NGORONGORO YATAJA MAFANIKIO LUKUKI AWAMU YA RAIS SAMIA

on


    Kamishna wa Uhifadhi Mamlaka ya Hifadhi ya Eneo la Ngorongoro (NCAA) Dkt. Elirehema Doriye akizungumza katika mkutano na vyombo vya habari kwenye Ukumbi wa Idara ya Habari MAELEZO, jijini Dodoma Machi 10, 2025, kuelezea mafanikio ya mamalka hiyo kuelekea maadhimisho ya miaka minne ya Serikali ya Awamu ya Sita inayoongozwa na Rais Samia Suluhu Hassan.


YAFUATAYO NI BAADHI YA MAFANIKIO ALIYOYATAJA KWENYE MKUTANO HUO;


YKKatika kipindi cha miaka minne tangu Serikali ya Awamu ya Sita inayoongozwa na Mheshimiwa Rais Dkt. Samia Suluhu Hassan kuingia madarakani, Mamlaka ya Hifadhi ya Ngorongoro (NCAA) imepata mafanikio makubwa katika utekelezaji wa majukumu yake ya uhifadhi, utalii, na maendeleo ya jamii. 

 

1.    UHIFADHI NA ULINZI WA RASILIMALI ZA HIFADHI

Katika kuhakikisha uhifadhi bora wa rasilimali za hifadhi, NCAA imefanikiwa kutekeleza hatua mbalimbali kama ifuatavyo:

     I.        Kudumisha Hadhi za Kimataifa

  • Mamlaka imeendelea imetunza hadhi zake za kimataifa kutoka UNESSCO kama eneo lenye urithi mchanganyiko, Biosphere Reserve na Global Geopark.
  • Eneo hili linaendelea kuwa moja ya maajabu saba ya asili barani Afrika, likiwa na miamba na sura za nchi zinazoelezea historia ya dunia na uumbaji wake.

    II.        Udhibiti wa Mimea Vamizi

  • NCAA imeendelea kudhibiti mimea vamizi katika zaidi ya hekta 5,207.5 ndani ya hifadhi. Hatua hii imeboresha uhifadhi wa wanyamapori na ikolojia yao.

     I.        Ufuatiliaji na Ulinzi wa Wanyamapori

  • Mfumo wa ufuatiliaji wa wanyamapori umeimarishwa ambapo faru 29 wamewekewa alama za masikio na vinasa mawimbi kwa ajili ya kufuatilia mwenendo wao na kuimarisha ulinzi.

    II.        Udhibiti wa Ujangili

  • NCAA, kwa kushirikiana na vikosi maalum na vyombo vya usalama, imefanikiwa kudhibiti ujangili wa wanyamapori ndani na nje ya Hifadhi ya Ngorongoro na Pori la Akiba la Pololeti.
  • Matukio ya ujangili wa tembo yamepungua kutoka 25 mwaka 2020/2021 hadi tukio moja tu mwaka 2022/2023, na hakuna tukio lolote mwaka 2024.
  • Mamlaka imekamata watuhumiwa 207 wa ujangili, ambapo 175 wamefikishwa mahakamani.
  • Mitandao ya ujangili inayotumia sumu na silaha za jadi imevunjwa katika maeneo mbalimbali.
  • Mafanikio haya yanatokana na ushirikiano madhubuti na matumizi ya teknolojia za kisasa katika kulinda wanyamapori.

  III.        Kuboresha Usalama wa Wageni

·         Matukio ya uhalifu dhidi ya wageni ndani ya hifadhi yamepungua kutoka matukio 7 mwaka 2020/2021 hadi sifuri mwaka 2024 jambo linaloimarisha usalama wa watalii.

  IV.        Ujenzi wa Vituo vya Askari

  • Mamlaka imejenga vituo viwili vya askari katika Wilaya za Korogwe na Same kwa ajili ya kusaidia Serikali kudhibiti wanyamapori wakali na waharibifu katika maeneo ya wananchi.

