KAMATI YA BUNGE YAPONGEZA USIMAMIZI WA UKUTA WA MIRERANI, YATAKA UTAFITI ZAIDI WA MADINI

on


NA MWANDISHI WETU, MANYARA

KAMATI ya Kudumu ya Bunge ya Nishati na Madini imeipongeza Wizara ya Madini kwa usimamizi mzuri wa shughuli za uchimbaji wa madini ndani ya Ukuta wa Mirerani, Wilaya ya Simanjiro, mkoani Manyara, huku ikitaka kuimarishwa kwa tafiti za madini ili kuongeza fursa za uwekezaji, ajira na manufaa ya rasilimali hizo kwa wananchi.


Akizungumza leo, Oktoba 24, 2026, baada ya kukamilika kwa ziara ya Kamati hiyo katika eneo la Ukuta wa Mirerani, Mwenyekiti wa Kamati hiyo, Subira Mgalu, amesema wananchi wameendelea kunufaika na mnyororo wa thamani wa madini kupitia shughuli za uchimbaji, uongezaji thamani, biashara ya madini na utoaji wa huduma mbalimbali kwa wadau wa sekta hiyo.


Katika ziara hiyo, Kamati pia imetembelea migodi ya madini ya Franone Mining and Gem Co. Ltd na Chusa Mining Co. Limited, pamoja na Kituo cha Biashara ya Madini ya Tanzanite, kwa lengo la kujionea shughuli za uchimbaji, biashara na uongezaji thamani wa madini, pamoja na kutathmini hatua zinazochukuliwa kuimarisha usimamizi wa rasilimali hizo.

Mgalu ameitaka Wizara ya Madini, kupitia Taasisi ya Jiolojia na Utafiti wa Madini Tanzania (GST), kuimarisha tafiti katika maeneo mbalimbali yenye rasilimali za madini na kutangaza fursa zilizopo ili kuvutia uwekezaji zaidi katika sekta hiyo.


Amesema hatua hiyo itasaidia kuwawezesha wachimbaji wadogo kukuza shughuli zao na kuingia katika uchimbaji wa kati na mkubwa, kuongeza uzalishaji na ajira, pamoja na kuimarisha mchango wa sekta ya madini katika ukuaji wa uchumi wa taifa.


“Tunataka siku za usoni kuzalisha mabilionea katika Sekta ya Madini kutoka miongoni mwa wachimbaji wadogo, ambao watakuwa wachimbaji wa kati na wakubwa, na hivyo kuzalisha ajira zaidi na kuongeza mchango wa sekta hii katika ukuaji wa uchumi wa nchi,” amesisitiza Mhe. Mgalu.


Kwa upande wake, Naibu Waziri wa Madini, Mhe. Dkt. Steven Kiruswa, amesema Serikali kupitia Wizara ya Madini imetenga fedha kwa ajili ya utafiti wa madini, hatua inayolenga kuwawezesha wachimbaji wadogo kuendesha shughuli zao kwa uhakika zaidi na kuvutia wawekezaji kutoka ndani na nje ya nchi.


Katika hatua nyingine, wadau wa madini katika eneo la Mirerani wameipongeza Serikali kupitia Wizara ya Madini kwa juhudi za kutatua changamoto zinazowakabili katika shughuli zao za kila siku.


Mwenyekiti wa Chama cha Wachimbaji Madini Mkoa wa Manyara, Tawi la Mirerani, Samwel Rugemalila, ameishukuru Serikali kwa hatua mbalimbali zinazochukuliwa kuboresha sekta hiyo. 


Hata hivyo, ameiomba Serikali kuendelea kuboresha huduma muhimu, ikiwemo upatikanaji wa umeme na maji, ili kuongeza ufanisi na uzalishaji katika shughuli za uchimbaji.


Naye Mwenyekiti wa Wafanyabiashara wa Madini ndani ya Ukuta wa Mirerani, Magreth Nelson, ameishukuru Serikali kwa kurejesha mnada wa madini, akisema hatua hiyo imewawezesha wafanyabiashara kuuza madini yao kwa uwazi na katika mazingira ya ushindani wa bei.


