata mkondo wake kwa kukagua maduka yote ya pembejeo na kuwakamata watakaobainika.
Image

BREAKING: CAF YAIPOKONYA KENYA KUANDAA CHAN

 Shirikisho Soka barani Afrika CAF limetoa taarifa kuwa taifa la Kenya 🇰🇪 limeshindwa kukidhi vigezo vya kuwa mmoja wa mataifa yatakayoandaa mashindano ya CHAN mwakani 2025 mara baada ya kushindwa kukidhi vigezo vya kuwa mwenyeji wa mashindano hayo. Viwanja vyote vilivyopo Kenya havina ubora wa kutumika katika michezo ya FIFA Wala CAF Kwa mujibu wa wakaguzi wa CAF na hata uwanja wa Kasarani unaojengwa pia imeonekana kuwa hautakamilika Kwa wakati.  Nafasi hiyo wamepatiwa Rwanda 🇷🇼 mara baada ya kuonekana wao wamekidhi vigezo vya kuwa wenyeji wa CHAN. CHAN2025 itachezwa katika mataifa matatu ambayo ni Rwanda 🇷🇼, Tanzania 🇹🇿 pamoja na Uganda 🇺🇬. Uwanja wa Karasani unaoendelea kujengwa.
Image
 MAKOSA 10 UNAYOPASWA KUEPUKA KATIKA MAHUSIANO MAPYA...  Kuanzisha uhusiano mpya kunaweza kusisimua, lakini ni rahisi kufanya makosa katika mchakato mpya wa mahusiano. Hapa kuna makosa kadhaa muhimu ya kuepukwa:  1. MAMBO YA KUHARAKISHA:  Haraka haraka kunaweza kusababisha wasiwasi na kunaweza kusababisha kutoelewana. Chukua muda wa kufahamiana kikweli kabla ya kuzama ndani ya Mahusiano.  2. KUPUUZA ALAMA ISHARA:  Ni rahisi kupuuza ishara za tahadhari mapema, lakini kuzipuuza kunaweza kusababisha matatizo makubwa zaidi. Amini silika yako na ushughulikie dalili zinapianz kujitokeza.  3. KUTOKUWASILIANA VYA KUTOSHA:  Mawasiliano ni muhimu katika uhusiano wowote. Epuka kudhani mwenzako anajua unachofikiria au kuhisi. Kuwa wazi na mwaminifu kuhusu mawazo na mahitaji yako.  4. KUWA MTEGEMEZI KUPITA KIASI:  Ingawa ni kawaida kutegemeana, kutegemeana kupita kiasi na mpenzi wako kwa msaada wa kihisia, kifedha, au aina nyinginezo kunaweza...
Image

NILIYOYABAINI KATIKA TRENI YA SGR DAR ,MORO HADI DODOMA … KADOGOSA REKEBISHENI MAMBO HAYA MTANIKUMBUKA

Nikiwa ndani ya treni hiyo ya SGR.                                                       KWANZA kabisa napenda kuipongeza Serikali ya Awamu ya Sita chini ya uongozi mahiri wa Rais Dk.Samia Suluhu Hassan kwa kazi kubwa ya ujenzi wa treni ya kisasa ya umeme maarufu SGR ambayo imeanza kufanya kazi mwaka jana wa 2024, hivyo kurahisisha usafiri kati ya Dar es Salaam- Morogoro na Dodoma.   Usafiri huo wa SGR umepokelewa na wananchi kwa mikono miwili, kwani kila siku tangu uanze umekuwa ukijaa abiria wanaoenda maeneo mbalimbali ya nchi. Ukipanda SGR kuna raha yake; haichoshi kutokana na muda mchache inaotumia, ina usalama zaidi tofauti na usafiri wa barabara, haina mitikisiko, huduma safi ya vinywaji na vitafunwa, huduma ya choo, luninga bila kusahau kiyoyozi na kusikia sauti nyororo ya Binti ikitangaza kila kituo cha kupanda na kushuka pamoja na huduma zi...