NAPE AWASILISHA AZIMIO LA BUNGE LA KUMPONGEZA RAIS SAMIA KUWEZESHA MKUTANO MKUU KUFANYIKA NCHINI

on

 

MAELEZO KUHUSU AZIMIO LA BUNGE LA KUMPONGEZA MHE. DKT. SAMIA SULUHU HASSAN, RAIS WA JAMHURI YA MUUNGANO WA TANZANIA KWA KURIDHIA NA KUWEZESHA KUFANYIKA KWA MKUTANO MKUU WA 153 WA UMOJA WA MABUNGE DUNIANI (IPU) ULIOFANYIKA JIJINI ARUSHA KUANZIA TAREHE 5 – 9 OKTOBA 2026

_____________________________

 

Mheshimiwa Spika, kwa mujibu wa Kanuni ya 64 (1) ya Kanuni za Kudumu za Bunge za Mwaka 2025, naomba kuwasilisha Hoja kwamba, Bunge lako Tukufu lijadili na kupitisha Azimio la Bunge la Kumpongeza Mhe. Dkt. Samia Suluhu Hassan, Rais wa Jamhuri ya Muungano wa Tanzania kwa Kuridhia na Kuwezesha kufanyika kwa Mkutano Mkuu wa 153 wa Umoja wa Mabunge Duniani (IPU) uliofanyika Jijini Arusha kuanzia Tarehe 5 – 9 Oktoba 2026.

 

Mheshimiwa Spika, awali ya yote, nichukue nafasi hii kumshukuru Mwenyezi Mungu kwa kuniwezesha kusimama leo hii mbele ya Bunge lako Tukufu, na pili kukushukuru wewe binafsi kwa kuruhusu na kunipatia fursa hii adhimu ya kuwasilisha Hoja ya Azimio hili.

 

Mheshimiwa Spika, naomba kuchukua fursa hii kutoa pongezi za dhati kwa Rais wetu Mpendwa wa Jamhuri ya Muungano wa Tanzania, Mheshimiwa Dkt. Samia Suluhu Hassan, kwa uongozi wake uliotukuka na wa makini uliowezesha kupatikana kwa mafanikio makubwa ya Mkutano wa 153 wa Umoja wa Mabunge Duniani (IPU) Jijini Arusha. Pamoja na kuwa kwenye maombelezo ya msiba wa mume wake mpendwa (tunamwomba Mwenyezi Mungu ampe pumziko la amani) bado alionesha ustahimilivu na uzalendo mkubwa katika kipindi hiki kigumu kwa kutoa ushirikiano kamili uliowezesha Mkutano huu wa kihistoria kufanyika kwa mafanikio makubwa na kuendelea kuiletea nchi yetu heshima.

 

Mheshimiwa Spika, Tanzania imekuwa mwenyeji wa Mkutano wa Umoja wa Mabunge Duniani (IPU) kwa mara ya kwanza tangu kuanzishwa kwa IPU mwaka 1889. Mkutano huo wa 153 ulifanyika katika Kituo cha Kimataifa cha Mikutano cha Arusha kuanzia tarehe 5 – 9 Oktoba, 2026. Mkutano huu haukuwa Mkutano wa kawaida wa Kimataifa bali ilikuwa ni tukio la kihistoria kwa Tanzania, hatua muhimu kwa uwakilishi wa Afrika katika uongozi wa Taasisi za Kimataifa, na fursa ya kuthibitisha uimara na nafasi ya Tanzania katika Diplomasia ya Mabunge, Imani ya Tanzania katika Amani, Demokrasia, Utawala Bora na Ushirikiano wa Mataifa. Mkutano huu ulifanyika chini ya Kaulimbiu ya “Kuimarisha Utawala Bora na Kuziwezesha Jamii Kupitia Ushirikishwaji, Uaminifu na Fursa kwa Wote.”

 

Mheshimiwa Spika, Mkutano wa 153 wa IPU ulifunguliwa rasmi tarehe 5 Oktoba, 2026 na Mheshimiwa Waziri Mkuu aliyemwakilisha Rais wa Jamhuri ya Muungano wa Tanzania. Ufunguzi huo ulihudhuriwa na washiriki wa Mkutano ambao ni Maspika, Wabunge, Watumishi na Wanahabari kutoka duniani kote. Katika ufunguzi huo, Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania aliwakaribisha washiriki wote kupitia ujumbe wa video uliorekodiwa mahsusi kwa ajili hiyo.

