MACHOZI YANGU HOSPITALI YA BENJAMINI MKAPA

on

Kuna wakati Mtanzania unafika mahali halafu moyo wako unasimama kwa sekunde chache ukitafakari. Unajiuliza: “Hii kweli ni Tanzania yetu?” Ndivyo nilivyojisikia leo nilipofika katika Hospitali ya Benjamin Mkapa jijini Dodoma.


Nimelemewa hadi machozi yamenitoka. Yamenitoka si kwa sababu ya ugonjwa si kwa sababu ya huzuni, bali kwa sababu ya kuona picha halisi ya Tanzania inayowezekana. Tanzania ambayo watu wake tunaweza kuishi kwa heshima na upendo. Tanzania ambayo huduma zinaweza kumfanya mwananchi ajione ana thamani.

Kuanzia nje ya hospitali hii, unapokewa na mandhari yenye kuvutia. Maua yaliyopangwa kwa ustadi. Maegesho ya magari yaliyopangika. Bustani safi za kuvutia na miti inayosafisha hewa. Majengo meupe makubwa yanayong’aa kwa ustaarabu wa kisasa ni kivutio murua. Haya ni majengo yenye hadhi, uimara na taswira ya taifa ambalo wenye kulitakia mema wangetaka liwe zuri.


Ndani ya hospitalu hii kuna utulivu wa ajabu. Hakuna vurugu. Hakuna makelele yasiyo na mpangilio. Wagonjwa wanaitwa kwa namba kwa utaratibu unaompa kila mmoja heshima yake. Sehemu za kukaa ni nzuri na za kisasa. Wahudumu wanazungumza kwa upole. Nimepokewa na kuelekezwa kwa daktari wa moyo. Ni binti mwema. Yeye na mwenzake wa mapokezi wamenifanya nihisi ugonjwa ulionileta hapa umetoweka!


Wafanyakazi wengi wana bashasha kwenye nyuso, na bila shaka mioyoni. Madaktari na wauguzi wanampokea mgonjwa kama binadamu mwenye thamani, si mzigo.


Vyoo vipo vya kutosha. Visafi. Vinatumia maji ya kuflashi. Hili linaweza kuonekana jambo dogo kwa wengine, lakini kwa wengi usafi wa vyoo ni kipimo cha ustaarabu.


Mghahawa wake nao ni wa kiwango kinachostahili kuitwa mghahawa wa hospitali ya taifa. Siyo yale mabanda ya nje yenye mazingira yasiyo na hadhi ambayo mara nyingi huonekana katika baadhi ya hospitali nyingine. Hapa unaona kuwa mgonjwa na ndugu yake wanastahili mazingira bora hata wanapokula. Hapa watu wa hadhi zote wanashiriki chakula.


Kila mahali kuna televisheni. Vibao vya matangazo na maelekezo vimeenea kwa mpangilio unaorahisisha huduma. Maabara zina teknolojia ya kisasa kiasi kwamba majibu yanaweza kupokewa kwenye simu ya mgonjwa au ndugu yake. Rekodi zote za mgonjwa zinawekwa kidijitali kwenye mfumo maalumu. Hii ndiyo Tanzania ambayo wapenda nchi wote wanatamani kuiona.


Nilipotazama haya yote, swali moja lilinigonga moyoni: “Kama tunaweza kufanya hivi hapa, kwa nini isiwe kote nchini?”


Hapo ndipo moyo wangu unapouma na machozi kuanza kunitoka.


Tatizo letu mara nyingi si ukosefu wa uwezo. Tatizo ni kasoro zetu wenyewe kama taifa. Tukiondoa uzembe, ufisadi, wizi wa mali za umma, ubabe wa baadhi ya vyombo vya dola, ukosefu wa haki, na tabia ya kutokujali mambo ya msingi ya wananchi — Tanzania inaweza kuwa moja ya nchi bora kabisa barani Afrika.


Tuna ardhi nzuri. Tuna watu wazuri. Tuna amani iliyotikiswa. Tuna rasilimali. Tuna watu wenye akili na uzalendo. Kinachotukwamisha mara nyingi ni sisi wenyewe ndiyo maana mara zote nimeamini matatizo au mafanikio yetu ni mazao tunayosiha, kuyapalilia na kuyavuna sisi wenyewe.


Ni kwa sababu kama hizo, Hospitali ya Benjamin Mkapa inapaswa kuwa somo la taifa. Inapaswa kutukumbusha kwamba maendeleo yanawezekana. Kwamba fedha za umma zikitumika vizuri, matokeo yanaonekana. Kwamba taasisi zikiendeshwa kwa nidhamu, wananchi watapata huduma nzuri..


Tukitofautiana kisiasa, tutofautiane kwa hoja na ustaarabu. Tuache mambo mabovu kama haya mawazo ya kufuta vyama vya siasa. Tuache kuwa taifa linaloota uchaguzi tu kila leo. Tuifanye Tanzania iwe nchi ya demokrasia ya kweli ili Watanzania wote washiriki kufurahia matunda ya uhuru na kodi zao. 


