NAIBU WAZIRI MKUU BITEKO AIPONGEZA WIZARA YA MADINI KWA MPANGO WA KUONGEZA AKIBA YA DHAHABU NCHINI

on

 


Na Mwandishi Wetu, Bombambili, Geita.

Naibu Waziri Mkuu na Waziri wa Nishati Mhe. Dkt. Doto Mashaka Biteko ameipongeza Wizara ya Madini kwa mkakati wanaoutekeleza ambao unawazesha upatikanaji wa akiba ya Dhahabu kupitia Benki Kuu ya Tanzania jambo ambalo ni muhimu kwa maendeleo ya Uchumi wa Tanzania.

Hayo yamesemwa jana Oktoba 05 2024 wakati wa ufunguzi wa maonesho ya saba ya Kitaifa ya Teknolojia ya Madini yenye kauli mbiu ya “Matumizi ya Teknolojia sahihi ya Nishati safi katika sekta ya Madini kwa maendeleo endelevu” yanayofanyika Mkoani Geita.

“Sisi utajiri ambao Mungu ametujalia ni utajiri wa madini ikiwemo Dhahabu, lazima madini haya yawe chachu katika ukuaji wa uchumi wetu.

Naipongeza Wizara ya Madini kwa bidii kubwa mlioifanya sasa ya kuanzisha na kusukuma uwepo wa akiba ya Dhahabu kupitia Benki kuu ya Tanzania”, alisema Mhe. Biteko.

Kwa upande wake Waziri wa Madini Mhe. Anthony Mavunde ameeleza kwamba kwa sasa baada ya kukaa pamoja baina ya serikali na wadau wamefikia muafaka na hakuna mgomo tena wa kutoiuzia Dhahabu BOT baada ya ufafanuzi wa baadhi ya hoja na elimu kutolewa ikiwa ni sehemu ya falsafa ya maridhiano inayohubiriwa kwa nguvu na Mhe. Rais Dkt. Samia S. Hassan.

Mhe. Mavunde ametoa rai kwa wadau wote kushirikiana na serikali katika mpango huu wa upatikanaji wa akiba ya dhahabu kupitia BOT na kuahidi kutoa ushirikiano katika kushughulikia changamoto mbalimbali zitakazojitokeza.

Akitoa maelezo ya awali, Mkuu wa Mkoa wa Geita Mhe. Martin Shigela ameipongeza Serikali kwa jitihada zake za kukuza Sekta ya Madini hasa kwa Wachimbaji wadogo na kuahidi kwamba Mkoa wa Geita utaendelea kuwa chachu ya ukuaji wa uchumi kupitia sekta ya madini ambapo mkoa huo ni mzalishaji mkubwa wa madini ya dhahabu.

Naye Makamu Mwenyekiti wa Kamati ya kudumu ya ya Bunge ya Nishati na Madini Mhe. Kilumbe Shabani Ng’enda ameeleza kuwa Kamati inaridhishwa na mwenendo wa Wizara ya madini hususan inavyosimamia sheria na sera ya madini kwa manufaa ya uchumi wa watu na nchi kwa ujumla.

Akitoa salamu zake, Rais wa Shirikisho la Vyama cha Wachimbaji Madini(FEMATA) Ndg. John W. Bina ameipongeza Wizara ya Madini kwa usikivu na majadiliano ya mara kwa mara pindi changamoto zinapojitokeza na kuahidi kwamba baada ya kikao cha pamoja wadau wameridhia mpango wa serikali wa ununuzi wa dhahabu kupitia BOT.

Comments

Post a Comment

HABARI ZILIZOSOMWA ZAIDI

Image

𝗠𝗕𝗢𝗪𝗘 𝗔𝗦𝗜𝗧𝗜𝗦𝗛𝗔 𝗠𝗔𝗔𝗡𝗗𝗔𝗠𝗔𝗡𝗢 𝗬𝗔 𝗖𝗛𝗔𝗗𝗘𝗠𝗔 𝗬𝗔 𝗧𝗔𝗥𝗘𝗛𝗘 𝟮𝟯.