Mheshimiwa Spika, Mkutano huu ulikuwa ni ushahidi tosha wa imani ya Dunia kwa Tanzania juu ya uumini wake kwa misingi muhimu inayosimamiwa na Umoja wa Mabunge Duniani (Inter-Parliamentary Union-IPU), ambayo misingi yake ni Demokrasia, Amani na Usalama, Haki za Binadamu, Utawala Bora na Diplomasia ya Kibunge.

 

Mheshimiwa Spika, niruhusu sasa niseme kwa kifupi mafanikio yaliyopatikana kwa Taifa kufuatia Mhe. Dkt. Samia Suluhu Hassan, Rais wa Jamhuri ya Muungano wa Tanzania kukubali Tanzania kuwa Mwenyeji wa Mkutano Mkuu wa 153 wa Umoja wa Mabunge Duniani (IPU): -

 

1.           Historia imeandikwa kwa Tanzania kuwa Mwenyeji wa Mkutano Mkuu wa IPU kwa mara ya kwanza

Mheshimiwa Spika, kama nilivyosema awali, ni mara ya kwanza kwa Tanzania kuwa mwenyeji wa Mkutano huu wa IPU tangu kuanzishwa kwake. Hata hivyo, mafanikio ya maandalizi na uendeshaji wa Mkutano huu, yameonesha uwezo mkubwa wa Tanzania wa kuratibu Mikutano mikubwa ya Kimataifa na kuwa jukwaa la majadiliano kuhusu masuala yanayoigusa dunia.

 

2.           Kuonesha Uongozi Bora na Usimamizi Thabiti wa Diplomasia ya Tanzania Duniani chini ya Rais

Mheshimiwa Spika, imani iliyoonyeshwa na Dunia kupitia Taasisi muhimu ya Dunia, Umoja wa Mabunge Duniani na kuipa heshima Tanzania kuwa mwenyeji wa Mkutano wa 153 wa IPU, ni matokeo ya kazi nzuri iliyofanywa na Serikali ya Awamu ya Sita chini ya Uongozi mahiri wa  Mheshimiwa, Dkt. Samia Suluhu Hassan, Rais wa Jamhuri ya Muungano wa Tanzania ya kuimarisha misingi ya utawala bora na kuimarika kwa diplomasia ya Tanzania Duniani.

 

3.           Kuimarika kwa nafasi ya Tanzania katika Diplomasia ya Kimataifa

Mheshimiwa Spika, Mkutano wa 153 wa IPU ulihudhuriwa na Washiriki wapato 2044 kutoka zaidi ya nchi 150. Kati ya hao Maspika ni 56, Manaibu Spika 51 na Wabunge 624. Wengine ni Sekretarieti ya IPU, Watumishi wa Mabunge na Waandishi wa Habari. Ushiriki wa Viongozi wa Mabunge mbalimbali duniani, akiwemo Spika wa Bunge la Uingereza, Sir Lindsay Hoyle, umefungua fursa za kuimarisha mahusiano baina ya Bunge la Tanzania na Mabunge ya mataifa mengine. Mkutano huu umeipa Tanzania nafasi ya kuonesha uwezo wake wa kuandaa mikutano ya kimataifa, ukarimu wa wananchi wake, na dhamira yake ya kuendeleza ushirikiano wa kimataifa.