   V.        Udhibiti wa Migogoro ya Mipaka

  • Ili kudhibiti migogoro ya ardhi na uvamizi wa maeneo ya hifadhi, NCAA imejenga vigingi 110 katika mipaka ya hifadhi kwa lengo la kuimarisha utambuzi wa maeneo yaliyohifadhiwa.

  VI.        Uhifadhi wa Mazingira

Mamlaka imeotesha na kugawa miche ya miti 1,150,188 katika maeneo mbalimbali nchini kwa lengo 
  • la kuhifadhi mazingira na kukabiliana na mabadiliko ya tabianchi.

     I.        Ongezeko la Idadi ya Wanyamapori

  • Idadi ya faru weusi imeongezeka kwa 40% kutoka mwaka 2020 hadi 2024, kutokana na juhudi madhubuti za uhifadhi.
  • Idadi ya simba ndani ya hifadhi imefikia takriban 188.
  • Idadi ya tembo imeongezeka kutoka 800 mwaka 2020 hadi makadirio ya 1,300 mwaka 2024.

 

    II.        Kuimarika kwa Hali ya Uhifadhi katika Pori la Akiba Pololeti na Ngorongoro

·         Mamlaka ya Hifadhi ya Ngorongoro (NCAA) imeimarisha ulinzi wa rasilimali, hali iliyosaidia kudhibiti ujangili na kurejesha mfumo wa kiikolojia wa Serengeti-Masai Mara. Hatua hizi zimechochea urejeo wa uoto wa asili na malisho ya wanyamapori.

·         Matukio ya ujangili wa tembo yamepungua kutoka 25 mwaka 2020 hadi sifuri mwaka 2024 katika Ngorongoro na Pololeti. Kwa kushirikiana na vikosi vya usalama, NCAA imefanikiwa kukamata watuhumiwa 207 wa ujangili, huku mitandao ya ujangili kwa sumu na silaha za jadi ikidhibitiwa.

·         Aidha, ili kukabiliana na changamoto za uhifadhi katika maeneo jirani, NCAA imewezesha upimaji na uandaaji wa Mpango wa Matumizi Bora ya Ardhi kwa vijiji 36, ndani ya eneo la km² 2,500.

·         Hatua hizi zimeleta mafanikio makubwa katika uhifadhi endelevu wa Ngorongoro na Pori la Akiba Pololeti.

 

  III.        Upandikizaji wa Faru Weupe

  • Mwezi Machi 2025, Mamlaka imepandikiza faru weupe ndani ya Kreta ya Ngorongoro ikiwa ni lengo la kusaidia kuhifadhi wanyama hawa adimu ambao wako kwenye hatari ya kutoweka duniani pamoja na faru weusi ambao Kreta ya Ngorongoro inasifika kwa kuwa mahali salama kwa faru hawa.
    • Mamlaka, baada ya kufanya tafiti kwa kushirikiana na Taasisi ya Utafiti wa Wanyamapori (TAWIRI), ilijiridhisha kuwa eneo la Kreta ni salama na bora kwa ustawi wa wanyama hawa.
    • Kwasasa, faru hawa wanaendelea vizuri bila changamoto yoyote.1.    ONGEZEKO LA IDADI YA WATALII NA MAPATO YA SERIKALI

      Hifadhi ya Ngorongoro ni moja ya maeneo yanayotembelewa na watalii wengi nchini Tanzania kutokana na vivutio vyake vya kipekee, vikiwemo mandhari ya kuvutia, wanyamapori wengi, na historia ya kipekee ya kiutamaduni na kiakiolojia. Hali hii imepelekea hifadhi hii kuwa moja ya vivutio vinavyochangia asimilia kubwa ya watalii wanaokuja nchini.

