WAZIRI MKUU, AIPONGEZA NMB, IKIFUTURISHA WATEJA NA WATOTO YATIMA DAR

on

SERIKALI Imeipongeza Benki ya NMB kwa kuwatambua, kuwajali na kuwathamini Watoto Yatima na Wanaoishi Kwenye Mazingira Magumu kwa namna inavyojitoa kuwafikia, kuona mahitaji na changamoto zao na kushiriki kuzipatia ufumbuzi, kitendo kinachoakisi upendo wa taasisi hiyo kwa wateja wao ambao ndio wazazi na walezi wa watoto hao.

 

Pongezi hizo zimetolewa na Waziri Mkuu wa Jamhuri ya Muungano wa Tanzania, Kassim Majaliwa, wakati wa hafla ya futari iliyofanyika jijini Dar es Salaam, Jumatano ya Machi 5, ambako NMB iliwakutanisha pamoja na kuwafuturisha Wateja wao, Viongozi wa Serikali, Viongozi wa Dini na Watoto Yatima na Wanaoishi kwenye Mazingira Magumu.

 

Katika hafla hiyo, Afisa Mtendaji Mkuu (CEO) wa NMB, Bi. Ruth Zaipuna, alimkabidhi Waziri Mkuu Majaliwa msaada wa vyakula mbalimbali vitakavyotumika kama futari kwa watoto zaidi ya 239 wanaolelewa na Vituo vya TUYATA (cha Magomeni Mikumi) na Hiyari (cha Mbagala Zakhiem), huku akiweka ahadi ya benki yake kuwahudumia watoto katika kipindi chote cha Ramadhan.

 

Akizungumza na waalikwa wa hafla hiyo, wakiwemo watoto zaidi ya 100 waliohudhuria, Waziri Mkuu Majaliwa alisema Serikali imekuwa ikipokea ripoti za mwenendo wa uendeshaji wa maisha ya watoto Yatima kutoka vituo mbalimbali nchini, zinazoonesha uwepo wa changamoto kubwa za kimahitaji, na kwamba NMB inajaribu kuhimiza jamii kuyajali wenye uhitaji.

 

“Tunaishukuru na kuipongeza Benki ya NMB kwa kutuandalia tukio hili kubwa, lenye kheir na baraka, lililotukutanisha na kufuturu pamoja na Watoto Yatima na Wanaoishi Mazingira Magumu, kitendo hiki ni jambo la kheir, ambalo Mwenyezi Mungu amelihimiza sana kwenye vitabu vyake, pongezi zetu pia kwa walezi wa vituo vya watoto hawa kote nchini.

 

“Leo hii NMB inapotukutanisha hapa na vijana hawa, maana yake inatuhimiza sisi wengine kuungana na benki hiyo katika kuwatambua watoto hawa, kuona mahitaji yao na kushiriki pamoja katika kuwahudumia, kwani kutoa ni moyo sio utajiri, na kwa maana hiyo chochote ulichonacho waweza kwenda kutoa katika vituo mbalimbali.

 

“Mlichofanya NMB ni alama ya upendo mlionao kwetu sisi wateja wenu, ambao hawa ni watoto wetu. Pamoja na kwamba tumefungua akaunti kwenye benki yenu, si kwamba tuna uwezo mkubwa, lakini nyie kwa kujali utendaji kazi wenu pamoja na sisi, mmeamua kutumia sehemu ya faida mnayopata, kutambua na kutoa mchango wenu kwa jamii ya wenye uhitaji,” alisema Majaliwa.

 

Aliongeza ya kwamba NMB imekuwa mfano miongoni mwa taasisi za fedha ambao kila mwaka wanaandaa hafla kama hizo za futari na kuwaalika watoto wadogo Yatima na Wanaoishi Mazingira Magumu kushiriki na baada ya futari na mfungo kumalizika, inawatembelea watoto hawa kwenye maeneo yao kuwauliza shida zao na matamanio yao.

 

“Leo mnapoungana na wenye vituo hivi kutoa huduma kwa watoto hawa, basi mujue pia kwamba mnaisiadia pakubwa Serikali  katika kuhudumia jamii ya wenye uhitaji, kwa hiyo tuwashukuru kwa kuunga mkono jitihada zetu katika kutoa huduma kwa watu wetu. Kwahiyo NMB endeleeni, mambo makubwa mnayoyafanya, tunayaona,” alibainisha Waziri Mkuu.

 

Kwa upande wake, Bi. Zaipuna alisema imekuwa ni desturi ya NMB kuandaa futari katika kipindi hiki cha Mwezi Mtukufu wa Ramadhan, ambako huwaalika wateja, viongozi wa dini na wadau wengine mbalimbali, kuendelea kudumisha ukaribu na kustawisha mahusiano mazuri yaliyopo kati ya benki yake, wateja wao na jamii kwa ujumla.