 

1.           Wageni wa Kimataifa Wajionea Hali Halisi ya Nchi na Kuondoa Taswira Hasi

Mheshimiwa Spika, moja ya mafanikio makubwa ya Mkutano huu ni kufanikiwa kubadilisha mtazamo juu ya upotoshaji na kutoa picha halisi ya nchi yetu tofauti na inavyoripotiwa mara kwa mara na vyombo vya habari. Kupitia ushiriki wao wa moja kwa moja, wageni na wajumbe wa kimataifa wameweza kujionea wenyewe amani, usalama, na maendeleo yaliyopo nchini, badala ya kutegemea taarifa za upotoshaji zilizokuwa zikitolewa na upande mmoja. Mkutano huu umewajengea uelewa mpya na wa kweli kuhusu nchi yetu, na kuwa mabalozi wazuri wa kusimulia ukweli halisi kwa jamii za kimataifa wanakotoka. Mfano mzuri ni Spika wa Bunge la Uingereza, ambaye ni mara yake ya kwanza kufika Tanzania; alipongeza sana amani, utulivu na kazi kubwa za maendeleo zinazofanyika nchini, huku akiahidi kurejea tena Tanzania.

 

2.           Kuimarisha Hadhi ya Arusha kama Kitovu cha Diplomasia na Majadiliano ya Kimataifa na Ushirikiano wa Mabunge

Mheshimiwa Spika, Arusha si Jiji la Mikutano pekee, bali ni Jiji lenye historia kubwa katika harakati za ukombozi wa Afrika, 

ushirikiano wa kikanda, haki za binadamu na juhudi za kutafuta suluhu za migogoro kwa njia ya mazungumzo. Arusha ni Makao Makuu ya Jumuiya ya Afrika Mashariki na Makao ya Mahakama ya Afrika ya Haki za Binadamu na Watu. Hivyo, kwa kuandaa Mkutano Mkuu wa 153 wa IPU, Tanzania imeongeza fursa za kuitangaza Arusha kama Kitovu cha Diplomasia, Majadiliano ya Kimataifa na Ushirikiano wa Mabunge.

 

1.           Mchango katika Amani, Usalama na Demokrasia Duniani

Mheshimiwa Sipka, katika kipindi ambacho dunia inakabiliwa na migogoro ya kivita, migawanyiko ya kisiasa, changamoto za Mabadiliko ya Tabianchi na kupungua kwa imani ya wananchi kwa baadhi ya Taasisi za Umma, Mkutano wa Arusha umetoa Jukwaa la Majadiliano na kutafuta misingi ya makubaliano. Mkutano huu umesisitiza umuhimu wa diplomasia ya kibunge, utatuzi wa migogoro kwa njia za amani, kuheshimu sheria za kimataifa, na kuimarisha taasisi za kidemokrasia. Hivyo, Majadiliano kuhusu haki za binadamu, watu wenye ulemavu, mabadiliko ya tabianchi na teknolojia zinazoibukia yameonesha wajibu wa Mabunge katika kutafuta majibu ya changamoto zinazowakabili wananchi.

 

2.           Kuimarika kwa Ushiriki wa Wanawake katika Mabunge Duniani

Mheshimiwa Spika, Mkutano wa Arusha umeweka rekodi ya ushiriki wa wanawake, ambao walifikia asilimia 39.4 ya Wabunge waliohudhuria Mkutano huo. Hatua hii, ikiunganishwa na historia ya uongozi wa Mheshimiwa Dkt. Tulia Ackson, inatukumbusha umuhimu wa kuendelea kuongeza nafasi za Wanawake, Vijana na Wenye Ulemavu katika uongozi na maamuzi.1.           Umuhimu wa Tamko la Arusha (Arusha Communique)

Mheshimiwa Spika, Mkutano huu umeacha urithi muhimu kupitia Tamko la Arusha, linalosisitiza utawala bora, ushirikishwaji, uaminifu na fursa kwa wote. Tamko hili linatukumbusha kwamba thamani ya demokrasia haipimwi kwa uwepo wa taasisi pekee, bali pia kwa namna taasisi hizo zinavyoboresha maisha ya wananchi. Kwa hiyo, mafanikio ya Mkutano huu hayapaswi kuishia kwa kutoa pongezi pekee, bali yanapaswa kuendelezwa kupitia sheria bora, uwajibikaji, usimamizi wa Serikali na ushirikishwaji wa wananchi.