Mwenyekiti wa CHADEMA, Freeman Mbowe, ametangaza kusitishwa kwa maandamano yaliyokuwa yamepangwa kufanyika tarehe 23 Septemba 2024. Mbowe alitoa tangazo hilo kupitia mazungumzo ya moja kwa moja kwenye jukwaa la Space katika mtandao wa kijamii wa X (zamani ukijulikana kama Twitter). Mbowe alisema kuwa maamuzi haya yamefikiwa kwa kuzingatia hali ya sasa ya kisiasa na maslahi mapana ya taifa. Alieleza kuwa lengo la maandamano lilikuwa ni kuonesha hisia za wananchi na kudai haki na uwajibikaji wa serikali, lakini kwa sasa wameamua kutoa nafasi kwa mazungumzo na njia za amani kufanikisha malengo yao. Pia aliwahimiza wanachama na wafuasi wa CHADEMA kuendelea kuwa watulivu huku wakiangalia mwelekeo wa mazungumzo hayo na hatua nyingine za kisiasa.
Image

KAMATI YA UWT KUTOA MSAADA WA KISHERIA NCHINI

Naibu Waziri wa Nchi, Ofisi ya Rais, Tawala za Mikoa na Serikali za Mitaa (TAMISEMI), ambaye pia ni Mwenyekiti wa Kamati ya Haki na Sheria ya Umoja wa Wanawake wa CCM Tanzania (UWT), Zainab Katimba amesema kuwa UWT ina mpango wa kuanzisha Kanzi Data ya Mawakili Wanawake watakaokuwa wanatoa msaada wa kisheria nchini. Akielezea mikakati ya kamati hiyo, Katimba amesema wataweka utaratibu wa mawakili hao pamoja na washirika wao wa kutoa huduma ya msaada wa kisheria kila wiki ya mwisho ya mwezi katika mikoa mbalimbali nchini kwa lengo la kuwafikia walengwa zaidi. IMEANDALIWA NA RICHARD MWAIKENDA  MSIMAMIZI MKUU  KAMANDA WA MATUKIO ONLINE TV  0754264203
Image

KIKOSI CHA CBE KIMEWASILI ZENJI KUVAANA NA YANGA

Kikosi cha Timu ya CBE, kutoka Nchini Ethiopia kimewasili Visiwani Zanzibar leo, kwa ajili Mchezo wao Wa Marejeano wa Ligi ya Mabingwa Barani Afrika dhidi ya Yanga. Mchezo huo utafanyika katika Uwanja wa New Amaan Complex, Sept 21.2024, Saa Mbili Usiku.  
Image

YANGA YAWASILI SALAMA ETHIOPIA

Yanga wakiwasili kwenye Uwanja wa Ndege wa Kimataifa wa Bole, Addis Ababa tayari kwa mtanange wao na timu ya CBE ya Ethiopia wa Klabu Bingwa Afrika Jumamosi Septemba 14, 2024. Wachezaji wao waliokuwa timu za Taifa wataunga nao huko huko Ethiopia.  
Image

MAYELE AIMWAGIA SIFA LUKUKI YANGA

  Mshambuliaji wa klabu ya Pyramids FC Fiston Mayele, amekisifu kikosi cha timu ya soka ya Yanga Cha msimu huu, akisema ni kizuri, chenye wachezaji bora wenye njaa ya mafanikio, akikitabiria kufika mbali kwenye michuano ya kimataifa. Akizungumza jijini Dar es Salaam juzi, Mayele alisema usajili uliofanyika msimu huu, licha ya kwanza haukuwa mkubwa sana, lakini umeongeza wachezaji bora ambao wameenda kuungana na wengine wenye kiwango cha juu na kuifanya kuwa tishio si Tanzania tu bali Afrika. "Yanga imefanya usajili mzuri sana, ina wachezaji wazuri, wanacheza kwa kasi na morali kubwa, msimu uliopita walisajili vizuri na msimu huu pia wamesajiliwa wachezaji wazuri, na hili nimeshawahi kumwambia Rais wa Yanga, Injinia Hersi, nilimpongeza kwa usajili bora na yeye pia alinipongeza kwa kufanya vizuri kwenye Ligi Kuu nchini Misri. "Msimu huu wameongeza wachezaji wachache ambao nawatakia kila laheri kwenye Ligi ya Mabingwa Afrika na Ligi Kuu, kama wataendelea kupambana hivi watafanya