Tusibomoe taifa letu kwa chuki, tamaa, au vita vya maslahi binafsi kwa kundi fulani pekee. Nchi hii si yetu peke yetu. Ni urithi wa watoto na wajukuu wetu.


Watoto wa kesho wanapaswa kurithi Tanzania yenye hospitali bora, shule bora, barabara bora, haki bora na maisha yenye utu na haki.


Ninapotoka Hospitali ya Benjamin Mkapa, naondoka na jambo moja moyoni: Tanzania yetu ni nzuri, kinachohitajika ni kuipenda kwa vitendo.


Manyerere J.N

Dodoma

Mei 16, 2026






Comments

Post a Comment

HABARI ZILIZOSOMWA ZAIDI

Image

MAKABILA 10 YENYE WANAWAKE WAREMBO TANZANIA

  1. Wahiraki,  Hawa ni wanawake wa jamii ya Wahiraki wa napatikana kaskazini mwa Tanzania wamezagaa mikoa ya manyara ni weupe Wana Umbo zuri wanavutia kwa Macho. 2. Warangi,  Hawa ni wanawake jamii ya Warangi ni wazuri nywele zao ni asili ya waraabu weupe sura nzuri wanapatikana kondoa. 3. Wanyiramba.  Hawa ni warembo Sana sura matata wanapatikana mkoa wa singida kaskazini, usipokua makini utawafananisha na wanyaturu 4. Wamasai,  kabila hili wanawake wazuri sio wengi Sana lakini ukikutana na sampuli Tatu au nne hivi utauza hata boxa kuongezea mahari wamezagaa Sana Arusha 5. Wahaya,  hawa nao ni jamii ya Kanda ya ziwa maumbile Yao Kuna weupe miguu Yao ya bia shape matata wamejaa Sana bukoba. 6. Wanyaturu,  Hawa wanafanana na Wanyiramba wanapatikana singida hasa ikungi na manyoni weupe wanavutia 7. Wapare,  Hii ni jamii ya kabila la Wapare wanapatikana moshi wilaya ya same wako vizuri usicheze kabisa na hili kabila shape nzuri. 8 .Wamakonde,  ...
Image
  Mwenyekiti wa Bunge ambaye pia ni Mbunge wa Njombe Mjini, Deodatus Mwanyika akiongoza mjadala wa wabunge kuhusu makadirio ya Bajeti ya Ofisi ya Waziri Mkuu kwa mwaka 2026-2027 unaoendelea bungeni Dodoma Aprili 9, 2026.   Mbunge wa Njombe Mjini, Deodatus Mwanyika amemshukuru Rais Samia Suluhu Hassan kwa kuupatia Mkoa wa Njombe miradi mingi ya maendeleo kikiwemo Chuo Kikuu. Aidha, Mwanyika akichangia hotuba ya Waziri Mkuu bungeni Dodoma Aprili 14, 2026 hajasita kueleza ukweli kwamba bila kukamilika kwa ujenzi wa barabara ya Itoni - Lusitu mradi wa chuma wa Liganga hautakuwa na maana, kwani unategemea sana barabara hiyo.
Image

Kizza Besigye ‘akamatwa’ tena Uganda

Image copyright AP Image caption Dkt Besigye amekamatwa akielekea makao makuu ya Tume ya Uchaguzi Kiongozi wa chama cha upinzani cha Forum for Democratic Change (FDC) nchini Uganda Kizza Besigye amekamatwa tena na maafisa wa polisi. Watu walioshuhudia wanasema amekamatwa alipokuwa akijaribu kuondoka nyumbani kwake. Amekuwa kwenye kizuizi cha nyumbani tangu Ijumaa wakati polisi walimtuhumu kupanga kujitangazia matokeo. Mtazamo wa Kizza Besigye kuhusu uchaguzi Museveni: Uchaguzi wa Uganda ulikuwa shwari Image caption Besigye alizuiliwa na polisi mara tatu wiki iliyopita Wakili wake amethibitisha habari za kukamatwa kwake. Awali kulikuwa na habari kwamba angefika makao makuu ya Tume ya Uchaguzi kuitisha matokeo rasmi ya kina ya uchaguzi wa urais. Image copyright AFP Image caption Polisi walivamia afisi za chama cha FDC Ijumaa wiki iliyopita Tume ya Uchaguzi ilimtangaza Rais Yoweri Museveni kuwa mshindi wa uchaguzi wa urais uliofanyika Alhamisi wiki iliyopita.
Image