 

2.           Kuchangia katika uchumi wa Taifa hususan Jiji la Arusha katika eneo la hoteli, usafiri wa anga, biashara na ajira

Mheshimiwa Spika, kutokana na uwepo wa Mkutano wa 153 wa IPU hoteli za Arusha zilipata fursa ya kuhudumia Wajumbe na wageni wengi wa Mkutano na hivyo kuongeza mzunguko wa fedha na ajira katika sekta hiyo; kuongezeka kwa mahitaji ya safari za ndege kupitia Uwanja wa Ndege wa Kimataifa wa Kilimanjaro (KIA) na Uwanja wa Ndege wa Arusha ilitoa fursa kwa watoa huduma za usafiri kupata mapato kutokana na safari za wageni na shughuli za Mkutano pamoja na wafanyabiashara wadogo na wa kati, wakiwemo wauzaji wa chakula, wajasiriamali wa bidhaa za utalii kupata fursa ya kuwafikia wateja wa Kimataifa.

 

Mheshimiwa Spika, historia haiyakumbuki Mataifa kwa idadi ya Mikutano iliyofanyika katika ardhi yake pekee bali inayakumbuka kwa mawazo yaliyotolewa, madaraja ya ushirikiano yaliyojengwa, na mchango wake katika maendeleo ya binadamu. Katika Mkutano wa 153 wa IPU, Tanzania haikuwa mwenyeji wa wageni pekee; bali ilikuwa mwenyeji wa majadiliano kuhusu mustakabali wa dunia, huku Watanzania wawili wakiandika historia katika uongozi wa taasisi hii ya Kimataifa. Hivyo, tumeikaribisha dunia  Arusha; sasa jukumu letu ni kuhakikisha maamuzi yaliyofanyika Arusha yanachangia kuijenga dunia bora zaidi.

 

Mheshimiwa Spika, nimalizie maelezo yangu ya utangulizi kwa kutambua mchango wa Spika wa Bunge la Jamhuri ya Muungano wa Tanzania Mhe. Mussa Azzan Zungu, Katibu wa Bunge, Ndg. Baraka I. Leonard na Kamati nzima ya Maandalizi kwa kazi kubwa katika kuongoza na kuratibu maandalizi yaliyowezesha kufanikisha Mkutano huu.

 

Mheshimiwa Spika, baada ya maelezo hayo, kwa mujibu wa Kanuni ya 64 (3) ya Kanuni za Kudumu za Bunge, naomba sasa niwasilishe Azimio lenyewe kama ifuatavyo:-

 

AZIMIO LA BUNGE LA KUMPONGEZA MHE. DKT. SAMIA SULUHU HASSAN, RAIS WA JAMHURI YA MUUNGANO WA TANZANIA KWA KURIDHIA NA KUWEZESHA KUFANYIKA KWA MKUTANO MKUU WA 153 WA UMOJA WA MABUNGE DUNIANI (IPU) ULIOFANYIKA JIJINI ARUSHA KUANZIA TAREHE 5 – 9 OKTOBA 2026

 

KWA KUWA, Tanzania imeandika historia chini ya Uongozi madhubuti wa Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania kwa kuwa mwenyeji wa Mkutano Mkuu wa IPU kwa mara ya kwanza ambapo mafanikio ya maandalizi na uendeshaji wake yameonesha uwezo wa Tanzania wa kuendesha Mikutano mikubwa ya Kimataifa na kuwa Jukwaa la Majadiliano kuhusu masuala yanayoigusa dunia;

 

NA KWA KUWA, imani iliyoonyeshwa na Taasisi muhimu ya Dunia, Umoja wa Mabunge Duniani kuamua kuipa heshima Tanzania kuwa mwenyeji wa Mkutano Mkuu wa 153 wa IPU ni matokeo ya kazi nzuri iliyofanywa na Serikali ya Awamu ya Sita chini ya Uongozi Mahiri wa Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania ya kuimarisha misingi ya utawala bora na kuimarika kwa diplomasia ya Tanzania Duniani;

 

NA KWA KUWA, ushiriki wa Viongozi wa Mabunge mbalimbali Duniani, wakiwemo Maspika 56 wa Mabunge, umefungua fursa za kuimarisha mahusiano baina ya Bunge la Tanzania na Mabunge ya Mataifa mengine;

 