       

      Takwimu zinaonesha kuwa kati ya Julai 2021 hadi Februari 2025, jumla ya watalii 2,916,540 wametembelea vivutio vya utalii ndani ya hifadhi ya Ngorongoro. Katika kipindi hicho, mapato ya shilingi 693,959,894,001 yamekusanywa na kuingia kwenye Mfuko Mkuu wa Serikali. Mchanganuo wa mapato hayo kwa kila mwaka wa fedha ni kama ifuatavyo:

      • Mwaka wa fedha 2021/22
        • Idadi ya watalii: 425,386 (Watalii wa nje: 228,810, Watalii wa ndani: 196,576)
        • Mapato yaliyokusanywa: TZS 91,131,434,280.54
      • Mwaka wa fedha 2022/23
        • Idadi ya watalii: 752,232 (Watalii wa nje: 458,351, Watalii wa ndani: 293,881)
        • Mapato yaliyokusanywa: TZS 171,257,737,653.10
      • Mwaka wa fedha 2023/24
        • Idadi ya watalii: 908,627 (Watalii wa nje: 553,875, Watalii wa ndani: 354,752)
        • Mapato yaliyokusanywa: TZS 219,547,542,813
      • Mwaka wa fedha 2024/25 (Julai – Februari 2025)
          • Idadi ya watalii: 830,295 (Watalii wa nje: 509,610, Watalii wa ndani: 320,685)
          • Mapato yaliyokusanywa: TZS 212,023,179,255.68

         

        Katika mwaka 2024/25 mwenendo unaonyesha Mamlaka itapata watalii zaidi ya Milioni moja na mapato zaidi ya lengo ambalo iliweka ambalo ni kukusanya Bilioni 230 ambapo hadi sasa katika mapato haya imeshakusanya asilimia 92.

         

        Takwimu hizi zinaonesha kuwa juhudi za Mheshimiwa Rais kupitia filamu za Royal Tour na Amazing Tanzania zimechangia kutangaza nchi yetu na kuongeza idadi ya wageni wanaotembelea vivutio vyetu vya utalii. Vilevile, mikakati mbalimbali ya shirika pamoja na ushirikiano kati ya sekta binafsi na mamlaka za utalii umechangia kwa kiasi kikubwa ongezeko hili.

         


Comments

Post a Comment

HABARI ZILIZOSOMWA ZAIDI

Image

RAIS TRUMP ARARUANA NA RAIS WA UKRAINE

 Rais wa marekani Donald Trump amekutana  na Rais wa Ukraine ndugu Volodymyr Zelenskiy pale  White House jijini Washington, D.C., February 28, 2025.  Mkutano wa Ikulu ya White House kati ya Rais wa Marekani Donald Trump na Rais wa Ukraine Volodymyr Zelenskyy uliolenga kupata makubaliano ambayo yangeruhusu Marekani kupata haki adimu za madini ya Ukrain uligeuka kuwa mechi ya kelele kati ya viongozi hao wawili huku Trump akimtishia Zelenskyy kwa "Utafanya makubaliano au tunatoka."   Katika taarifa yake kwenye mitandao ya kijamii kufuatia mkutano huo, Trump alionyesha kuwa makubaliano hayo yamezimwa.   "Nimeamua kuwa Rais Zelenskyy hayuko tayari kwa Amani ikiwa Amerika itahusika, kwa sababu anahisi kuhusika kwetu kunampa faida kubwa katika mazungumzo," Trump aliandika. Zelenskiy na Trump wamesuguana kwa hoja na vioja baada ya Zelenskiy kumshutumu Trump kuwa amekuwa laini mno kwa rais wa Russia Vladimir Putin huku Trump akimshutumu zelenskiy kuwa hana...
Image

MWABUKUSI ATOA NENO SIMBA KUSUSIA DERBY DHIDI YA YANGA

  Kufuatia kile ambacho kimetokea usiku wa jana kwa klabu ya Simba kuzuiwa kufanya mazoezi ya mwisho katika Uwanja wa Benjamin Mkapa, na kueleza hawatashiriki mchezo wa Dabi ya dhidi ya Yanga SC. Kupitia mtandao wa X zamani (Twitter) Rais wa Chama cha WanaSheria Tanganyika (TLS) Wakili Boniface Mwabukusi ametoa neno. "Hata kama Simba imezuiwa kucheza ilitakiwa ieleze imechukua hatua gani za kiuongozi kuwasiliana na wahusika baada ya kupuuzwa kwa maelekezo ya Kamishna wa Mchezo. "Huwezi toa tamko kwa umma halafu unaacha maelezo ya msingi na kuishia kusema haki imehifadhiwa ? Ni kukosa umakini je ninyi kama club mumechukua hatua zipi za kusisitiza haki zenu katika kuitaarifu Bodi ya Ligi? au TFF?"
Image