Wasifu wa Kizza Besigye

Image copyright BBC World Service Image caption Besigye anawania urais kwa mara ya nne Kanali (Mstaafu) Dkt Kizza Besigye Kifeefe alizaliwa mwaka 1956 katika wilaya ya Rukungiri, magharibi mwa Uganda. Besigye alifuzu kama daktari baada ya kusomea Chuo Kikuu cha Makerere, mjini Kampala. Alijiunga na chama cha Museveni cha Uganda Patriotic Movement muda mfupi baada ya kuondolewa madarakani kwa Idi Amin 1978. Mwaka 1982, alijiunga na Museveni vitani baada ya kuzuiliwa miezi miwili katika hoteli moja mjini Kampala akituhumiwa kushirikiana na waasi. Baada ya Museveni kuingia uongozini, alimteua Dkt Besigye, wakati huo akiwa na umri wa miaka 29, kuwa waziri wa nchi aliyesimamia masuala ya ndani na masuala ya siasa za taifa. Dkt Besigye alipanda cheo jeshini na kufikia cheo cha kanali. Alistaafu muda mfupi kabla ya uchaguzi mkuu wa 2001, miezi michache kabla ya kujitokeza na kutangaza kwamba angewania urais. Image copyright AFP Image caption Besigye aliwahi kukimbilia uhami...
Image

TANZIA;.KWA KHERI DADA YETU MPENDWA EDITHA, TASNIA IMEPATA PIGO

: Mwandishi wa habari wa mkoa wa Kigoma, Editha Karlo, amefariki dunia baada ya kuugua kwa muda mfupi. Taarifa za kifo chake zimethibitishwa na Kaimu Mwenyekiti wa Chama cha Waandishi wa Habari mkoa wa Kigoma, Jacob Ruvilo, aliyesema kuwa marehemu alifariki Jumatano mchana Aprili 28,2026 akiwa nyumbani kwao wilayani Kasulu. Kwa mujibu wa taarifa hiyo, kabla ya umauti wake marehemu alikuwa akipatiwa matibabu katika Hospitali ya Rufaa ya Muhimbili jijini Dar es Salaam.  
Image

NATAKA TANZANIA, KENYE NA UGANDA IWE NCHI MOJA, ILI BAHARI YA HINDI IWE YETU SOTE - MUEVENI

  Rais wa Uganda, Yoweri Museveni, alieleza nia yake ya kuona nchi za Afrika Mashariki Kenya, Uganda na Tanzania zikiunganishwa na kuwa taifa moja lenye nguvu kiuchumi na kisiasa. Akizungumza katika moja ya hotuba zake kuhusu ushirikiano wa kikanda, Museveni alisisitiza kuwa muungano huo ungeleta manufaa makubwa, hasa katika matumizi ya rasilimali na miundombinu. Alieleza kuwa upatikanaji wa Bahari ya Hindi ungekuwa wa pamoja kwa nchi zote, hatua ambayo ingeimarisha biashara ya kimataifa na kupunguza gharama za usafirishaji kwa mataifa yasiyo na bandari kama Uganda. Museveni pia aligusia umuhimu wa rasilimali zilizopo ndani ya ukanda huo, akisema kuwa kuziunganisha kungeongeza thamani yake na kuwezesha maendeleo ya haraka. Kwa mtazamo wake, nchi hizo zina nguvu kubwa ya pamoja katika kilimo, madini, utalii na nguvu kazi ya vijana, lakini zinahitaji mfumo wa pamoja ili kufikia mafanikio makubwa zaidi. Kauli hiyo imepokelewa kwa mitazamo tofauti miongoni mwa wachambuzi wa siasa na wa...
Image

RAIS SAMIA AWASILI IRINGA KWENDA MEI MOSI NJOMBE

  Rais wa Jamhuri ya Muungano wa Tanzania, Mhe.Dkt. Samia Suluhu Hassan katika Matukio tofauti ya picha alipowasili katika Uwanja wa Ndege Mkoani Iringa ambapo anatarajiwa kushiriki Maadhimisho ya Siku ya Wafanyakazi Duniani (Mei Mosi) yatakayofanyika mkoani Njombe Leo Mei 1, 2026.  
Image

IJUE HISTORIA YA PACOME ZOUZOUA

  Pacome Zouzoua alizaliwa tar 30 April 1997 nchini Ivory Coast ktk kitongoji cha Port. Hadi sasa ana umri wa miaka 26, ni kiungo wa kati mwenye uwezo wa kipekee anayetumia zaidi mguu wa kulia ktk kazi yake ya mpira. Alijiunga na Yanga tar 19 - 7 - 2023 majira ya saa 5 usiku akitokea ktk Club ya Asec Mimosas ya nchini Ivory Coast. Ni mchezaji mkakamavu mwenye wepesi miguuni anapokuwana mpira, hujituma sana awapo uwanjani na inavyosemekana ni tofauti sana na awapo ktk mazoezi ya kujiandaa na mechi, lakini siku za mechi kila mara amekuwa moto zaidi nakuwa mkombozi kwa timu kwa kuinasua kimatokeo. Nitaendelea kumpatia maua yake siku zote atakazokuwa ndani ya Young African Sports Club. Pacome Zouzoua anaujuaaaaa.