NA KWA KUWA, Mkutano Mkuu wa 153 umekuwa na Maazimio mbalimbali ikiwemo: Kuimarisha Utawala Bora na kuwezesha jamii kupitia ujumuishi, uaminifu na fursa kwa wote; Maendeleo ya kijamii jumuishi kwa wote: Mikakati ya kibunge ya kukuza haki na uwezeshaji wa Watu wenye Ulemavu; hatua za haraka za kibunge kukabiliana na majanga yanayohusiana na tabianchi na kuimarisha ustahimilivu katika eneo la Himalaya na maeneo mengine yaliyo katika hatari ya majanga; kukuza mustakabali wa kazi unaozingatia haki, ujumuishi na uendelevu katika kipindi cha maendeleo ya Akili Unde (AI); na Umoja wa Mataifa unaokidhi mahitaji ya wakati huu: Kuelekea Mkutano wa mapitio ya Mkataba wa Umoja wa Mataifa; Masuala ambayo yamekuwa kipaumbele cha Mheshimiwa Rais katika Uongozi wake.

 

KWA HIYO BASI, Bunge hili katika Mkutano wake wa Tano, Kikao cha Kwanza, tarehe 27 Oktoba, 2026 linaazimia kwa dhati na kauli moja :-

 

KWANZA: Kumpongeza Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kwa kuridhia kuwa mwenyeji wa Mkutano Mkuu wa 153 wa IPU kwa mara ya kwanza na kuwezesha maandalizi na uendeshaji wake.

 

PILI: Kuendelea kuunga mkono dhamira ya Mhe. Rais ya kuimarisha diplomasia ya kibunge, ushirikiano wa Afrika, amani na usalama wa kimataifa, demokrasia, usawa wa kijinsia na maendeleo jumuishi.TATU: Kuhimiza juhudi endelevu za Mheshimiwa Rais katika kuitangaza na kuiendeleza Arusha kama Kitovu cha Mikutano mikubwa, Utalii, Diplomasia na Ushirikiano wa Kimataifa.

 

Mheshimiwa Spika, naomba kutoa hoja

 

Mhe. Nape Moses Nnauye, Mb.

MBUNGE WA JIMBO LA MTAMA

27 Oktoba, 2026

 