Akielezea hali ya uzalishaji wa madini ya Tanzanite, Ofisa Madini Mkazi wa Mkoa wa Kimadini wa Mirerani, George Kaseza, amesema kuwa katika robo ya kwanza ya mwaka wa fedha 2026/2027, kuanzia Julai hadi Septemba 2026, jumla ya gramu 274,634.32 za Tanzanite zilizalishwa, zikiwa na thamani ya shilingi bilioni 3.23. Aidha, uzalishaji wa Tanzanite Beads ulikuwa gramu 8,622,049.36 zenye thamani ya shilingi milioni 95.83, huku Tanzanite Clive ikiwa na uzito wa gramu 20,562.35 na thamani ya shilingi milioni 16.73.


Amesema Serikali imeendelea kuimarisha ukaguzi na udhibiti wa utoroshaji wa Tanzanite kupitia hatua mbalimbali, ikiwemo kuanzishwa kwa Cheti cha Uasilia wa Madini ya Tanzanite mwaka 2010, ujenzi wa Ukuta wa Mirerani uliokamilika Aprili 2018 na kuanzishwa kwa Soko la Madini Mirerani mwaka 2021. Aidha, eneo hilo lina kamera za usalama (CCTV) 310 na taa 573, huku mwaka 2026 Serikali ikiagiza kofia ngumu 12 zenye kamera kwa ajili ya wadhibiti wa madini chini ya migodi. Kamera hizo husaidia kurekodi hatua za uzalishaji hadi madini yanapofungiwa lakiri ya Serikali na kufikishwa juu ya ardhi, hatua inayolenga kuongeza uwazi na kuzuia utoroshaji.


Kuhusu biashara ya Tanzanite, Kaseza amesema katika mwaka wa fedha 2025/2026, mnada wa wafanyabiashara wadogo uliofanyika Mei 15, 2026, uliwezesha kuuzwa kwa gramu 2,809.31 za Tanzanite zenye thamani ya shilingi 271,270,100, huku mnada wa wafanyabiashara wakubwa uliofanyika Mei 21, 2026, ukiwezesha kuuzwa kwa gramu 10,174.92 zenye thamani ya shilingi 721,750,000. Minada hiyo inaendeshwa na Tume ya Madini kwa kushirikiana na Soko la Bidhaa Tanzania (TMX), kupitia mfumo wa mauzo ya kielektroniki. 


Ameongeza kuwa, kutokana na mwenendo wa uzalishaji, mnada wa majaribio wa kimataifa unatarajiwa kufanyika Dubai wiki ya kwanza ya Novemba 2026, huku minada ya ndani ikipangwa kuendelea Desemba 2026, Januari 2027 na Mei 2027.


Ziara hiyo imelenga kujifunza na kutathmini shughuli za uchimbaji, biashara na uongezaji thamani wa madini zinazofanyika ndani ya Ukuta wa Mirerani.


Katika ziara hiyo, Kamati iliambatana na Naibu Waziri wa Madini, Dkt. Steven Kiruswa, Kamishna wa Madini, Dkt. Abdulrahman Mwanga, pamoja na viongozi na watendaji kutoka Tume ya Madini, Ofisi ya Mkuu wa Mkoa wa Manyara, Wilaya ya Simanjiro, Halmashauri na madiwani.


Hatua za kuimarisha tafiti za madini, kuboresha huduma za msingi, kudhibiti utoroshaji na kuongeza fursa za uwekezaji zinatarajiwa kuchangia ukuaji wa shughuli za uchimbaji, kuongeza ajira na kuhakikisha wananchi wananufaika zaidi na rasilimali za madini nchini.




