NMB YAFUTURISHA ZANZIBAR, YAAHIDI KULEA YATIMA 106 MWEZI WA RAMADHANI

on

NA MWANDISHI WETU
 
SERIKALI ya Mapinduzi ya Zanzibar (SMZ), imekiri kuvutiwa na mchango mkubwa wa Benki ya NMB kwa makundi mbalimbali ya kijamii, ikiwemo kusaidia utatuzi wa changamoto za Watoto Yatima na Wanaoishi Kwenye Mazingira Magumu, iliyoutaja kuwa ndio siri ya mafanikio yaliyotukuka ya benki hiyo inayopata siku baada ya siku.
 
Hayo yamesemwa na Spika wa Baraza la Wawakilishi Zanzibar (BLW), Zubeir Ali Maulid, kwa niaba ya Makamu wa Pili wa Rais wa Zanzibar, Hemed Suleiman Abdulla, wakati wa Hafla ya Iftar iliyoandaliwa na NMB kwa ajili ya wateja wao, viongozi wa Serikali, wa dini na Watoto Yatima na Wanaoishi Mazingira Magumu Zanzibar.
 
Iftar hiyo iliyofanyika Jumatano Machi 12 mjini Unguja, ilijumuisha takribani watoto 70 kati ya 106 wanaolelewa na Kidundo Orphanage (30) na Muftuh Foundation (76) vya Zanzibar, ambapo NMB iliwakabidhi misaada mbalimbali ya vyakula na kuweka ahadi ya kuwahudumia watoto hao katika mwezi mzima wa Ramadhani.
 
Kwa niaba ya Makamu wa Pili wa Rais wa Zanzibar, Spika Maulid aliishukuru NMB kwa kujali makundi mbalimbali ya kijamii, hususani ya Watoto Wenye Uhitaji na kwamba moyo wa kutoa na kuthamini vijana hao, umesaidia kuifanya benki hiyo kupata mafanikio makubwa na kushinda Tuzo za Kitaifa na Kimataifa, ikiwemo ya Mlipa Kodi Bora Mwaka 2024.
 
“Serikali ya Zanzibar inatambua na kuthamini mchango wenu katika makundi mbalimbali sio tu ya wajasiriamali, wafanyabiashara na wateja wenu kwa ujumla, bali pia Watoto Yatima na Wanaoishi Mazingira Magumu, moyo huo ndio siri wa mafanikio makubwa mnayoyapata siku hadi siku.
 
“Tunatamani kuona taasisi nyingi, wadau mbalimbali wakijitokleza kufuata nyazo za NMB katika kuwashika mkono watoto wenye uhitaji nchini ili kuwaendeleza katika maisha yao, jambo hili sio tu linaleta furaha ma ujira mwema, bali linatusukuma kukumbuka wajibu wetu wa kusaidiana,” alisema Spika Maulid katika hafla hiyo.
 
Alibainisha ya kwamba, mfululizo wa hafla za iftar kila mwaka katika mikoa mbalimbali nchini, ni ishara njema ya namna NMB inavyoweka mbele maslahi mapana ya jamii, yakiwemo makundi ya watu wenye uhitaji, huku akiitaka kudumisha utamaduni huo na kushirikiana na Serikali katika kuiletea jamii maendeleo.
 
Kwa upande wake, Afisa Mkuu wa Fedha wa NMB, Bw. Juma Kimori, kwa niaba ya Afisa Mtendaji Mkuu (CEO) wa benki hiyo, Bi. Ruth Zaipuna, aliishuru SMZ kwa ushirikiano mkubwa inatoa kwa taasisi yake na kwamba ujio wa viongozi waandamizi na uwingi wa waalikwa, unaakisi imani na heshima kubwa waliyonayo kwa benki yake.
 
“Kukusanyika pamoja nyakati za mfungo wa Ramadhan, umekuwa ni utamaduni endelevu wa benki yetu, lengo likiwa sio tu kujumuika pamoja na wateja wetu, viongozi wa dini, Serikali na watoto wenye uhitaji, bali pia kustawisha mahusiano mema baina yetu na jamii na pia kudumisha ukaribu na hii ni faraja kubwa kwetu.
 
“Kufanya hivi, tunajaribu kuiishi kaulimbiu yetu isemayo: Karibu Yako, kwani mahusiano mazuri kati ya NMB na wateja wetu, sambamba na wadau mbalimbali, yamekuwa chachu ya mafanikio yetu na ndio maana tunautumia mwezi huu kukutana nao, huku tukikumbushana umuhimu wa kutenda yaliyo mema.
 