Comments

Post a Comment

HABARI ZILIZOSOMWA ZAIDI

Image
𝗠𝗮𝗸𝗮𝗯𝗶𝗹𝗮 10 𝗮𝗺𝗯𝗮𝘆𝗼 𝘂𝗸𝗶𝗸𝗮𝗮 𝗸𝗮𝗿𝗶𝗯𝘂 𝗻𝗮𝗼, 𝗸𝘂𝘁𝗼𝗯𝗼𝗮 𝗸𝘂𝗻𝗮𝘄𝗲𝘇𝗮 𝗸𝘂𝘄𝗮 𝗿𝗮𝗵𝗶𝘀𝗶 𝘇𝗮𝗶𝗱𝗶 ⚠️ Kumbuka: Haya ni maoni na mitazamo ya kijamii tu, si kwamba kabila fulani lina mafanikio kuliko lingine. Mafanikio yanategemea juhudi, elimu, nidhamu na fursa. 1. Wasukuma Wana sifa ya kufanya kazi kwa bidii, hasa kwenye kilimo, ufugaji na biashara. Wengi huaminika kuwa wavumilivu katika kutafuta maendeleo. 2. Wachagga Hujulikana kwa moyo wa biashara, uwekezaji na kusaidiana kifamilia katika shughuli za maendeleo. 3. Wahaya Wana historia ndefu ya biashara, elimu na shughuli za uzalishaji zinazochochea maendeleo. 4. Wanyakyusa Wengi wanasifiwa kwa bidii katika biashara, kilimo na uwekezaji wa muda mrefu. 5. Wakinga Hujulikana kwa uchapakazi, nidhamu na uthubutu wa kutafuta fursa sehemu mbalimbali za nchi. 6. Waha Wana sifa ya kujituma katika biashara na shughuli mbalimbali za kiuchumi. 7. Wapare Mara nyingi husifiwa kwa kuthamini elimu, kazi na mipango y...
 Makundi maalumu 27,946 yamesajiliwa kwenye m fumo wa NeST na ku pata zabuni zenye jumla ya thamani ya Shilingi Bilioni 56 , kupitia Mfumo huo. makundi ya vijana ni 13, 317 wanawake 13,400 , wazee 643 na watu wenye ulemavu 586. Hayo yemebainishwa na Mkurugenzi Mkuu wa Mamlaka ya Udhibiti wa Ununuzi wa Umma (PPRA), Dennis Simba wakati wa mkutano na vyombo vya habari kwenye ukumbi wa Idara ya Habari MAELEZO, katika Mji wa Serikali wa Mtumba jijini Dodoma, Agosti 20, 2026.         Sheria ya Ununuzi wa Umma, imezielekeza taasisi zote za umma kutenga asilimia 30 ya bajeti zao za ununuzi kwa ajili ya makundi maalum (vijana, wanawake, wazee na watu wenye ulemavu).   Lengo la PPRA, kwa kuzingatia malengo ya Dira ya Taifa ya Maendeleo 2050, ni kuwa na takribani makundi 300,000 yaliyo tayari kuomba zabuni. Hatua hii ni sehemu ya jitihada za Serikali kutoa ajira na kazi kwa Watanzania ambao hawana uwezo wa kuwa na kampuni, ambao wanaweza kujiunga k...
Image
MBUNGE DEO MWANYIKA AFANYA ZIARA YA KIKAZI KATA YA MJI MWEMA, AKAGUA MIRADI NA KUSIKILIZA KERO ZA WANANCHI Mbunge wa Jimbo la Njombe, Mhe. Deo Mwanyika, jana tarehe 3 Agosti 2026, alifanya ziara ya kikazi katika Kata ya Mji Mwema kwa lengo la kukagua utekelezaji wa miradi mbalimbali ya maendeleo, kuzungumza na wananchi pamoja na kusikiliza changamoto zinazowakabili. Katika ziara hiyo, Mhe. Mwanyika alikagua Daraja la Kifung’a, lililopo katika barabara inayounganisha maeneo ya Mji Mwema na Ramadhani. Ukaguzi huo ulimwezesha kujionea hali halisi ya daraja hilo pamoja na umuhimu wake katika kurahisisha usafiri wa watu, mazao na huduma nyingine muhimu. Aidha, Mhe. Mbunge alitembelea na kukagua ujenzi wa nyumba ya mwalimu katika Shule ya Msingi Peluhanda. Alipokea taarifa kuhusu hatua iliyofikiwa katika utekelezaji wa mradi huo na kusisitiza umuhimu wa kuboresha mazingira ya kuishi na kufanya kazi kwa walimu ili kuongeza ufanisi katika utoaji wa elimu. Baada ya kukagua miradi hiyo, Mhe. Mwa...
 Katibu Mkuu wa Chama Cha Mapinduzi (CCM), Ndugu Asha-Rose Migiro, amefungua semina elekezi kwa Kaimu Makatibu wa CCM Mikoa 32, leo Septemba 29, 2026, jijini Dodoma. Semina hiyo ya siku mbili inalenga kuwajengea uwezo viongozi hao kuhusu majukumu yao ya kiuongozi, uendeshaji wa shughuli za chama pamoja na utekelezaji wa mipango na maelekezo ya Chama Cha Mapinduzi. Akifungua semina hiyo, Ndugu Migiro amesisitiza umuhimu wa viongozi hao kutekeleza majukumu yao kwa uadilifu, weledi na kuzingatia misingi, kanuni na taratibu za chama.
Image
  Leo, tarehe 03 Oktoba 2026, katika mkutano na waandishi wa habari uliofanyika Ikulu Zanzibar, nimetangaza uteuzi na uhamisho wa Mawaziri na Naibu Mawaziri, pamoja na mabadiliko ya miundo ya baadhi ya Wizara. Mabadiliko haya ni sehemu ya kukamilisha uundwaji wa Serikali ya Umoja wa Kitaifa, kwa kuwajumuisha Mawaziri kutoka ACT-Wazalendo, sambamba na kuendelea kutekeleza makubaliano ya maridhiano baina ya CCM na ACT-Wazalendo. Katika uteuzi huo,  ACT-Wazalendo imepata nafasi nne za uwaziri: • Mhe. Nassor Ahmed Mazrui – Waziri wa Afya. • Mhe. Omar Said Shaaban – Waziri wa Biashara na Maendeleo ya Viwanda. • Mhe. Dkt. Nasra Nassor Omar – Waziri wa Utalii na Mambo ya Kale. • Mhe. Dkt. Mohamed Ali Suleiman – Waziri wa Mawasiliano, Teknolojia ya Habari na Ubunifu. Aidha, nimefanya mabadiliko ya miundo ya baadhi ya Wizara, ikiwemo kuhamishia masuala ya Mipango katika Ofisi ya Rais, Ikulu, pamoja na kuanzisha Wizara ya Kazi, Ajira, Vijana na Uwezeshaji. Katika mabadiliko hayo: • Mhe....
Image