Comments

Post a Comment

HABARI ZILIZOSOMWA ZAIDI

Image
𝗠𝗮𝗸𝗮𝗯𝗶𝗹𝗮 10 𝗮𝗺𝗯𝗮𝘆𝗼 𝘂𝗸𝗶𝗸𝗮𝗮 𝗸𝗮𝗿𝗶𝗯𝘂 𝗻𝗮𝗼, 𝗸𝘂𝘁𝗼𝗯𝗼𝗮 𝗸𝘂𝗻𝗮𝘄𝗲𝘇𝗮 𝗸𝘂𝘄𝗮 𝗿𝗮𝗵𝗶𝘀𝗶 𝘇𝗮𝗶𝗱𝗶 ⚠️ Kumbuka: Haya ni maoni na mitazamo ya kijamii tu, si kwamba kabila fulani lina mafanikio kuliko lingine. Mafanikio yanategemea juhudi, elimu, nidhamu na fursa. 1. Wasukuma Wana sifa ya kufanya kazi kwa bidii, hasa kwenye kilimo, ufugaji na biashara. Wengi huaminika kuwa wavumilivu katika kutafuta maendeleo. 2. Wachagga Hujulikana kwa moyo wa biashara, uwekezaji na kusaidiana kifamilia katika shughuli za maendeleo. 3. Wahaya Wana historia ndefu ya biashara, elimu na shughuli za uzalishaji zinazochochea maendeleo. 4. Wanyakyusa Wengi wanasifiwa kwa bidii katika biashara, kilimo na uwekezaji wa muda mrefu. 5. Wakinga Hujulikana kwa uchapakazi, nidhamu na uthubutu wa kutafuta fursa sehemu mbalimbali za nchi. 6. Waha Wana sifa ya kujituma katika biashara na shughuli mbalimbali za kiuchumi. 7. Wapare Mara nyingi husifiwa kwa kuthamini elimu, kazi na mipango y...
 Makundi maalumu 27,946 yamesajiliwa kwenye m fumo wa NeST na ku pata zabuni zenye jumla ya thamani ya Shilingi Bilioni 56 , kupitia Mfumo huo. makundi ya vijana ni 13, 317 wanawake 13,400 , wazee 643 na watu wenye ulemavu 586. Hayo yemebainishwa na Mkurugenzi Mkuu wa Mamlaka ya Udhibiti wa Ununuzi wa Umma (PPRA), Dennis Simba wakati wa mkutano na vyombo vya habari kwenye ukumbi wa Idara ya Habari MAELEZO, katika Mji wa Serikali wa Mtumba jijini Dodoma, Agosti 20, 2026.         Sheria ya Ununuzi wa Umma, imezielekeza taasisi zote za umma kutenga asilimia 30 ya bajeti zao za ununuzi kwa ajili ya makundi maalum (vijana, wanawake, wazee na watu wenye ulemavu).   Lengo la PPRA, kwa kuzingatia malengo ya Dira ya Taifa ya Maendeleo 2050, ni kuwa na takribani makundi 300,000 yaliyo tayari kuomba zabuni. Hatua hii ni sehemu ya jitihada za Serikali kutoa ajira na kazi kwa Watanzania ambao hawana uwezo wa kuwa na kampuni, ambao wanaweza kujiunga k...
Image
MBUNGE DEO MWANYIKA AFANYA ZIARA YA KIKAZI KATA YA MJI MWEMA, AKAGUA MIRADI NA KUSIKILIZA KERO ZA WANANCHI Mbunge wa Jimbo la Njombe, Mhe. Deo Mwanyika, jana tarehe 3 Agosti 2026, alifanya ziara ya kikazi katika Kata ya Mji Mwema kwa lengo la kukagua utekelezaji wa miradi mbalimbali ya maendeleo, kuzungumza na wananchi pamoja na kusikiliza changamoto zinazowakabili. Katika ziara hiyo, Mhe. Mwanyika alikagua Daraja la Kifung’a, lililopo katika barabara inayounganisha maeneo ya Mji Mwema na Ramadhani. Ukaguzi huo ulimwezesha kujionea hali halisi ya daraja hilo pamoja na umuhimu wake katika kurahisisha usafiri wa watu, mazao na huduma nyingine muhimu. Aidha, Mhe. Mbunge alitembelea na kukagua ujenzi wa nyumba ya mwalimu katika Shule ya Msingi Peluhanda. Alipokea taarifa kuhusu hatua iliyofikiwa katika utekelezaji wa mradi huo na kusisitiza umuhimu wa kuboresha mazingira ya kuishi na kufanya kazi kwa walimu ili kuongeza ufanisi katika utoaji wa elimu. Baada ya kukagua miradi hiyo, Mhe. Mwa...
 Katibu Mkuu wa Chama Cha Mapinduzi (CCM), Ndugu Asha-Rose Migiro, amefungua semina elekezi kwa Kaimu Makatibu wa CCM Mikoa 32, leo Septemba 29, 2026, jijini Dodoma. Semina hiyo ya siku mbili inalenga kuwajengea uwezo viongozi hao kuhusu majukumu yao ya kiuongozi, uendeshaji wa shughuli za chama pamoja na utekelezaji wa mipango na maelekezo ya Chama Cha Mapinduzi. Akifungua semina hiyo, Ndugu Migiro amesisitiza umuhimu wa viongozi hao kutekeleza majukumu yao kwa uadilifu, weledi na kuzingatia misingi, kanuni na taratibu za chama.
Image
  Leo, tarehe 03 Oktoba 2026, katika mkutano na waandishi wa habari uliofanyika Ikulu Zanzibar, nimetangaza uteuzi na uhamisho wa Mawaziri na Naibu Mawaziri, pamoja na mabadiliko ya miundo ya baadhi ya Wizara. Mabadiliko haya ni sehemu ya kukamilisha uundwaji wa Serikali ya Umoja wa Kitaifa, kwa kuwajumuisha Mawaziri kutoka ACT-Wazalendo, sambamba na kuendelea kutekeleza makubaliano ya maridhiano baina ya CCM na ACT-Wazalendo. Katika uteuzi huo,  ACT-Wazalendo imepata nafasi nne za uwaziri: • Mhe. Nassor Ahmed Mazrui – Waziri wa Afya. • Mhe. Omar Said Shaaban – Waziri wa Biashara na Maendeleo ya Viwanda. • Mhe. Dkt. Nasra Nassor Omar – Waziri wa Utalii na Mambo ya Kale. • Mhe. Dkt. Mohamed Ali Suleiman – Waziri wa Mawasiliano, Teknolojia ya Habari na Ubunifu. Aidha, nimefanya mabadiliko ya miundo ya baadhi ya Wizara, ikiwemo kuhamishia masuala ya Mipango katika Ofisi ya Rais, Ikulu, pamoja na kuanzisha Wizara ya Kazi, Ajira, Vijana na Uwezeshaji. Katika mabadiliko hayo: • Mhe....
Image