“NMB tunaona ipo haja ya kutumia mwezi huu kutafakari kwa pamoja mazuri yote ambayo Mungu ametujaalia, kuendelea kuwa watu wema, wenye kushiriki matendo yanayompendeza Mungu ndani ya mfungo wa Ramadhani na hata baada ya mfungo,” alibainisha Bw. Kimori mbele ya waalikwa zaidi ya 600 waliohudhuria Iftar hiyo.
 
Aliongeza ya kwamba anaamini kusanyiko hilo lililojumuisha Watoto Yatima wanaolelewa na Vituo vya Kidundo na Muftuh, ni fursa inayoenda kuacha alama mioyoni mwa watoto hao, kwani limewapa fursa nzuri na muhimu ya kujifunza na kuhamasika kutenda mema na kuwa wakarimu kwa jamii inayowazunguka.
 
“Kama tulivyofanya Dar es Salaam tulikofuturisha watoto kutoka vituo viwili, pamoja na iftari hii leo, NMB tunaahidi mbele yako    Mheshimiwa Spika ya kwamba, tutaendelea kusaidia vituo hivi na watoto wake wote katika kipindi chote cha Ramadhan na hapa leo tunao msaada wa vyakula tutavyokukabidhi, nawe uvikabidhi kwao,” aliongeza Bw. Kimori.
 
Kwa nyakati tofauti, walezi wa  Kidundo Orphanage Center na Muftuh Foundation Center, Khalid Idd na Idrisa Juma Kombo, waliishukuru NMB sio tu kwa kuwaalika katika hafla hiyo, bali kujitoa kusaidia mahitaji na huduma za watoto wa vituo vyao katika kipindi chote cha Ramadhani, huku wakizitaka taasisi zingine kufuata nyayo za benki hiyo.
 
“Kwetu sisi kama Kidundo, hii sio mara ya kwanza kwa NMB kutushika mkono, ndio maana tunapowashukuru na kuwapongeza kwa kutujali na kusaidia utatuzi wa changamoto zetu, tunaona ipo haja ya taasisi zingine kufuata nyayo hizo katika kuwaangalia watoto hawa kwa jicho la huruma,” alisema Khalid Idd Haji wa Kidundo chenye watoto 30.
 
Naye Kombo wa Muftuh Foundation, alisema: “Tunaishukuru NMB kwa kutufuturisha, lakini pia kwa sadaka kubwa iliyotoa na iliyoahidi kutupatia katika mwezi mzima wa Ramadhani. Changamoto kwa watoto wetu (76) tulionao ni nyingi ndio maana tunapopata msaada kama huu tunafurahi na kuomba taasisi zingine nazo zifuate nyayo za kutusaidia malezi.”
 
Mwisho


















 

Comments

Post a Comment

HABARI ZILIZOSOMWA ZAIDI

Image

RAIS TRUMP ARARUANA NA RAIS WA UKRAINE

 Rais wa marekani Donald Trump amekutana  na Rais wa Ukraine ndugu Volodymyr Zelenskiy pale  White House jijini Washington, D.C., February 28, 2025.  Mkutano wa Ikulu ya White House kati ya Rais wa Marekani Donald Trump na Rais wa Ukraine Volodymyr Zelenskyy uliolenga kupata makubaliano ambayo yangeruhusu Marekani kupata haki adimu za madini ya Ukrain uligeuka kuwa mechi ya kelele kati ya viongozi hao wawili huku Trump akimtishia Zelenskyy kwa "Utafanya makubaliano au tunatoka."   Katika taarifa yake kwenye mitandao ya kijamii kufuatia mkutano huo, Trump alionyesha kuwa makubaliano hayo yamezimwa.   "Nimeamua kuwa Rais Zelenskyy hayuko tayari kwa Amani ikiwa Amerika itahusika, kwa sababu anahisi kuhusika kwetu kunampa faida kubwa katika mazungumzo," Trump aliandika. Zelenskiy na Trump wamesuguana kwa hoja na vioja baada ya Zelenskiy kumshutumu Trump kuwa amekuwa laini mno kwa rais wa Russia Vladimir Putin huku Trump akimshutumu zelenskiy kuwa hana...
Image