MAKABILA 10 YENYE WANAWAKE WAREMBO TANZANIA

  1. Wahiraki,  Hawa ni wanawake wa jamii ya Wahiraki wa napatikana kaskazini mwa Tanzania wamezagaa mikoa ya manyara ni weupe Wana Umbo zuri wanavutia kwa Macho. 2. Warangi,  Hawa ni wanawake jamii ya Warangi ni wazuri nywele zao ni asili ya waraabu weupe sura nzuri wanapatikana kondoa. 3. Wanyiramba.  Hawa ni warembo Sana sura matata wanapatikana mkoa wa singida kaskazini, usipokua makini utawafananisha na wanyaturu 4. Wamasai,  kabila hili wanawake wazuri sio wengi Sana lakini ukikutana na sampuli Tatu au nne hivi utauza hata boxa kuongezea mahari wamezagaa Sana Arusha 5. Wahaya,  hawa nao ni jamii ya Kanda ya ziwa maumbile Yao Kuna weupe miguu Yao ya bia shape matata wamejaa Sana bukoba. 6. Wanyaturu,  Hawa wanafanana na Wanyiramba wanapatikana singida hasa ikungi na manyoni weupe wanavutia 7. Wapare,  Hii ni jamii ya kabila la Wapare wanapatikana moshi wilaya ya same wako vizuri usicheze kabisa na hili kabila shape nzuri. 8 .Wamakonde,  ...
Image

MAELFU WAFURIKA TIKTOK LIVE YA DHARURA YA WAZIRI GWAJIMA KUHUSU CHANGAMOTO ZA WANAUME KWENYE NDOA

  Wananchi wamejitokeza kwa wingi kushiriki katika TikTok LIVE ya dharura iliyoendeshwa leo, Oktoba 4, 2026, na Waziri wa Maendeleo ya Jamii, Jinsia, Wanawake na Makundi Maalum, *Mhe. Dkt. Dorothy Gwajima,* iliyolenga kujadili changamoto za wanaume kwenye ndoa. Katika kipindi hicho, wananchi wakiwemo wanaume walipata fursa ya kueleza kwa uwazi uzoefu na changamoto ambazo wanaume wanazokutana nazo katika maisha ya ndoa, huku wakitaja sababu mbalimbali wanazoona zinachangia migogoro ya ndoa na familia kwa ujumla. Aidha, wanaume walifunguka kuhusu yale ambayo wamekuwa wakiyabeba kimya bila kupata nafasi ya kuyazungumza, jambo lililoonesha namna mjadala huo ulivyowagusa wananchi na hasa wanaume. Kwa muda wa saa 4 na dakika 26, TikTok LIVE hiyo ilifikisha jumla ya watazamaji 108,900, maoni 10,300, likes 270,500 na wafuasi wapya 2,200. Aidha, LIVE hiyo ilipokea zawadi kutoka kwa watoa zawadi 71 zilizofikia diamonds 1,000, takwimu zinazoonesha mwitikio mkubwa wa wananchi katika mjadala ku...
Image

