RAIS SAMIA APANGA FOLENI KUJIANDIKISHA KATIKA DAFTARI LA MKAAZI KUPIGA KURA SERIKALI ZA MITAA

on

Rais wa Jamhuri ya Muungano wa Tanzania na Mwenyekiti wa Chama Cha Mapinduzi (CCM), Mhe. Dkt. Samia Suluhu Hassan akiwa amepanga foleni akishiriki zoezi la Uandikishaji kwenye Daftari la Wapiga kura kwa ajili ya Uchaguzi wa Serikali za Mitaa katika Kitongoji cha Sokoine, Chamwino Mkoani Dodoma tarehe 11 Oktoba,2024.


Rais Samia akipata maelezo jinsi ya kujiandikisha.

Rais, Dkt. Samia akijiandikisha kwenye Daftari la Wapiga kura kwa ajili ya Uchaguzi wa Serikali za Mitaa katika Kitongoji cha Sokoine, Chamwino Mkoani Dodoma tarehe 11 Oktoba,2024.




Asema ni mapumziko ya kitaifa, ili wananchi washiriki kupiga kura kikamilifu .


Asisitiza kila mwenye sifa ana haki ya kuchagua na kuchaguliwa


Rais wa Jamhuri ya Muungano wa Tanzania na Mwenyekiti wa Chama Cha Mapinduzi (CCM), Mhe. Dkt. Samia Suluhu Hassan  ameitangaza 27 Novemba mwaka huu, kuwa siku ya mapumziko ya kitaifa ili wananchi washiriki kikamilifu kupiga kura kuchagua viongozi wa Serikali za Mitaa. 


Rais Dkt. Samia ametangaza hivyo leo tarehe 11 Oktoba 2024, alipokuwa akizungumza na Watanzania, mara baada ya kuzindua zoezi la kujiandikisha kwenye Daftari la Wakaazi kwa ajili ya Uchaguzi wa Serikali za Mitaa unaotarajiwa kufanyika tarehe 27 Novemba 2024.


Rais Dkt. Samia ambaye amejiandikisha katika Daftari la Wakaazi wa Kitongoji cha Sokoine, Chamwino Mkoani Dodoma, amesema kila Mtanzania mwenye sifa akajiandikishe kuwa mpiga kura katika Uchaguzi wa Serikali za Mitaa, na kusisitiza umuhimu wa kutofautisha kwenye Daftari la Kudumu la Wapiga Kura la Tume Huru ya Taifa ya Uchaguzi, linalotumika kwa ajili ya Uchaguzi Mkuu wa mwaka 2025, na Daftari la Wakaazi linalotumika uchaguzi wa Novemba 27, 2024. 


“Kuna ubabaifu unajitokeza wengine wanahisi wakijiandikisha kwenye daftari la Tume Huru ya Uchaguzi haina haja kujiandikisha huku tena hapana.  Tunajiandikisha kule kwa ajili ya Uchaguzi wa mwakani, lakini hapa kwenye eneo lako unachagua mwenyekiti wako wa kitongoji na kamati yake na viongozi wengine…ni daftari jingine kabisa,” amesema Dkt. Samia. 


Rais Dkt Samia amesema kuanzia leo tarehe 11 hadi 20 Oktoba, ni siku za kujiandikisha kwenye Daftari la Wakaazi, hivyo watu wajitokeze kwa wingi kuandikishwa kuwa wapiga kura, akiongeza kuwa kila aliyefikisha miaka 21, mwanamke au mwanamme, yuko mbele kwenye shughuli za maendeleo ama ana uhusiano mzuri na watu katika jamii, kujitokeza kuomba kuchaguliwa kuwa kiongozi wa Serikali ya mtaa.



 

Comments

Post a Comment

HABARI ZILIZOSOMWA ZAIDI

Image

𝗠𝗕𝗢𝗪𝗘 𝗔𝗦𝗜𝗧𝗜𝗦𝗛𝗔 𝗠𝗔𝗔𝗡𝗗𝗔𝗠𝗔𝗡𝗢 𝗬𝗔 𝗖𝗛𝗔𝗗𝗘𝗠𝗔 𝗬𝗔 𝗧𝗔𝗥𝗘𝗛𝗘 𝟮𝟯.