SERIKALI YALIKUBALI OMBI LA DIAMOND

SERIKALI imesema itajenga Arena yenye uwezo wa kuingiza zaidi ya watu 15,000 katika eneo la Kawe Dar es Salaam. Kauli hiyo inakuja baada ya msanii wa muziki wa kizazi kipya Nassibu Abdul ‘Diamond Platnumz’ kumuomba Rais Samia Suluhu Hassan kuharakisha ujenzi wa Arena ili wasanii wapate ukumbi wa kufanya shughuli zao. Akizungumza na waandishi wa habari Dar es Salaam leo, Katibu Mkuu wa Wizara ya Habari, Utamaduni, Sanaa na Michezo Gerson Msigwa amesema baada ya Rais Samia kufanya ziara Korea, amepata mkopo wa masharti nafuu wa Dola bilioni 2.5. Advertisement “Kati ya fedha hizo ameamua kukata Sh bilioni 450 kwa ajili ya kuzileta Wizara ya Habari, Utamaduni, Sanaa na Michezo kujenga Arena kwanza halafu itafuatia kijiji cha filamu,”amesema. Amesema fedha zitakapotoka Korea na kufika kwao wataanza ujenzi wa Arena mara moja ili uwanja huo uanze kutumika kwa ajili ya shughuli za michezo na burudani. “Arena inakuja, ndugu zangu wasanii tumshukuru sana Rais Samia, hili jambo lilikuwa linamu...
Image

HOSPITALI YA MUHIMBILI YAANZISHA HUDUMA YA KISASA YA KUZIBA MAPENGO

Hospitali ya Taifa Muhimbili (MNH) Imeanzisha matibabu ya kuziba mapengo   Vipandikizi Meno (Dental Implant), ambapo  mzizi bandia hupandikizwa kwenye taya, kisha kuwekewa meno juu yake yanayogandishwa na kutumika kama sehemu ya meno yake ya kuzaliwa nayo. Aidha,  Serikali imewezesha hospitali hiyo kununua mashine ya kisasa kabisa inayowezesha uchunguzi wa magonjwa ya mifupa ya taya pamoja na CT scan ya uso na kichwa kusaidia kupanga upandikizaji wa vipandikizi vya meno ambapo tangu kununuliwa mwishoni mwa mwaka 2024 tayari wagonjwa 2,251 wamenufaika. Hayo yameelezwa na Mkurugenzi wa Huduma ya Upasuaji wa hospitali hiyo, Dkt. Rachel Mhaville alipokuwa akizungumza na waandishi wa habari  katika Ukumbi wa Idara ya Habari MAELEZO jijini Dodoma Machi 6, 2025, kuhusu mafanikio ya MNH katika miaka minne ya ya Serikali ya Awamu ya Sita inayoongozwa na Rais Samia Suluhu Hassan. Dkt. Mhaville ambaye kwenye mkutano huo alikuwa anazungumza kwa niaba ya Mkurugenzi Mkuu wa M...
Image

ARAJIGA AULA KOMBE LA DUNIA

  WAAMUZI wa Tanzania Ahmed Arajiga, Kassim Mpanga, Said Hamdani na Salum Nasir wameteuliwa na na Shirikisho la soka Duniani (FIFA) kuchezesha mchezo wa Kundi G wa kuwania kufuzu Kombe la Dunia 2026 kati ya wenyeji Botswana dhidi ya Algeria utakaopigwa Mjini Francistown Nchini Botswana Machi 21, 2025. Algeria na Msumbiji wapo kileleni mwa Kundi G wakiwa na pointi 9 kila mmoja wakifuatiwa na Botswana, Guinea, na Uganda wenye pointi 6 kila mmoja huku Somalia ikiburuza mkia bila pointi yoyote