MWABUKUSI ATOA NENO SIMBA KUSUSIA DERBY DHIDI YA YANGA

  Kufuatia kile ambacho kimetokea usiku wa jana kwa klabu ya Simba kuzuiwa kufanya mazoezi ya mwisho katika Uwanja wa Benjamin Mkapa, na kueleza hawatashiriki mchezo wa Dabi ya dhidi ya Yanga SC. Kupitia mtandao wa X zamani (Twitter) Rais wa Chama cha WanaSheria Tanganyika (TLS) Wakili Boniface Mwabukusi ametoa neno. "Hata kama Simba imezuiwa kucheza ilitakiwa ieleze imechukua hatua gani za kiuongozi kuwasiliana na wahusika baada ya kupuuzwa kwa maelekezo ya Kamishna wa Mchezo. "Huwezi toa tamko kwa umma halafu unaacha maelezo ya msingi na kuishia kusema haki imehifadhiwa ? Ni kukosa umakini je ninyi kama club mumechukua hatua zipi za kusisitiza haki zenu katika kuitaarifu Bodi ya Ligi? au TFF?"
Image

SERIKALI YALIKUBALI OMBI LA DIAMOND

SERIKALI imesema itajenga Arena yenye uwezo wa kuingiza zaidi ya watu 15,000 katika eneo la Kawe Dar es Salaam. Kauli hiyo inakuja baada ya msanii wa muziki wa kizazi kipya Nassibu Abdul ‘Diamond Platnumz’ kumuomba Rais Samia Suluhu Hassan kuharakisha ujenzi wa Arena ili wasanii wapate ukumbi wa kufanya shughuli zao. Akizungumza na waandishi wa habari Dar es Salaam leo, Katibu Mkuu wa Wizara ya Habari, Utamaduni, Sanaa na Michezo Gerson Msigwa amesema baada ya Rais Samia kufanya ziara Korea, amepata mkopo wa masharti nafuu wa Dola bilioni 2.5. Advertisement “Kati ya fedha hizo ameamua kukata Sh bilioni 450 kwa ajili ya kuzileta Wizara ya Habari, Utamaduni, Sanaa na Michezo kujenga Arena kwanza halafu itafuatia kijiji cha filamu,”amesema. Amesema fedha zitakapotoka Korea na kufika kwao wataanza ujenzi wa Arena mara moja ili uwanja huo uanze kutumika kwa ajili ya shughuli za michezo na burudani. “Arena inakuja, ndugu zangu wasanii tumshukuru sana Rais Samia, hili jambo lilikuwa linamu...
Image

HOSPITALI YA MUHIMBILI YAANZISHA HUDUMA YA KISASA YA KUZIBA MAPENGO

Hospitali ya Taifa Muhimbili (MNH) Imeanzisha matibabu ya kuziba mapengo   Vipandikizi Meno (Dental Implant), ambapo  mzizi bandia hupandikizwa kwenye taya, kisha kuwekewa meno juu yake yanayogandishwa na kutumika kama sehemu ya meno yake ya kuzaliwa nayo. Aidha,  Serikali imewezesha hospitali hiyo kununua mashine ya kisasa kabisa inayowezesha uchunguzi wa magonjwa ya mifupa ya taya pamoja na CT scan ya uso na kichwa kusaidia kupanga upandikizaji wa vipandikizi vya meno ambapo tangu kununuliwa mwishoni mwa mwaka 2024 tayari wagonjwa 2,251 wamenufaika. Hayo yameelezwa na Mkurugenzi wa Huduma ya Upasuaji wa hospitali hiyo, Dkt. Rachel Mhaville alipokuwa akizungumza na waandishi wa habari  katika Ukumbi wa Idara ya Habari MAELEZO jijini Dodoma Machi 6, 2025, kuhusu mafanikio ya MNH katika miaka minne ya ya Serikali ya Awamu ya Sita inayoongozwa na Rais Samia Suluhu Hassan. Dkt. Mhaville ambaye kwenye mkutano huo alikuwa anazungumza kwa niaba ya Mkurugenzi Mkuu wa M...
Image

ARAJIGA AULA KOMBE LA DUNIA

  WAAMUZI wa Tanzania Ahmed Arajiga, Kassim Mpanga, Said Hamdani na Salum Nasir wameteuliwa na na Shirikisho la soka Duniani (FIFA) kuchezesha mchezo wa Kundi G wa kuwania kufuzu Kombe la Dunia 2026 kati ya wenyeji Botswana dhidi ya Algeria utakaopigwa Mjini Francistown Nchini Botswana Machi 21, 2025. Algeria na Msumbiji wapo kileleni mwa Kundi G wakiwa na pointi 9 kila mmoja wakifuatiwa na Botswana, Guinea, na Uganda wenye pointi 6 kila mmoja huku Somalia ikiburuza mkia bila pointi yoyote