 

“Na hakika leo imekuwa ni faraja kubwa kwetu kujumuika na viongozi mbalimbali, wateja wetu wanaotoka hapa Dar es Salaam, na bila kusahau Watoto Yatima na Wanaoishi Kwenye Mazingira Magumu, na huu ni uthibitisho wa dhati wa kaulimbiu yetu ya NMB – Karibu Yako, kwani hata katika nyakati hizi za Kiimani bado benki tunakuwa pamoja na wateja wetu.

 

“Tutumie mwezi huu kutafakari mazuri yote ambayo Mungu ametujalia na kuendelea kuwa watu wema, wenye kufanya matendo mema katika kipindi hiki cha Ramadhan na hata baada ya mfungo, ambacho ni wakati mzuri kwetu sote kutafakari juu ya maadili yanayotuunganisha binadamu wote - upendo kwa familia zetu, shukrani kwa Mwenyezi Mungu, toba na Ibada Endelevu,” alisema.

 

“Kwa miaka iliyopita, NMB ilikuwa ikishiriki futari pamoja na watoto wanaotoka kwenye mazingira magumu, iko hivyo pia leo tukiwa tumejumuika pamoja na watoto kutoka vituo vya Tuwalee Yatima Tanzania (TUYATA) cha Magomeni Mikumi na Kituo cha Hiyari kutoka Mbagala Zakheim hapa jijini Dar es Salaam,” aliongeza Bi. Zaipuna.

 

Alibainisha ya kuwa NMB inaamini kwamba kujumuika na vijana hao ni fursa ya Watoto pia kujifunza na kuendelea kuhamasika katika kutenda mema na kuwa wakarimu kwa watu wengine na kuongeza: “Baada ya futari hii ya leo, NMB tunaahidi kuvisaidia vituo hivi viwili katika kipindi chote cha Mwezi huu mtukufu wa Ramadhan,” alisisitiza.

 

Naye Mwenyekiti wa Bodi ya Wakurugenzi ya NMB, CPA David Nchimbi, alimshukuru Waziri Mkuu kwa kutenga muda wa kuhudhuria hafla hiyo, kama walivyofanya viongozi mbalimbali wa Serikali, viongozi wa dini, wateja wao wengine pamoja na watoto kutoka vituo vya TUYATA na Hiyari vya Dar es Salaam.

 

“Uwepo wenu ndo mafanikio makubwa ya futari hii na ndio ishara ya umoja na ukaribu wetu kama Benki ya NMB, Serikali, jamii inayotuzunguka pamoja na taasisi mbalimbali. Kupitia hafla hii, na Mwezi Mtukufu wa Ramadhan kwa ujumla, tunapata wasaa wa kufanya tafakari juu ya huruma, ukarimu na utu mwema,” alisisitiza CPA Nchimbi.

 

CPA Nchimbi alinukuu moja ya Hadithi za Mtume Muhammad (S.A.W), kutoka kwa Abu Hurayrah (Radhwiya Allahu Anhu), anayosema: ‘Wakati mwezi wa Ramadhan unapofika, milango ya Pepo inafunguliwa, milango ya Moto inafungwa, na mashetani hufungwa minyororo,’ na kusema: 

 

“Hivyo, Mwezi Mtukufu wa Ramadhani ni wakati mzuri wa kufanya tafakari juu ya ukuaji wa kiroho, na kujiandaa upya kwa ajili ya mabadiliko chanya. Tutumie fursa hii kutafakari majukumu yetu binafsi na ya pamoja katika kujenga jamii yenye amani na umoja. Tuendelee kuhimiza amani, uelewano na ushirikiano katika maisha yetu ya kila siku.”

Waziri Mkuu Majaliwa (kulia) akiongea na baadhi ya watoto yatima.
Baadhi ya wateja wa NMB na Watoto yatima wakiwa katika hafla hiyo
Majaliwa akizungumza wakati hafla ya futari hiyo.


Ofisa Mtendaji Mkuu wa NMB, Ruth Zaipuna akizungumza wakati wa hafla hiyo ya futari.