MWENGE WA UHURU WAMURIKA MIRADI YA MAENDELEO JIMBO LA KWELA

  Mwenge wa Uhuru umeendelea kuwa chachu ya maendeleo nchini baada ya kumulika na kuzindua miradi mbalimbali ya maendeleo katika Jimbo la Kwela, Wilaya ya Sumbawanga, mkoani Rukwa, huku viongozi wakisisitiza umuhimu wa kulinda amani kama msingi wa utekelezaji wa shughuli za maendeleo. Katika ziara yake iliyofika katika Kata ya Laela, Mwenge wa Uhuru umekagua na kuzindua miradi inayohusisha sekta za elimu, afya na miundombinu, ikiwemo shule ya sekondari, zahanati na daraja, sambamba na shughuli za ujenzi wa barabara. Miradi hiyo inalenga kuimarisha upatikanaji wa huduma za kijamii na kuboresha mazingira ya wananchi katika jimbo hilo, huku Mwenge wa Uhuru ukiendelea kutekeleza jukumu lake la kuhamasisha uwajibikaji, mshikamano na maendeleo yanayomgusa mwananchi moja kwa moja. Akizungumza Oktoba 10, 2026, katika Kata ya Laela, Kiongozi wa Mbio za Mwenge wa Uhuru Kitaifa, Wazo Mwang’onda, amesema utekelezaji wa miradi hiyo ni miongoni mwa matokeo ya mazingira ya amani yaliyopo nchini. ...
Image

SERIKALI ITAENDEA KUHIMIZA MATUMIZI YA TEKNOLOJIA KUIMARISHA UTENDAJI KAZI- LONDO

NA MWANDISHI WETU, MOROGORO Naibu Waziri wa Viwanda na Biashara,  Denis Londo (Mb), amesema Serikali itaendelea kuhimiza matumizi ya teknolojia mahali pa kazi ili kuboresha utekelezaji na utendaji wa kazi. Hayo yamesemwa na Naibu Waziri wa Viwanda na Biashara Mhe Dennis Londo wakayi wa ufunguzi wa mkutqno wq baraza la wafanyakazi wa Brela uliofanyika mkoani Morogoro na kuipongeza wakala wa Usajili wa Biashara na Leseni (BRELA) kwa hatua ilizochukua kuboresha Mfumo wa Huduma kwa Njia ya Mtandao (BRELA Online Services – BOS). Amesema matunizi hayo ya teknolojia yatasaidia kuboresha utendaji kazi sambamba na luongeza ufanisi wa utoaji huduma. “Nimefurahishwa na hatua za BRELA katika kuboresha Mfumo wa BRELA Online Services (BOS), ambapo moduli tano kati ya saba zimeanza kutumika na ninawasisitiza kuendelea kuongeza ufanisi, kupunguza muda wa utoaji huduma na kuboresha huduma kwa wananchi na wafanyabiashara,” alisema Mhe. Londo. Aidha, ameitaka BRELA kuendelea kufanya mapitio na mabore...
Image

NMB, UDSM waendeleza ushirikiano wa kukuza vipaji

BENKI ya NMB na Chuo Kikuu cha Dar es Salaam (UDSM) zimeendelea kuimarisha ushirikiano wa kukuza vipaji, kuhamasisha ufaulu wa kitaaluma na kuwaandaa vijana kwa soko la ajira, kupitia makubaliano ya miaka mitano. Akizungumza katika hafla ya NMB Best Student Awards 2025/2026 iliyofanyika Oktoba 12, Mkuu wa Huduma za Rasilimali Watu wa NMB, Joseph Ngalawa, alisema ushirikiano huo ulianza mwaka 2023 kwa kuwatambua wanafunzi watatu wa Shule Kuu ya Biashara (UDBS), kabla ya mpango huo kupanuliwa na kujumuisha wanafunzi 10 kutoka programu mbalimbali za masomo. Ngalawa alisema NMB pia imewasaidia wahitimu zaidi ya 150 kupata maarifa na stadi za kazi kupitia programu za maandalizi ya ajira, sambamba na kuendesha maonesho ya taaluma yanayowaunganisha wanafunzi na wataalamu. Katika hafla hiyo, wanafunzi 10 bora walitambuliwa kwa vyeti na zawadi ya Sh milioni mbili kila mmoja. Kwa upande wake, Makamu Mkuu wa UDSM, Profesa William Anangisye, aliipongeza NMB kwa kuendeleza ushirikiano huo, akisema ...