JARIBIO LA MAPINDUZI WATU 42 WAPOTEZA MAISHA UTURUKI


 Jumla ya watu 42 wamepoteza maisha baada ya kundi moja la kijeshi nchini Uturuki kufanya jaribio la mapinduzi usiku wa kuamkia leo. Pia taarifa kutoka nchini humo zimesema kwamba wanajeshi hao wamekatwa 120, wakijaribu kufanya mapinduzi hayo kwenye Ikulu ya Uturuki.
 Vyombo vya habari Uturuki vimetangaza kwamba maofisa wengi wakuu wa jeshi, akiwemo mkuu wa Jeshi Jenerali Hulusi Akar wametekwa wakiwa katika makao makuu ya jeshi Ankara.
Kutokana na tukio hilo madaraja jijini Istanbul yamefungwa na ndege za kijeshi zikionekana kupaa katika anga ya Ankara.
 Kwa mujibu wa kituo cha CNN Waziri Mkuu Binalo Yildirim ametangaza kuwepo kwa hatua zisizo halali zilizochukuliwa na jeshi hilo na kusisitiza kuwa hakuna mapinduzi ya kijeshi.Amedai kwamba serikali bado inadhibiti nchi.
Hata hivyo magari yamezuiwa kuvuka katika madaraja yanayovuka mto Bosphorus jijini Istanbul huku bado risasi zikirindima katika mji mkuu huo.
 Kituo cha CNN Idhaa ya Uturuki kimeripoti kuwa Rais Recep Tayyip Erdogan yuko salama.
Mitandao ya kijamii ya Facebook, Twitter na YouTube ilizimwa muda mfupi baada ya taarifa za mapinduzi ya serikali kutokea
 Rais wa Marekani Barack Obama ameungana na viongozi wengine kuhimiza utulivu nchini Uturuki baada ya kundi la wanajeshi kutekeleza jaribio la kupindua serikali.
 Obama amehimiza pande zote Uturuki kuunga mkono "serikali iliyochaguliwa kidemokrasia Uturuki, kuonyesha uvumilivu, na kujizuia na vurugu au umwagikaji wa damu’’Taarifa kutoka Ikulu ya Marekani imesema
 Waziri wa Mambo ya Nje wa Marekani John Kerry, naye amesema anatumai kutakuwa na uthabiti, Amani na uendelevu.
Msemaji wa Ikulu ya Urusi Dmitry Peskov amesema Urusi inawasiwasi na ingetaka kuona Uturuki ikirejea katika njia ya uthabiti na utawala wa kisheria
Runinga ya Taifa ya Uturuki, iliyotumiwa kutangaza mapinduzi, ilifungwa kwa muda ingawa baadaye ilirejea hewani pia Mitandao ya kijamii pia ilifungwa, ingawa haikubainika ni nani aliyeifunga.
 Waziri Mkuu wa Uturuki Binali Yildirim, akiongea kwenye runinga, amesema kulikuwa na kundi jeshini lililotaka kupindua serikali.
0

HABARI ZILIZOSOMWA ZAIDI

MATOKEO YA KIDATO CHA PILI, DARASA LA SABA YATANGAZWA ZANZIBAR

HIVI NDIVYO BIASHARA YA NGONO NAMNA INAVYOTIKISA MOROGORO: SEHEMU YA PILI.

ZAIDI YA WANANCHI 500 KUSHIRIKI MAFUNZO YA MKIKITA YA KILIMO CHA PAPAI SALAMA

MKIKITA YATOA OFA KWA KILA HEKA YA PAPAI SH. MIL. 2 KUTANDAZA MIUNDOMBINU YA UMWAGILIAJI

WATEJA WA NSSF DAR WATIMULIWA KWA MTUTU WA BUNDUKI

DIAMOND AITWA NA NYOTA YAJAA GOMS

KAMISHNA MARIJANI AZINDUA CHAMA CHA WAFUGAJI MBWA TANZANIA (TCA)

PICHA:NYOKA AINA YA CHATU AUWAWA KANISANI BAADA YA KUKUTWA NYUMBANI KWA MFANYABIASHARA MAARUFU JIJINI ARUSHA AKISADIKIWA KWA IMANI ZA KISHIRIKINA