MAKABILA 10 YENYE WANAWAKE WAREMBO TANZANIA

  1. Wahiraki,  Hawa ni wanawake wa jamii ya Wahiraki wa napatikana kaskazini mwa Tanzania wamezagaa mikoa ya manyara ni weupe Wana Umbo zuri wanavutia kwa Macho. 2. Warangi,  Hawa ni wanawake jamii ya Warangi ni wazuri nywele zao ni asili ya waraabu weupe sura nzuri wanapatikana kondoa. 3. Wanyiramba.  Hawa ni warembo Sana sura matata wanapatikana mkoa wa singida kaskazini, usipokua makini utawafananisha na wanyaturu 4. Wamasai,  kabila hili wanawake wazuri sio wengi Sana lakini ukikutana na sampuli Tatu au nne hivi utauza hata boxa kuongezea mahari wamezagaa Sana Arusha 5. Wahaya,  hawa nao ni jamii ya Kanda ya ziwa maumbile Yao Kuna weupe miguu Yao ya bia shape matata wamejaa Sana bukoba. 6. Wanyaturu,  Hawa wanafanana na Wanyiramba wanapatikana singida hasa ikungi na manyoni weupe wanavutia 7. Wapare,  Hii ni jamii ya kabila la Wapare wanapatikana moshi wilaya ya same wako vizuri usicheze kabisa na hili kabila shape nzuri. 8 .Wamakonde,  ...
Image

MAELFU WAFURIKA TIKTOK LIVE YA DHARURA YA WAZIRI GWAJIMA KUHUSU CHANGAMOTO ZA WANAUME KWENYE NDOA

  Wananchi wamejitokeza kwa wingi kushiriki katika TikTok LIVE ya dharura iliyoendeshwa leo, Oktoba 4, 2026, na Waziri wa Maendeleo ya Jamii, Jinsia, Wanawake na Makundi Maalum, *Mhe. Dkt. Dorothy Gwajima,* iliyolenga kujadili changamoto za wanaume kwenye ndoa. Katika kipindi hicho, wananchi wakiwemo wanaume walipata fursa ya kueleza kwa uwazi uzoefu na changamoto ambazo wanaume wanazokutana nazo katika maisha ya ndoa, huku wakitaja sababu mbalimbali wanazoona zinachangia migogoro ya ndoa na familia kwa ujumla. Aidha, wanaume walifunguka kuhusu yale ambayo wamekuwa wakiyabeba kimya bila kupata nafasi ya kuyazungumza, jambo lililoonesha namna mjadala huo ulivyowagusa wananchi na hasa wanaume. Kwa muda wa saa 4 na dakika 26, TikTok LIVE hiyo ilifikisha jumla ya watazamaji 108,900, maoni 10,300, likes 270,500 na wafuasi wapya 2,200. Aidha, LIVE hiyo ilipokea zawadi kutoka kwa watoa zawadi 71 zilizofikia diamonds 1,000, takwimu zinazoonesha mwitikio mkubwa wa wananchi katika mjadala ku...
Image