Mwenyekiti wa CHADEMA, Freeman Mbowe, ametangaza kusitishwa kwa maandamano yaliyokuwa yamepangwa kufanyika tarehe 23 Septemba 2024. Mbowe alitoa tangazo hilo kupitia mazungumzo ya moja kwa moja kwenye jukwaa la Space katika mtandao wa kijamii wa X (zamani ukijulikana kama Twitter). Mbowe alisema kuwa maamuzi haya yamefikiwa kwa kuzingatia hali ya sasa ya kisiasa na maslahi mapana ya taifa. Alieleza kuwa lengo la maandamano lilikuwa ni kuonesha hisia za wananchi na kudai haki na uwajibikaji wa serikali, lakini kwa sasa wameamua kutoa nafasi kwa mazungumzo na njia za amani kufanikisha malengo yao. Pia aliwahimiza wanachama na wafuasi wa CHADEMA kuendelea kuwa watulivu huku wakiangalia mwelekeo wa mazungumzo hayo na hatua nyingine za kisiasa.
Image

KIKOSI CHA CBE KIMEWASILI ZENJI KUVAANA NA YANGA

Kikosi cha Timu ya CBE, kutoka Nchini Ethiopia kimewasili Visiwani Zanzibar leo, kwa ajili Mchezo wao Wa Marejeano wa Ligi ya Mabingwa Barani Afrika dhidi ya Yanga. Mchezo huo utafanyika katika Uwanja wa New Amaan Complex, Sept 21.2024, Saa Mbili Usiku.  
Image

YANGA YAWASILI SALAMA ETHIOPIA

Yanga wakiwasili kwenye Uwanja wa Ndege wa Kimataifa wa Bole, Addis Ababa tayari kwa mtanange wao na timu ya CBE ya Ethiopia wa Klabu Bingwa Afrika Jumamosi Septemba 14, 2024. Wachezaji wao waliokuwa timu za Taifa wataunga nao huko huko Ethiopia.  
Image

TAKUKURU YAPONGEZWA KUWA BEGA KWA BEGA NA MBIO ZA SEPESHA ZINAZOPINGA RUSHWA YA NGONO

Mkuu wa Wilaya ya Dodoma, Jabir Shekimweri akizungumza wakati wa uzinduzi wa  mbio za Sepasha Rushwa 2024 zenye Kauli Mbiu ya Acha Rushwa ya Ngono  zitakazofanyika Desemba Mosi jijini Dodoma.  Shekimweri ameipongeza Taasisi ya Kuzuia na Kupambana na Rushwa (TAKUKURU) kwa kuziunga kwa asilimia kubwa mbio hizo wakati wa mkutano na vyombo vya habari uliofanyika jijini Dodoma Oktoba 7, 2024. Kushoto ni Naibu Mkuu wa TAKUKURU Mkoa wa Dodoma,Eugenius Hazinamwisho na kulia ni  Mwenyekiti wa Bodi ya Taasisi ya Mabalozi wa Sauti ya Wapinga Rushwa (ACVF), Dk. Dinnah Mmbaga.   Naibu Mkuu wa TAKUKURU Mkoa wa Dodoma,Eugenius Hazinamwisho akielezea kufurahishwa na mbio hizo zinazosaidia kutoa elimu ya kupiga vita Rushwa ya Ngono. Mratibu wa mbio hizo, Eliasa Hussein akitoa shukrani kwa Mkuu wa Wilaya ya Dodoma, Shekimweri kwa kuzilea mbio hizo tangu zilipoanzishwa mwaka 2022.  Mwenyekiti wa Bodi ya Taasisi ya Mabalozi wa Sauti ya Wapinga Rushwa (ACVF), Dk. Dinnah Mmbaga akielezea jinsi Rushwa ya Ngo