Comments

Post a Comment

HABARI ZILIZOSOMWA ZAIDI

Image

RAIS TRUMP ARARUANA NA RAIS WA UKRAINE

 Rais wa marekani Donald Trump amekutana  na Rais wa Ukraine ndugu Volodymyr Zelenskiy pale  White House jijini Washington, D.C., February 28, 2025.  Mkutano wa Ikulu ya White House kati ya Rais wa Marekani Donald Trump na Rais wa Ukraine Volodymyr Zelenskyy uliolenga kupata makubaliano ambayo yangeruhusu Marekani kupata haki adimu za madini ya Ukrain uligeuka kuwa mechi ya kelele kati ya viongozi hao wawili huku Trump akimtishia Zelenskyy kwa "Utafanya makubaliano au tunatoka."   Katika taarifa yake kwenye mitandao ya kijamii kufuatia mkutano huo, Trump alionyesha kuwa makubaliano hayo yamezimwa.   "Nimeamua kuwa Rais Zelenskyy hayuko tayari kwa Amani ikiwa Amerika itahusika, kwa sababu anahisi kuhusika kwetu kunampa faida kubwa katika mazungumzo," Trump aliandika. Zelenskiy na Trump wamesuguana kwa hoja na vioja baada ya Zelenskiy kumshutumu Trump kuwa amekuwa laini mno kwa rais wa Russia Vladimir Putin huku Trump akimshutumu zelenskiy kuwa hana...
Image

SERIKALI YALIKUBALI OMBI LA DIAMOND

SERIKALI imesema itajenga Arena yenye uwezo wa kuingiza zaidi ya watu 15,000 katika eneo la Kawe Dar es Salaam. Kauli hiyo inakuja baada ya msanii wa muziki wa kizazi kipya Nassibu Abdul ‘Diamond Platnumz’ kumuomba Rais Samia Suluhu Hassan kuharakisha ujenzi wa Arena ili wasanii wapate ukumbi wa kufanya shughuli zao. Akizungumza na waandishi wa habari Dar es Salaam leo, Katibu Mkuu wa Wizara ya Habari, Utamaduni, Sanaa na Michezo Gerson Msigwa amesema baada ya Rais Samia kufanya ziara Korea, amepata mkopo wa masharti nafuu wa Dola bilioni 2.5. Advertisement “Kati ya fedha hizo ameamua kukata Sh bilioni 450 kwa ajili ya kuzileta Wizara ya Habari, Utamaduni, Sanaa na Michezo kujenga Arena kwanza halafu itafuatia kijiji cha filamu,”amesema. Amesema fedha zitakapotoka Korea na kufika kwao wataanza ujenzi wa Arena mara moja ili uwanja huo uanze kutumika kwa ajili ya shughuli za michezo na burudani. “Arena inakuja, ndugu zangu wasanii tumshukuru sana Rais Samia, hili jambo lilikuwa linamu...
Image

ARAJIGA AULA KOMBE LA DUNIA

  WAAMUZI wa Tanzania Ahmed Arajiga, Kassim Mpanga, Said Hamdani na Salum Nasir wameteuliwa na na Shirikisho la soka Duniani (FIFA) kuchezesha mchezo wa Kundi G wa kuwania kufuzu Kombe la Dunia 2026 kati ya wenyeji Botswana dhidi ya Algeria utakaopigwa Mjini Francistown Nchini Botswana Machi 21, 2025. Algeria na Msumbiji wapo kileleni mwa Kundi G wakiwa na pointi 9 kila mmoja wakifuatiwa na Botswana, Guinea, na Uganda wenye pointi 6 kila mmoja huku Somalia ikiburuza mkia bila pointi yoyote
Image

MAMBO 8 MWANAMKE HUFANYA KWA MWANAUME ANAYEMPENDA

  1. Utii. Mwanamke akikupenda atakutii katika mambo yote ambayo ni halali. Hii ni Ishara kuu. Tofauti na hapo Hakupendi. 2. Kuwasiliana Kila muda atakuwa anawasiliana na wewe. Haiwezi kupita siku bila kuwasiliana nawe. Tofauti na hapo Hakupendi. 3. Huacha Tabia Mbaya Anabadilisha tabia zake mbaya zinazokuudhi. Hawezi kurudia kosa moja kila siku. Tofauti na hapo hakupendi 4. Ana anza kukuiga.  Kama unapenda jambo fulani nae ataanza kulipenda. Mf kama unapenda Timu ya Simba naye ataanza kuipenda. Tofauti na hapo Hakupendi. 5. Kuonana Nawe Siku zote atapata njia ya kukutana nawe hata iweje. Ukiona anakupa visingizio na visababu sijui nauli hana, jua hakupendi. 6. Anakuombea.  Mwanamke anayekupenda atakuombea ili mambo yako yanyooke. Tofauti na hapo ujue hakupendi, akuombee ili iweje 7. Anakuonea Wivu.  Anajisikia wivu akikuona upo au unachat na wanawake wengine. Hawezi kabisa na lazima akwambie. Tofauti na hapo Hakupendi. 8. Kukupa Zawadi. Sio kwamba Wanawake hawana pe...