MWENGE WA UHURU WAMURIKA MIRADI YA MAENDELEO JIMBO LA KWELA

  Mwenge wa Uhuru umeendelea kuwa chachu ya maendeleo nchini baada ya kumulika na kuzindua miradi mbalimbali ya maendeleo katika Jimbo la Kwela, Wilaya ya Sumbawanga, mkoani Rukwa, huku viongozi wakisisitiza umuhimu wa kulinda amani kama msingi wa utekelezaji wa shughuli za maendeleo. Katika ziara yake iliyofika katika Kata ya Laela, Mwenge wa Uhuru umekagua na kuzindua miradi inayohusisha sekta za elimu, afya na miundombinu, ikiwemo shule ya sekondari, zahanati na daraja, sambamba na shughuli za ujenzi wa barabara. Miradi hiyo inalenga kuimarisha upatikanaji wa huduma za kijamii na kuboresha mazingira ya wananchi katika jimbo hilo, huku Mwenge wa Uhuru ukiendelea kutekeleza jukumu lake la kuhamasisha uwajibikaji, mshikamano na maendeleo yanayomgusa mwananchi moja kwa moja. Akizungumza Oktoba 10, 2026, katika Kata ya Laela, Kiongozi wa Mbio za Mwenge wa Uhuru Kitaifa, Wazo Mwang’onda, amesema utekelezaji wa miradi hiyo ni miongoni mwa matokeo ya mazingira ya amani yaliyopo nchini. ...
Image

NMB, UDSM waendeleza ushirikiano wa kukuza vipaji

BENKI ya NMB na Chuo Kikuu cha Dar es Salaam (UDSM) zimeendelea kuimarisha ushirikiano wa kukuza vipaji, kuhamasisha ufaulu wa kitaaluma na kuwaandaa vijana kwa soko la ajira, kupitia makubaliano ya miaka mitano. Akizungumza katika hafla ya NMB Best Student Awards 2025/2026 iliyofanyika Oktoba 12, Mkuu wa Huduma za Rasilimali Watu wa NMB, Joseph Ngalawa, alisema ushirikiano huo ulianza mwaka 2023 kwa kuwatambua wanafunzi watatu wa Shule Kuu ya Biashara (UDBS), kabla ya mpango huo kupanuliwa na kujumuisha wanafunzi 10 kutoka programu mbalimbali za masomo. Ngalawa alisema NMB pia imewasaidia wahitimu zaidi ya 150 kupata maarifa na stadi za kazi kupitia programu za maandalizi ya ajira, sambamba na kuendesha maonesho ya taaluma yanayowaunganisha wanafunzi na wataalamu. Katika hafla hiyo, wanafunzi 10 bora walitambuliwa kwa vyeti na zawadi ya Sh milioni mbili kila mmoja. Kwa upande wake, Makamu Mkuu wa UDSM, Profesa William Anangisye, aliipongeza NMB kwa kuendeleza ushirikiano huo, akisema ...
Image

SERIKALI ITAENDEA KUHIMIZA MATUMIZI YA TEKNOLOJIA KUIMARISHA UTENDAJI KAZI- LONDO

NA MWANDISHI WETU, MOROGORO Naibu Waziri wa Viwanda na Biashara,  Denis Londo (Mb), amesema Serikali itaendelea kuhimiza matumizi ya teknolojia mahali pa kazi ili kuboresha utekelezaji na utendaji wa kazi. Hayo yamesemwa na Naibu Waziri wa Viwanda na Biashara Mhe Dennis Londo wakayi wa ufunguzi wa mkutqno wq baraza la wafanyakazi wa Brela uliofanyika mkoani Morogoro na kuipongeza wakala wa Usajili wa Biashara na Leseni (BRELA) kwa hatua ilizochukua kuboresha Mfumo wa Huduma kwa Njia ya Mtandao (BRELA Online Services – BOS). Amesema matunizi hayo ya teknolojia yatasaidia kuboresha utendaji kazi sambamba na luongeza ufanisi wa utoaji huduma. “Nimefurahishwa na hatua za BRELA katika kuboresha Mfumo wa BRELA Online Services (BOS), ambapo moduli tano kati ya saba zimeanza kutumika na ninawasisitiza kuendelea kuongeza ufanisi, kupunguza muda wa utoaji huduma na kuboresha huduma kwa wananchi na wafanyabiashara,” alisema Mhe. Londo. Aidha, ameitaka BRELA kuendelea kufanya mapitio na mabore...